மொபைல்ஸ்

ரியல்மி நிறுவனம் சீன சந்தையில் ரியல்மி 10 சீரிஸ் ஸ்மார்ட்போன்களை அறிமுகம் செய்வதற்கான பணிகளில் ஈடுபட்டு வருகிறது. ரியல்மி 10, ரியல்மி 10 ப்ரோ மற்றும் ரியல்மி 10 ப்ரோ பிளஸ் என மூன்று மாடல்கள் ரியல்மி 10 சீரிசில் இடம்பெற்று இருக்கும் என தகவல் வெளியாகி உள்ளது. மூன்று சாதனங்களும் TENAA மற்றும் 3C போன்ற சான்றுகளை பெற்று இருக்கின்றன.

இந்த நிலையில், அதிகாரப்பூர்வ வெளியீட்டுக்கு முன் ரியல்மி 10 ப்ரோ மற்றும் ரியல்மி 10 ப்ரோ பிளஸ் மாடல்கள் கீக்பென்ச் தளத்தில் இடம்பெற்றுள்ளன. அதன்படி ரியல்மி 10 ப்ரோ மாடலில் ஸ்னாப்டிராகன் 695 பிராசஸர், ரியல்மி 10 ப்ரோ பிளஸ் மாடலில் டிமென்சிட்டி 1080 பிராசஸர் வழங்கப்படுகிறது.

கீக்பென்ச் தளத்தில் இரு ஸ்மார்ட்போன்களில் வழங்கப்படும் பிராசஸர்களின் பெயர் குறிப்பிடப்படவில்லை. எனினும், அவற்றின் CPU மற்றும் GPU அம்சங்களை கொண்டு பிராசஸர்களின் பெயர் குறிப்பிடப்பட்டு உள்ளது. இரு ஸ்மார்ட்போன்களிலும் ஆண்ட்ராய்டு 13 ஒஎஸ், ரியல்மி 10 ப்ரோ மாடலில் 8 ஜிபி ரேம், ரியல்மி 10 ப்ரோ பிளஸ் மாடலில் 12 ஜிபி ரேம் வழங்கப்பட்டு இருக்கிறது.

ரியல்மி 10 ப்ரோ மாடல் சிங்கில் கோர் டெஸ்டில் 691 புள்ளிகளையும், மல்டி கோர் டெஸ்டில் 2026 புள்ளிகளையும் பெற்றுள்ளது. ரியல்மி 10 ப்ரோ பிளஸ் மாடல் சிங்கில் கோரில் 845 புள்ளிகள், மல்டி கோர் டெஸ்டில் 2378 புள்ளிகளை பெற்று இருக்கிறது. முந்தைய தகவல்களில் ரியல்மி 10 ப்ரோ மற்றும் ரியல்மி 10 ப்ரோ பிளஸ் மாடல்களில் 6.7 இன்ச் டிஸ்ப்ளே, 120Hz ரிப்ரெஷ் ரேட் வழங்கப்படும் என குறிப்பிடப்பட்டு இருந்தது.

ரியல்மி 10 ப்ரோ மற்றும் ரியல்மி 10 ப்ரோ பிளஸ் மாடல்களில் அதிகபட்சம் 12 ஜிபி வரையிலான ரேம், 512 ஜிபி மெமரி, 5000 எம்ஏஹெச் பேட்டரி வழங்கப்படலாம். ரியல்மி 10 ப்ரோ மாடலில் 33 வாட் பாஸ்ட் சார்ஜிங், 10 ப்ரோ பிளஸ் மாடலில் 67 வாட் ரேபிட் சார்ஜிங் வசதி வழங்கப்படலாம். இரு மாடல்களிலும் 16MP செல்பி கேமரா வழங்கப்படுகிறது.

சாம்சங் நிறுவனத்தின் புதிய கேலக்ஸி S23 சீரிஸ் மாடல்கள் பிப்ரவரி மாதத்தின் முதல் வாரத்தில் அறிமுகம் செய்யப்படலாம் என தகவல் வெளியாகி உள்ளது. இதற்கான அறிமுக நிகழ்வு சான் பிரான்சிஸ்கோவில் நடைபெறும் என கூறப்படுகிறது. பிப்ரவரி மாதத்தில் நடைபெறும் கேலக்ஸி அன்பேக்டு 2023 நிகழ்வை தொடர்ந்து பிப்ரவரி 17 ஆம் தேதி கேலக்ஸி S23 சீரிஸ் விற்பனை துவங்கும் என தெரிகிறது.

அம்சங்களை பொருத்தவரை சர்வதேச சந்தையில் புதிய கேலக்ஸி S23 சீரிஸ் மாடல்கள் குவால்காம் ஸ்னாப்டிராகன் 8 ஜென் 2 பிராசஸர் வழங்கப்படும் என கூறப்படுகிறது. இதுதவிர புதிய கேலக்ஸி S23 பிளாக்‌ஷிப் சீரிஸ் மாடல்களின் அம்சங்கள் மற்றும் ரெண்டர்கள் ஏற்கனவே இணையத்தில் தொடர்ந்து வெளியாகி வருகின்றன.

