செய்திகள்
டெல்லியில் பிரதமர் மோடி - கர்நாடக முதல் மந்திரி குமாரசாமி சந்திப்பு
கர்நாடக மாநிலத்தின் முதல் மந்திரியாக சமீபத்தில் பதவியேற்ற குமாரசாமி இன்று மாலை டெல்லியில் பிரதமர் மோடியை சந்தித்து மாலை அணிவித்து வாழ்த்து தெரிவித்தார். #KumarasamymeetsModi
புதுடெல்லி:
கர்நாடக மாநிலத்தில் காங்கிரஸ் ஜே.டி.எஸ். இடையே மந்திரிசபை இலாகா ஒதுக்கீட்டில் இழுபறி ஏற்பட்ட நிலையில் கர்நாடக மாநில காங்கிரசார் டெல்லி சென்று காங்கிரஸ் தலைவர் ராகுல்காந்தியை சந்தித்துப் பேசி வருகிறார்கள்.
இதற்கிடையே, முதல்- மந்திரி குமாரசாமியும் டெல்லி சென்றுள்ளார். இன்று மாலை பிரதமர் நரேந்திர மோடியை அவர் சந்தித்துப் பேசினார்.
மோடிக்கு மாலை அணிவித்து, மலர்செண்டு அளித்த குமாரசாமி, பிரதமர் பதவியில் நான்கு ஆண்டுகள் நிறைவு செய்தமைக்காக அவருக்கு வாழ்த்து தெரிவித்தார். #KumarasamymeetsModi