குட்டி யானையின் ஹோலி கொண்டாட்டம்

வண்ணங்களின் திருவிழாவான ஹோலி பண்டிகை நாடு முழுவதும் விரைவில் கொண்டாடப்பட உள்ளது. இந்த பண்டிகையின் போது ஒருவர் மீது ஒருவர் பல விதமான வண்ண பொடிகளை வீசி மகிழ்ச்சியாக ஓடி, ஆடி கொண்டாடுவார்கள்.

இந்நிலையில் இந்திய வனத்துறை அதிகாரியான சுஷந்தா நந்தா பகிர்ந்த குட்டி யானை ஒன்றின் வீடியோ இணையத்தில் வைரலாகி வருகிறது. அதில், அந்த குட்டி யானை மிகவும் மகிழ்ச்சியாக விளையாடும் காட்சிகள் உள்ளது. குறிப்பாக தரையில் இருந்து மண், தூசியை தன் மீது வாரி இறைத்து விளையாடும் காட்சிகள் பயனர்களை ரசிக்க செய்கிறது. 'அவரது பாணியில் ஹோலி கொண்டாட்டம்' என்ற தலைப்பில் சுஷந்தா நந்தா பகிர்ந்த இந்த வீடியோவை பார்த்த நெட்டிசன்கள் ரசனையான கருத்துக்களை பதிவிட்டு வருகின்றனர்.