அதன்படி கேலக்ஸி S23 சீரிஸ் மாடல்களில் முந்தைய கேலக்ஸி S22 சீரிசில் வழங்கப்பட்டதை விட பெரிய பேட்டரி வழங்கப்படலாம். கேலக்ஸி S23 மாடலில் 6.1 இன்ச் AMOLED டிஸ்ப்ளே, பெசல்கள், 25 வாட் பாஸ்ட் சார்ஜிங் வசதி வழங்கப்படலாம். தற்போது ஸ்மா்ர்ட்போன் சந்தையில் ஏற்பட்டுள்ள சரிவு, சாம்சங் மெமரி கார்டு வியாபாரத்தில் ஏற்பட்ட தொய்வு உள்ளிட்ட காரணங்களால் புதிய கேலக்ஸி S23 சீரிஸ் வெளியீடு வழக்கத்தை விட முன்கூட்டியே நடைபெறும் என தெரிகிறது.

தற்போதுள்ள மாடல்களை விட புதிய கேலக்ஸி S23 சீரிஸ் ஸ்மார்ட்போன் விற்பனையை பெருமளவு அதிகப்படுத்தும் என கூறப்படுகிறது. கேலக்ஸி S23 மாடலில் புகைப்படங்களை எடுக்க 50MP பிரைமரி கேமரா, 12MP கேமரா, 10MP கேமரா மற்றும் 10MP செல்பி கேமரா வழங்கப்படலாம். இத்துடன் ஸ்னாப்டிராகன் 8 ஜென் 2 பிராசஸருடன், 3900 எம்ஏஹெச் பேட்டரி வழங்கப்படுகிறது.

Photo Courtesy: Onleaks X Digit.in

ஆப்பிள் நிறுவனம் முற்றிலும் புதிய ஐபோன் 14 சீரிஸ் மாடல்களை செப்டம்பர் மாத வாக்கில் இந்திய சந்தையில் அறிமுகம் செய்தது. புதிய ஐபோன் 14 மாடலில் ஆப்பிள் நிறுவனத்தின் ஏ15 பயோனிக் பிராசஸர் வழங்கப்பட்டு இருக்கிறது. ஃபார் அவுட் நிகழ்வில் அறிமுகம் செய்யப்பட்ட ஐபோன் 14 மாடலுக்கு ஜியோமார்ட் விற்பனை மையங்களில் அசத்தல் தள்ளுபடி வழங்கப்படுகிறது.

இந்திய சந்தையில் புதிய ஐபோன் 14 மாடலின் விலை ரூ. 79 ஆயிரத்து 900 என துவங்குகிறது. எனினும், ஜியோமார்ட் விற்பனையகத்தில் ஐபோன் 14 விலை ரூ. 77 ஆயிரத்து 900 என மாற்றப்பட்டு இருக்கிறது. இத்துடன் தேர்வு செய்யப்பட்ட வங்கி கார்டுகள் மற்றும் மாத தவணை முறையை பயன்படுத்தும் வாடிக்கையாளர்களுக்கு ரூ. 5 ஆயிரம் வரை கூடுதல் கேஷ்பேக் வழங்கப்படுகிறது.

அந்த வகையில் ஐபோன் 14 (128 ஜிபி) மாடலின் விலை ரூ. 7 ஆயிரம் வரை குறைந்துவிடும். ஆப்லைன் விற்பனை மையத்தில் இந்த சலுகை வழங்கப்படும் நிலையில், ஜியோமார்ட் ஆன்லைனில் ஐபோன் 14 (128 ஜிபி) விலை ரூ. 79 ஆயிரத்து 900 என்றே குறிப்பிடப்பட்டு இருக்கிறது.

ஆப்பிள் நிறுவனத்தின் ஐபோன் 14 சீரிசில்- ஐபோன் 14, ஐபோன் 14 பிளஸ், ஐபோன் 14 ப்ரோ மற்றும் ஐபோன் 14 ப்ரோ மேக்ஸ் போன்ற மாடல்களை விற்பனை செய்து வருகிறது. இதில் ஐபோன் 14 மாடல் 128 ஜிபி, 256 ஜிபி மற்றும் 512 ஜிபி போன்ற மெமரி ஆப்ஷன்களில் கிடைக்கிறது. மேலும் இந்த ஸ்மார்ட்போன் புளூ, பர்பில், மிட்நைட், ஸ்டார்லைட் மற்றும் ரெட் போன்ற நிறங்களில் கிடைக்கிறது.

ஐபோன் 14 (256 ஜிபி) மாடலின் விலை ரூ. 89 ஆயிரத்து 900 என்றும் 512 ஜிபி விலை ரூ. 1 லட்சத்து 09 ஆயிரத்து 900 என்றும் விலை நிர்ணயம் செய்யப்பட்டு உள்ளது. ஐபோன் 14 மாடலில் 6.1 இன்ச் சூப்பர் ரெட்டினா XDR OLED டிஸ்ப்ளே, ஆப்பிள் ஏ15 பயோனிக் பிராசஸர், அதிகபட்சம் 512 ஜிபி மெமரி, 12MP பிரைமரி கேமரா, 12MP அல்ட்ரா வைடு கேமரா, 12MP ஆட்டோபோகஸ் செல்பி கேமரா வழங்கப்பட்டு இருக்கிறது.

