உள்ளூர் செய்திகள்
- செய்யதம்மாள் கலை மற்றும் அறிவியல் கல்லூரியில் 8-ம் ஆண்டு பட்டமளிப்பு விழா நடந்தது.
- விழாவில் 855 பேருக்கு பட்டங்கள் வழங்கப்பட்டது.
ராமநாதபுரம்
ராமநாதபுரம் செய்யதம்மாள் கலை மற்றும் அறிவியல் கல்லூரி 8-ம் ஆண்டு பட்டமளிப்பு விழா செய்யது அம்மாள் அறக்கட்டளை சேர்மன் டாக்டர் பாபு அப்துல்லா தலைமையில் நடைபெற்றது.கல்லூரி தாளாளர் செல்லத்துரை அப்துல்லா முன்னிலையில் காரைக்குடி அழகப்பா பல்கலைக்கழக துணை வேந்தர் பேராசிரியர் ரவி, மாணவ-மாணவிகளுக்கு பட்டங்களை வழங்கி விழா பேருரை ஆற்றினார்.
விழாவில் டாக்டர் செய்யதா அப்துல்லா,செய்யது அம்மாள் என்ஜினீயரிங் கல்லூரி தாளாளர் டாக்டர் சின்னத்துரை அப்துல்லா, செய்யது அம்மாள் மெட்ரிக் மேல்நிலைப்பள்ளி தாளாளர் ராஜாத்தி அப்துல்லா உள்பட பலர் கலந்து கொண்டனர். விழாவில் 855 பேருக்கு பட்டங்கள் வழங்கப்பட்டது.