கார் மீது கண்டெய்னர் லாரி கவிழ்ந்து விபத்து- 6 பேர் உயிரிழப்பு

கர்நாடகா மாநிலம், பெங்களூரு அருகே கார் மீது கண்டெய்னர் லாரி கவிழ்ந்து பயங்கர விபத்து ஏற்பட்டுள்ளது.

இந்த கோர விபத்தில், காரில் பயணம் செய்த 5 பேரும், பைக்கில் சென்ற ஒருவர் என மொத்தம் 6 பேர் சம்பவ இடத்திலேயே உயிரிழந்துள்ளனர்.

வேகமாக வந்த இரண்டு லாரிகள், இரண்டு கார்கள் மற்றும் ஒரு பள்ளி பேருந்து மீது மோதி தொடர் விபத்தை ஏற்படுத்தியுள்ளது.

அப்போது, கண்டெய்னர் லாரி, கார் மீது கவிழ்ந்து விபத்தை ஏற்படுத்தியுள்ளது.

சம்பவ இடத்திற்கு விரைந்த போலீசார் விபத்தில் சிக்கியவர்களின் உடல்களை மீட்டு பிரேத பரிசோதனைக்கு அனுப்பி வைத்தனர்.

இந்த சம்பவம் தொடர்பாக வழக்குப்பதிவு செய்துள்ள போலீசார் மேற்கொண்டு விசாரணை நடத்தி வருகின்றனர்.