சியோமி நிறுவனம் ரெட்மி நோட் 12 5ஜி ஸ்மார்ட்போனினை கடந்த வாரம் சீன சந்தையில் அறிமுகம் செய்தது. இத்துடன் புதிய ரெட்மி நோட் 12 சீரிஸ் மாடல்களும் சீனாவில் அறிமுகம் செய்யப்பட்டன. ரெட்மி நோட் 12 சீரிசில் ரெட்மி நோட் 12 டிஸ்கவரி எடிஷன், ரெட்மி நோட் 12 ப்ரோ 5ஜி, ரெட்மி நோட் 12 ப்ரோ பிளஸ் 5ஜி போன்ற மாடல்கள் இடம்பெற்று இருந்தன.

இந்த நிலையில், தற்போது வெளியாகி இருக்கும் தகவல்களில் ரெட்மி நோட் 12 5ஜி ஸ்மார்ட்போன் இந்தியாவில் போக்கோ பிராண்டிங்கில் அறிமுகம் செய்யப்படலாம் என கூறப்படுகிறது. ரெட்மி நோட் 12 5ஜி மாடலில் உள்ளதை போன்ற அம்சங்கள் கொண்ட போக்கோ ஸ்மார்ட்போன் இந்த மாதமே இந்திய சந்தையில் அறிமுகம் செய்யப்படலாம் என தெரிகிறது.

இதுதவிர ரெட்மி நோட் 12 ப்ரோ 5ஜி மற்றும் நோட் 12 ப்ரோ பிளஸ் 5ஜி போன்ற மாடல்கள் சியோமி 12i மற்றும் சியோமி 12i ஹைப்பர்சார்ஜ் பெயரில் இந்திய சந்தையில் அறிமுகம் செய்யப்படும் என கூறப்படுகிறது. தற்போது இணையத்தில் வெளியாகி இருக்கும் தகவல்களில் 22111317PI மாடல் நம்பர் கொண்ட போக்கோ ஸ்மார்ட்போன் பிஐஎஸ் வலைதளத்தில் இடம்பெற்று இருக்கிறது.

சீன சந்தையில் அறிமுகம் செய்யப்பட்ட ரெட்மி நோட் 12 5ஜி மாடல் 22101317C எனும் மாடல் நம்பர் கொண்டிருந்ததாக கூறப்படுகிறது. இது M17 எண்ணின் சுருக்கப்பட்ட வடிவம் ஆகும். இதே போன்று புதிய போக்கோ சாதனத்தின் சுருக்கப்பட்ட வடிவம் M17 ஆகும். அந்த வகையில் புது போக்கோ ஸ்மார்ட்போன் ரெட்மி நோட் 12 5ஜி-யின் ரிபிராண்டு செய்யப்பட்ட மாடல் என கூறப்படுகிறது.

சியோமி நிறுவனம் பிரத்யேக டிசைன் கொண்ட புது பிளாக்‌ஷிப் ஸ்மார்ட்போன்களை அறிமுகம் செய்ய திட்டமிட்டுள்ளது. புது பிளாக்‌ஷிப் மாடல்களில் பிரீமியம் கேமரா அனுபவம், பிழை இல்லா செயல்திறன் என அசத்தலான வசதிகளை வழங்க சியோமி முடிவு செய்துள்ளது. இந்த வரிசையில் சியோமி 12S அல்ட்ரா கான்செப்ட் எடிஷனுக்கான டீசர் வெளியிடப்பட்டு இருக்கிறது. இந்த ஸ்மார்ட்போன் கூடுதலாக பொருத்திக் கொள்ளும் வசதி கொண்ட லெய்கா லென்ஸ் வழங்கப்பட்டு உள்ளது.

புதிய சியோமி பிளாக்‌ஷிப் மாடல் சாம்சங், ஆப்பிள், விவோ, ஒன்பிளஸ் என கேமரா அம்சங்கள் நிறைந்த ஸ்மார்ட்போன்களுக்கு போட்டியாக அமையும். சியோமி சீனா தனது வெய்போ மூலம் புதிய ஸ்மார்ட்போனிற்கான டீசர் வீடியோ, புகைப்படத்தை வெளியிட்டு இருக்கிறது. டீசர்களின் படி புது ஸ்மார்ட்போன் 1 இன்ச் பிரைமரி கேமரா கொண்டிருக்கும் என உறுதியாகி இருக்கிறது.

முழுமையான லெய்கா லென்ஸ் கொண்ட முதல் ஸ்மார்ட்போன் என்ற பெருமையை சியோமி 12S அல்ட்ரா கான்செப்ட் எடிஷன் பெற இருக்கிறது. இது புது ஸ்மார்ட்போனின் கேமரா திறனை ஒட்டுமொத்தமாக மேம்படுத்தும். புதிய சியோமி 12S அல்ட்ரா கான்செப்ட் எடிஷன் பிளாக்‌ஷிப் ஸ்மார்ட்போன் மட்டுமின்றி அலுவல்பூர்வ புகைப்பட சாதனமாகவும் செயல்படும் என எதிர்பார்க்கலாம்.

புதிய சியோமி 12S அல்ட்ரா கான்செப்ட் எடிஷன் மாடலில் இரண்டு 1-இன்ச் கேமரா சென்சார்கள் வழங்கப்படும் என சியோமி தலைமை செயல் அதிகாரி லெய் ஜூன் தெரிவித்து இருக்கிறார். இவற்றில் ஒரு லென்ஸ் செவ்வக சென்சார் ஆகும். மற்றொன்றில் வெளிப்புற லென்ஸ் ஒன்றை இணைத்துக் கொள்ளும் வசதி கொண்டிருக்கிறது. கூடுதல் லென்ஸ்-ஐ எளிதில் பொருத்தவும், கழற்றிக் கொள்ள ஏதுவாக அதனை நடுவில் பொருத்தி இருக்கிறது.

சியோமி 12S அல்ட்ரா கான்செப்ட் எடிஷனில் அல்ட்ரா வைடு லென்ஸ் வழங்கப்படுகிறது. எனினும், இதில் டெலிபோட்டோ லென்ஸ் வழங்கப்படவில்லை. இந்த ஸ்மார்ட்போனில் பொருத்தப்படும் கூடுதல் லென்ஸ் ஜூமிங் வசதியை வழங்கப்படும் என தெரிகிறது.

ஹெச்எம்டி குளோபல் நிறுவனம் இந்தியாவில் நோக்கியா G60 5ஜி ஸ்மார்ட்போனினை அறிமுகம் செய்தது. முன்னதாக செப்டம்பர் மாத வாக்கில் இந்த ஸ்மார்ட்போன் சர்வதேச சந்தையில் அறிமுகம் செய்யப்பட்டது குறிப்பிடத்தக்கது. புதிய நோக்கியா G60 5ஜி ஸ்மார்ட்போன் 100 சதவீதம் மறுசுழற்சி செய்யப்பட்ட பாலிகார்போனேட் பேக், 60 சதவீதம் மறுசுழற்சி செய்யப்பட்ட பாலிகார்போனேட் பிரேம் கொண்டிருக்கிறது.

புதிய நோக்கியா ஸ்மார்ட்போனிற்கு மூன்று ஆண்டுகள் ஒஎஸ் அப்டேட், மாதாந்திர செக்யூரிட்டி அப்டேட் மற்றும் இரண்டு ஆண்டுகளுக்கு வாரண்டி வழங்கப்படுகிறது. இதன் மூலம் வாடிக்கையாளர்கள் நோக்கியா ஸ்மார்ட்போனினை நீண்ட காலத்திற்கு பயன்படுத்த முடியும். இந்த ஸ்மார்ட்போனுடன் வரும் பெட்டியும் அதிகளவு மறுசுழற்சி செய்யப்பட்ட பொருட்களை கொண்டே உருவாக்கப்பட்டு இருக்கிறது.

அம்சங்களை பொருத்தவரை நோக்கியா G60 5ஜி ஸ்மார்ட்போனில் 6.58 இன்ச் 1080x2400 பிக்சல் வி நாட்ச், FHD+ LCD ஸ்கிரீன், 120Hz ரிப்ரெஷ் ரேட், கார்னிங் கொரில்லா கிளாஸ் பாதுகாப்பு, ஆக்டா கோர் ஸ்னாப்டிராகன் 695 பிராசஸர், அட்ரினோ 619L GPU, அதிகபட்சம் 6 ஜிபி ரேம், 128 ஜிபி மெமரி வழங்கப்பட்டு இருக்கிறது. இத்துடன் டூயல் சிம் ஸ்லாட், ஆண்ட்ராய்டு 12 ஒஎஸ் உள்ளது.

நோக்கியா G60 5ஜி சிறப்பம்சங்கள்:

6.58 இன்ச் 1080x2400 பிக்சல் வி நாட்ச், FHD+ LCD ஸ்கிரீன், 120Hz ரிப்ரெஷ் ரேட்

கார்னிங் கொரில்லா கிளாஸ் 5 பாதுகாப்பு

ஆக்டா கோர் ஸ்னாப்டிராகன் 695 பிராசஸர்

அட்ரினோ 619L GPU

அதிகபட்சம் 6 ஜிபி ரேம்

128 ஜிபி மெமரி

மெமரியை கூடுதலாக நீட்டிக்கும் வசதி

டூயல் சிம் ஸ்லாட்

ஆண்ட்ராய்டு 12

50MP பிரைமரி கேமரா, எல்இடி பிளாஷ்

5MP அல்ட்ரா வைடு கேமரா

2MP டெப்த் சென்சார்

8MP செல்பி கேமரா

பக்கவாட்டில் கைரேகை சென்சார்

3.5mm ஆடியோ ஜாக்

5ஜி, டூயல் 4ஜி வோல்ட்இ, வைபை, ப்ளூடூத் 5.1

யுஎஸ்பி டைப் சி

4500 எம்ஏஹெச் பேட்டரி

20 வாட் பாஸ்ட் சார்ஜிங் வசதி

விலை மற்றும் விற்பனை விவரங்கள்:

புதிய நோக்கியா G60 5ஜி ஸ்மார்ட்போன் பிளாக் மற்றும் ஐஸ் என இரண்டு விதமான நிறங்களில் கிடைக்கிறது. இதன் விலை ரூ. 29 ஆயிரத்து 999 என நிர்ணயம் செய்யப்பட்டு உள்ளது. புதிய நோக்கியா ஸ்மார்ட்போனிற்கான முன்பதிவு ஏற்கனவே துவங்கி விட்டது. விற்பனை நவம்பர் 8 ஆம் தேதி துவங்குகிறது.

ரியல்மி நிறுவனம் தனது ரியல்மி 10 ஸ்மார்ட்போன் நவம்பர் 09 ஆம் தேதி சர்வதேச சந்தையில் அறிமுகமாகும் என அறிவித்து இருக்கிறது. மேலும் இந்த ஸ்மார்ட்போன் மீடியாடெக் ஹீலியோ ஜி99 பிராசஸர், 90Hz AMOLED ஸ்கிரீன், அதிகபட்சம் 8 ஜிபி வரையிலான ரேம், 8 ஜிபி வரை விர்ச்சுவல் ரேம் கொண்டிருக்கும் என ரியல்மி உறுதிப்படுத்தி இருக்கிறது.

முன்னதாக புது ஸ்மார்ட்போனிற்கான டீசர்கள் வெளியிடப்பட்டு வந்த நிலையில், தற்போது அதிகாரப்பூர்வ வெளியீட்டு தேதி அறிவிக்கப்பட்டு இருக்கிறது. மேலும் புது ஸ்மார்ட்போனிற்கான டீசரில் 3.5mm ஆடியோ ஜாக், பல்வேறு நிறங்கள் மற்றும் கிரேடியண்ட் பினிஷ் உள்ளிட்ட அம்டசங்கள் ரியல்மி 10 மாடலில் வழங்கப்பட இருப்பது உறுதியாகி இருக்கிறது.

ரியல்மி 10 எதிர்பார்க்கப்படும் அம்சங்கள்:

6.4 இன்ச் 2400x1080 பிக்சல் FHD+ AMOLED ஸ்கிரீன், 90Hz ரிப்ரெஷ் ரேட்

ஆக்டா கோர் மீடியாடெக் ஹீலியோ ஜி99 பிராசஸர்

Arm மாலி-G57 MC2 GPU

4 ஜிபி, 8 ஜிபி ரேம், 128 ஜிபி மெமரி

8 ஜிபி ரேம், 256 ஜிபி மெமரி

மெமரியை கூடுதலாக நீட்டிக்கும் வசதி

டூயல் சிம் ஸ்லாட்

ஆண்ட்ராய்டு 12 சார்ந்த ரியல்மி யுஐ 3.0

50MP பிரைமரி கேமரா, எல்இடி பிளாஷ்

2MP கேமரா

16MP செல்பி கேமரா

பக்கவாட்டில் கைரேகை சென்சார்

3.5mm ஆடியோ ஜாக், ஹை-ரெஸ் ஆடியோ

டூயல் 4ஜி வோல்ட்இ, வைபை, ப்ளூடூத் 5.3

யுஎஸ்பி டைப் சி

5000 எம்ஏஹெச் பேட்டரி

33 வாட் சூப்பர்வூக் பாஸ்ட் சார்ஜிங்

புதிய ரியல்மி 10 ஸ்மார்ட்போன் விலை மற்றும் விற்பனை விவரங்கள் அடுத்த வாரம் நடைபெற இருக்கும் நிகழ்வில் அதிகாரப்பூர்வமாக அறிவிக்கப்படும். இதுதவிர ரியல்மி நிறுவனம் விரைவில் ரியல்மி 10 ப்ரோ ஸ்மார்ட்போனை அறிமுகம் செய்யவும் திட்டமிட்டு வருவதாக தகவல் வெளியாகி உள்ளது.

கூகுள் நிறுவனத்தின் பிக்சல் 7a ஸ்மார்ட்போன் அடுத்த ஆண்டு துவக்கத்தில் அறிமுகம் செய்யப்படும் என தகவல் வெளியாகி உள்ளது. இது கூகுள் நிறுவனத்தின் மிட் ரேன்ஜ் ஸ்மார்ட்போன் மாடல் ஆகும். முந்தைய பிக்சல் A சீரிஸ் மாடலை விட இதன் அம்சங்கள் மேம்பட்டு இருக்கும். முன்னதாக பிக்சல் 3a ஸ்மார்ட்போன் கூகுள் நிறுவனத்தின் முதல் A சீரிஸ் மாடலாக அறிமுகம் செய்யப்பட்டது.

ஒவ்வொரு பிக்சல் A சீரிஸ் வெளியீட்டின் போதும் பிளாக்‌ஷிப் அம்சங்கள், தரம் மற்றும் அனுபவத்திற்கான இடைவெளியை குறைக்கும் முயற்சியில் கூகுள் ஈடுபட்டு வருகிறது. இதே வழக்கம் பிக்சல் 4a 5ஜி மாடலிலும் தொடர்ந்தது. பிக்சல் 4a 5ஜி மாடலில் 90Hz ரிப்ரெஷ் ரேட் டிஸ்ப்ளே, பிரீமியம் மெட்டல் பாடி, வயர்லெஸ் சார்ஜிங் போன்ற அம்சங்கள் வழங்கப்பட்டன. இதைத் தொடர்ந்து அறிமுகம் செய்யப்பட்ட பிக்சல் 5a மாடலிலும் தலைசிறந்த அம்சங்கள் குறைந்த விலையில் விற்பனை செய்யப்பட்டன.

பிக்சல் 6a மாடலில் மட்டும் கேமரா சென்சார்கள் முந்தைய பிக்சல் 5a மாடலில் இருந்ததை போன்றே வழங்கப்பட்டது. ஆண்ட்ராய்டு ஒபன் சோர்ஸ் கோட் விவரங்களில் கூகுள் நிறுவனம் பிக்சல் 7a ஸ்மார்ட்போனை உருவாக்கி வருவது உறுதி செய்யப்பட்டது. மேலும் இந்த ஸ்மார்ட்போன் "Lynx" எனும் குறியீட்டு பெயரில் உருவாக்கப்படுவதாகவும், இதன் வெளியீடு அடுத்த ஆண்டு நடைபெறும் என்றும் கூறப்படுகிறது.

முன்னதாக டிப்ஸ்டரான டிஜிட்டல் சாட் ஸ்டேஷன் வெளியிட்ட தகவல்களில் பிக்சல் ஸ்மார்ட்போன் சீனாவில் உள்ள பாக்ஸ்கான் ஆலையில் உற்பத்தி செய்யப்படுவதாக தெரிவிக்கப்பட்டது. இந்த ஸ்மார்ட்போனிலும் டென்சார் G2 பிராசஸர் வழங்கப்படும் என்றும் செராமிக் பாடி கொண்டிருக்கும் என தகவல் வெளியானது. இந்த தகவல் உண்மையாகும் பட்சத்தில் செராமிக் பாடி கொண்ட முதல் பிக்சல் ஸ்மார்ட்போன் என்ற பெருமையை பிக்சல் 7a பெறும்.

ஒப்போ நிறுவனம் தனது ஹை-எண்ட் A சீரிசில் அறிமுகம் செய்ய புது ஸ்மார்ட்போனை உருவாக்கி வருவதாக தகவல் வெளியாகி உள்ளது. இந்த ஸ்மார்ட்போன் 108MP பிரைமரி கேமரா, 67 வாட் பாஸ்ட் சார்ஜிங், அதிக ஸ்கிரீன்-டு-பாடி ரேஷியோ போன்ற அம்சங்களை கொண்டிருக்கும் என கூறப்படுகிறது.

உண்மையில் இந்த ஸ்மார்ட்போன் எந்த பெயரில் விற்பனைக்கு வரும் என்பது கேள்விக்குறியாகவே உள்ளது. எனினும், ஒப்போ A சீரிஸ் மாடல்கள் எண்ட்ரி-லெவல் அல்லது பட்ஜெட் பிரிவிலேயே அறிமுகம் செய்யப்பட்டு வருகின்றன. இந்த மாதத்தில் மட்டும் ஒப்போ நிறுவனம் மூன்று A சீரிஸ் ஸ்மார்ட்போகளை இந்திய சந்தையில் அறிமுகம் செய்து இருக்கிறது.

டிப்ஸ்டரான டிஜிட்டல் சாட் ஸ்டேஷன் வெய்போவில் வெளியிட்டு இருக்கும் தகவல்களில், ஒப்போ நிறுவனம் புதிய A சீரிஸ் ஸ்மார்ட்போனினை உருவாக்கி வருவதாக குறிப்பிடப்பட்டு இருக்கிறது. மேலும் இந்த ஸ்மார்ட்போன் உயர்-ரக அம்சங்களை கொண்டிருக்கும் என்றும் இதுவரை வெளியான A சீரிஸ் மாடல்களில் இல்லாத அளவுக்கு அதிக ஸ்கிரீன் டு பாடி ரேஷியோ வழங்கப்படும் என கூறப்படுகிறது.

புதிய ஒப்போ ஸ்மார்ட்போன் வளைந்த டிஸ்ப்ளே, 2160Hz பல்ஸ்-விட்த் மாட்யுலேஷன் டிம்மிங் வசதி கொண்டிருக்கிறது. இது ஸ்கிரீன் ஃப்ளிக்கர் ஆகாமல் பார்த்துக் கொள்வதோடு சீரான டிஸ்ப்ளே அனுபவத்தை வழங்குகிறது. மேலும் இந்த ஸ்மார்ட்போனில் பன்ச் ஹோல் ரக டிஸ்ப்ளே, 108MP பிரைமரி கேமரா வழங்கப்படுகிறது. இத்துடன் 67 வாட் பாஸ்ட் சார்ஜிங் வசதி கொண்டுள்ளது.

சியோமி நிறுவனம் ஏற்கனவே அறிவித்தப்படி ரெட்மி நோட் 12 ப்ரோ, ரெட்மி நோட் 12 ப்ரோ பிளஸ் மற்றும் ரெட்மி நோட் 12 எக்ஸ்ப்ளோரர் எடிஷன் ஸ்மார்ட்போன்களை சீன சந்தையில் அறிமுகம் செய்தது. இவற்றில் AMOLED டிஸ்ப்ளே, 120Hz ரிப்ரெஷ் ரேட், எம்ஐயுஐ 13, 5000 எம்ஏஹெச் பேட்டரி, 16MP செல்பி கேமரா வழங்கப்பட்டுள்ளன.

சீன சந்தையில் ரெட்மி நோட் 12 ப்ரோ விலை RMB 1699 இந்திய மதிப்பில் ரூ. 19 ஆயிரத்து 380 என துவங்குகிறது. இதன் டாப் எண்ட் மாடல் விலை RMB 2099 இந்திய மதிப்பில் ரூ. 23 ஆயிரத்து 900 என நிர்ணம் செய்யப்பட்டு உள்ளது. ரெட்மி நோட் 12 ப்ரோ பிளஸ் விலை RMB 2099 இந்திய மதிப்பில் ரூ. 23 ஆயிரத்து 900 என துவங்குகிறது. இதன் டாப் எண்ட் மாடல் விலை RMB 2299 இந்திய மதிப்பில் ரூ. 26 ஆயிரத்து 200 ஆகும்.

ரெட்மி நோட் 12 எக்ஸ்ப்ளோரர் எடிஷன் அம்சங்கள்

6.67 இன்ச் FHD+OLED டிஸ்ப்ளே

மீடியாடெக் டிமென்சிட்டி 1080 பிராசஸர்

8 ஜிபி, 12 ஜிபி ரேம்

256 ஜிபி மெமரி

ஆண்ட்ராய்டு 12 சார்ந்த எம்ஐயுஐ 13

200MP பிரைமரி கேமரா

8MP அல்ட்ரா வைடு கேமரா

2MP மேக்ரோ கேமரா

16MP செல்பி கேமரா

பக்கவாட்டில் கைரேகை சென்சார்

5ஜி, 4ஜி எல்டிஇ, வைபை 6, ப்ளூடூத்

யுஎஸ்பி டைப் சி போர்ட்

4300 எம்ஏஹெச் பேட்டரி

210 வாட் பாஸ்ட் சார்ஜிங் வசதி

ரெட்மி நோட் 12 ப்ரோ மற்றும் 12 ப்ரோ பிளஸ் அம்சங்கள்:

6.67 இன்ச் FHD+OLED டிஸ்ப்ளே

மீடியாடெக் டிமென்சிட்டி 1080 பிராசஸர்

நோட் 12 ப்ரோ: 6 ஜிபி, 8 ஜிபி, 12 ஜிபி ரேம்

128 ஜிபி, 256 ஜிபி மெமரி

நோட் 12 ப்ரோ பிளஸ்: 8 ஜிபி, 12 ஜிபி ரேம், 256 ஜிபி மெமரி

ஆண்ட்ராய்டு 12 சார்ந்த எம்ஐயுஐ 13

நோட் 12 ப்ரோ பிளஸ்: 200MP பிரைமரி கேமரா, 8MP அல்ட்ரா வைடு, 2MP மேக்ரோ கேமரா

நோட் 12 ப்ரோ: 50MP பிரைமரி கேமரா, 8MP அல்ட்ரா வைடு, 2MP மேக்ரோ கேமரா

16MP செல்பி கேமரா

பக்கவாட்டில் கைரேகை சென்சார்

5ஜி, 4ஜி எல்டிஇ, வைபை 6, ப்ளூடூத்

யுஎஸ்பி டைப் சி போர்ட்

நோட் 12 ப்ரோ: 5000 எம்ஏஹெச் பேட்டரி, 67 வாட் பாஸ்ட் சார்ஜிங்

நோட் 12 ப்ரோ பிளஸ்: 5000 எம்ஏஹெச் பேட்டரி, 120 வாட் பாஸ்ட் சார்ஜிங்

சாம்சங் நிறுவனத்தின் கேலக்ஸி M23 5ஜி ஸ்மார்ட்போன் சமீபத்தில் தான் சர்வதேச சந்தையில் அறிமுகம் செய்யப்பட்டது. இதைத் தொடர்ந்து கேலக்ஸி A04 ஸ்மார்ட்போனினை அறிமுகம் செய்து இருந்தது. சர்வதேச வெளியீட்டை தொடர்ந்து இந்த ஸ்மார்ட்போன் மாடல்கள் இந்தியாவிலும் அறிமுகம் செய்யப்படும் என தகவல் வெளியாகி உள்ளது. இரு ஸ்மார்ட்போன்களுடன் கேலக்ஸி A04e மாடலும் இந்தியாவில் அறிமுகமாகும் என தெரிகிறது.

டிப்ஸ்டரான சுதான்ஷூ அம்போர் SM-M236B/DS, SM-A045F/DS மற்றும் SM-A042F/DS மாடல் நம்பர் கொண்ட மாடல்கள் சாம்சங் இந்தியா சப்போர்ட் வலைதளத்தில் இடம்பெற்று இருந்ததாக தெரிவித்து இருக்கிறார். இந்த மாடல் நம்பர்கள் கேலக்ஸி M23 5ஜி, கேலக்ஸி A04 மற்றும் கேலக்ஸி A04e பெயர்களில் விற்பனைக்கு வரலாம். மூன்று மாடல்களில் இரு ஸ்மார்ட்போன்கள் ஏற்கனவே சர்வதேச சந்தையில் அறிமுகம் செய்யப்பட்டு விட்டன.

அம்சங்களை பொருத்தவரை கேலக்ஸி M23 5ஜி மாடலில் 6.6 இன்ச் LCD FHD+ 120Hz ஸ்கிரீன், ஸ்னாப்டிராகன் 750ஜி பிராசஸர், அதிகபட்சம் 6 ஜிபி ரேம், 128 ஜிபி மெமரி, 5000 எம்ஏஹெச் பேட்டரி, 25 வாட் பாஸ்ட் சார்ஜிங் வசதி, ஆண்ட்ராய்டு 12 மற்றும் ஒன் யுஐ 4.1, பக்கவாட்டில் கைரேகை சென்சார் வழங்கப்படுகிறது. இத்துடன் 50MP பிரைமரி கேமரா, 8MP அல்ட்ரா வைடு கேமரா, 2MP மேக்ரோ கேமரா, 16MP செல்பி கேமரா வழங்கப்படும் என தெரிகிறது.

கேலக்ஸி A04e மாடலில் 6.5 இன்ச் PLS LCD ஸ்கிரீன், HD+ ரெசல்யூஷன், 5MP செல்பி கேமரா, ஆக்டா கோர் பிராசஸர், 4 ஜிபி ரேம், 13MP பிரைமரி கேமரா, 2MP டெப்த் சென்சார், ஒன் யுஐ கோர் 4.1, 5000 எம்ஏஹெச் பேட்டரி, 10 வாட் சார்ஜிங், டூயல் சிம் ஸ்லாட், 4ஜி வோல்ட்இ, வைபை, ப்ளூடூத், யுஎஸ்பி டைப் சி, 3.5mm ஆடியோ ஜாக் வழங்கப்படுகிறது.

கேலக்ஸி A04 ஸ்மார்ட்போன் 6.5 இன்ச் இன்பினிட்டி வி நாட்ச் டிஸ்ப்ளே, 5MP செல்பி கேமரா, ஆக்டா கோர் பிராசஸர், அதிகபட்சம் 8 ஜிபி ரேம், 128 ஜிபி மெமரி, மெமரியை கூடுதலாக நீட்டிக்கும் வசதி, 50MP பிரைமரி கேமரா, 2MP டெப்த் சென்சார், ஆண்ட்ராய்டு 12 சார்ந்த ஒன் யுஐ கோர் 4.1, 5000 எம்ஏஹெச் பேட்டரி, டூயல் சிம், 4ஜி வோல்ட்இ, வைபை, ப்ளூடூத் 5, யுஎஸ்பி டைப் சி, 3.5mm ஹெட்போன் ஜாக் வழங்கப்படுகிறது.

மோட்டோரோலா நிறுவனம் தனது முற்றிலும் புதிய மோட்டோரோலா ரேசர் போல்டபில் ஸ்மார்ட்போனினை சர்வதேச சந்தையில் அறிமுகம் செய்தது. ஆகஸ்ட் மாத வாக்கில் சீன சந்தையில் மட்டும் அறிமுகம் செய்யப்பட்ட நிலையில், தற்போது உலகளவில் இந்த ஸ்மார்ட்போன் அறிமுகமாகி இருக்கிறது.

சிறப்பம்சங்களை பொருத்தவரை 6.7 இன்ச் FHD+ மடிக்கக்கூடிய POLED ஸ்கிரீன், 144Hz ரிப்ரெஷ் ரேட், 2.7 இன்ச் FHD+ வெளிப்புறம் GOLED ஸ்கிரீன், குவால்காம் ஸ்னாப்டிராகன் 8 ஜென் 1 பிளஸ் பிராசஸர், 8 ஜிபி ரேம் வழங்கப்பட்டு இருக்கிறது. இந்த ஸ்மார்ட்போன் கார்னிங் கொரில்லா கிளாஸ் 5 மூலம் பாதுகாக்கப்படுகிறது. இத்துடன் 7000 சீரிஸ் அலுமினியம் ஃபிரேம், மேட் பினிஷ் மற்றும் ஸ்டெயின்லெஸ் ஸ்டீல் ஹின்ஜ் வழங்கப்பட்டுள்ளது.

மோட்டோரோலா ரேசர் 2022 அம்சங்கள்:

6.7 இன்ச் 2400x1080 பிக்சல் POLED 144Hz ரிப்ரெஷ் ரேட் ஸ்கிரீன்

2.7 இன்ச் 800x573 பிக்சல் GOLED, 60Hz ரிப்ரெஷ் ரேட் ஸ்கிரீன்

கார்னிங் கொரில்லா கிளாஸ் 5 பாதுகாப்பு

ஆக்டா கோர் ஸ்னாப்டிராகன் 8 ஜென் 1 பிளஸ் பிராசஸர்

அட்ரினோ 730 GPU

8 ஜிபி ரேம்

256 ஜிபி மெமரி

ஆண்ட்ராய்டு 12

50MP பிரைமரி கேமரா

13MP அல்ட்ரா வைடு + மேக்ரோ கேமரா

32MP செல்பி கேமரா கேமரா

ஸ்டீரியோ ஸ்பீக்கர்கள், டால்பி அட்மோஸ்

வாட்டர் ரெசிஸ்டண்ட்

5ஜி, 4ஜி வோல்ட்இ, வைபை, ப்ளூடூத் 5.2

யுஎஸ்பி டைப் சி

3500 எம்ஏஹெச் பேட்டரி

30 வாட் ட்ர்போ பவர் பாஸ்ட் சார்ஜிங்

விலை மற்றும் விற்பனை விவரங்கள்

புதிய மோட்டோரோலா ரேசர் 2022 ஸ்மார்ட்போன் சாடின் பிளாக் நிறத்தில் கிடைக்கிறது. இதன் விலை 1119 யூரோக்கள் இந்திய மதிப்பில் ரூ. 98 ஆயிரத்து 440 என நிர்ணயம் செய்யப்பட்டு உள்ளது. இதன் விற்பனை ஏற்கனவே துவங்கி நடைபெற்று வருகிறது.