மொபைல்ஸ்

ஐகூ நிறுவனம் தனது நியோ 9 ப்ரோ ஸ்மார்ட்போனின் இந்திய வெளியீடு குறித்து புதிய தகவல் தெரிவித்துள்ளது. அதன்படி இந்திய சந்தையில் ஐகூ நியோ 9 ப்ரோ ஸ்மார்ட்போன் பிப்ரவரி மாதம் அறிமுகம் செய்யப்பட இருக்கிறது. முன்னதாக இந்த ஸ்மார்ட்போன் சீன சந்தையில் அறிமுகம் செய்யப்பட்டது குறிப்பிடத்தக்கது.

புதிய ஐகூ நியோ 9 ப்ரோ மாடலில் டூயல் டோன் டிசைன், பிரீமியம் வீகன் லெதர் ஃபினிஷ், பிரத்யேக சதுரங்க வட்ட வடிவ கேமரா, ஸ்னாப்டிராகன் 8 ஜென் 2 பிராசஸர் வழங்கப்படுகிறது. இத்துடன் ஸ்டான்டர்டு கிளாஸ் பேக் வெர்ஷனும் அறிமுகம் செய்யப்படும் என்று கூறப்படுகிறது.

அம்சங்களை பொருத்தவரை ஐகூ நியோ 9 ப்ரோ மாடலில் 6.78 இன்ச் 1.5K LTPO AMOLED ஸ்கிரீன், 1400 நிட்ஸ் பீக் பிரைட்னஸ், சோனி IMX920 சென்சார், OIS, 8MP அல்ட்ரா வைடு லென்ஸ், 16MP செல்ஃபி கேமரா மற்றும் 5160 எம்.ஏ.ஹெச். பேட்டரி, 120 வாட் ஃபாஸ்ட் சார்ஜிங் வசதி வழங்கப்படுகிறது.

ஃபாஸ்ட் சார்ஜிங் வசதி மூலம் இந்த ஸ்மார்ட்போனை 9 நிமிடங்களில் 1-இல் இருந்து 40 சதவீதம் வரை சார்ஜ் செய்திட முடியும். மற்ற ஐகூ ஸ்மார்ட்போன்களை போன்றே ஐகூ நியோ 9 ப்ரோ மாடலும் அமேசான் வலைதளத்தில் விற்பனை செய்யப்பட இருக்கிறது.

ரெட்மி நோட் 13 ப்ரோ சீரிசுடன் சியோமி நிறுவனம் தனது ரெட்மி நோட் 13 5ஜி ஸ்மார்ட்போனையும் அறிமுகம் செய்தது. இதில் 6.67 இன்ச் FHD+ 120Hz AMOLED ஸ்கிரீன், மீடியாடெக் டிமென்சிட்டி 6080 பிராசஸர், அதிகபட்சம் 12 ஜி.பி. ரேம் வழங்கப்படுகிறது.

இத்துடன் 108MP பிரைமரி கேமரா, 8MP அல்ட்ரா வைடு கேமரா, 2MP மேக்ரோ லென்ஸ், 16MP செல்ஃபி கேமரா வழங்கப்பட்டு உள்ளது. இந்த ஸ்மார்ட்போன் 5000 எம்.ஏ.ஹெச். பேட்டரி, 33 வாட் ஃபாஸ்ட் சார்ஜிங் வசதி கொண்டிருக்கிறது.

ரெட்மி நோட் 13 5ஜி அம்சங்கள்:

6.67 இன்ச் FHD+ 1080x2400 பிக்சல் சூப்பர் AMOLED டிஸ்ப்ளே, 120Hz ரிப்ரெஷ் ரேட்

மீடியாடெக் டிமென்சிட்டி 6080 பிராசஸர்

மாலி G57 MC2 GPU

6 ஜி.பி., 8 ஜி.பி., 12 ஜி.பி. LPDDR4X ரேம்

128 ஜி.பி., 256 ஜி.பி. UFS 2.2 மெமரி

ஆண்ட்ராய்டு 12 சார்ந்த MIUI 14

ஹைப்ரிட் டூயல் சிம் ஸ்லாட்

100MP பிரைமரி கேமரா, OIS

2MP மேக்ரோ கேமரா

16MP செல்ஃபி கேமரா

பக்கவாட்டில் கைரேகை சென்சார்

3.5mm ஆடியோ ஜாக்

டஸ்ட் மற்றும் வாட்டர் ரெசிஸ்டண்ட் (IP54)

5ஜி, டூயல் 4ஜி வோல்ட்இ, வைபை, ப்ளூடூத்

யு.எஸ்.பி. டைப் சி

5000 எம்.ஏ.ஹெச். பேட்டரி

33 வாட் சார்ஜிங்

ரெட்மி நோட் 13 ஸ்மார்ட்போன் ஆர்க்டிக் வைட், ஸ்டெல்த் பிளாக் மற்றும் ப்ரிசம் கோல்டு என மூன்று நிறங்களில் கிடைக்கிறது. இதன் 6 ஜி.பி. ரேம், 128 ஜி.பி. மெமரி மாடல் விலை ரூ. 17 ஆயிரத்து 999 என்றும் 8 ஜி.பி. ரேம், 256 ஜி.பி. மெமரி மாடல் விலை ரூ. 19 ஆயிரத்து 999 என்றும் 12 ஜி.பி. ரேம், 256 ஜி.பி. மெமரி மாடல் விலை ரூ. 21 ஆயிரத்து 999 என்றும் நிர்ணயம் செய்யப்பட்டு உள்ளது. 

சியோமி நிறுவனம் தனது ரெட்மி நோட் 13 ப்ரோ மற்றும் ரெட்மி நோட் 13 ப்ரோ பிளஸ் ஸ்மார்ட்போன் மாடல்களை இந்திய சந்தையில் அறிமுகம் செய்தது. இவற்றில் 6.67 இன்ச் 1.5K 120Hz OLED டிஸ்ப்ளே, அதிகபட்சம் 1800 நிட்ஸ் பீக் பிரைட்னஸ் வழங்கப்பட்டு இருக்கிறது.

ரெட்மி நோட் 13 ப்ரோ மாடலில் ஸ்னாப்டிராகன் 7எஸ் ஜென் 2 பிராசஸர், ரெட்மி நோட் 13 ப்ரோ பிளஸ் மாடலில் டிமென்சிட்டி 7200 அல்ட்ரா பிராசஸர் வழங்கப்பட்டு இருக்கிறது. ஸ்மார்ட்போன் வெப்பத்தை கையாள ப்ரோ மாடலில் 9000mm² கூலிங் சொல்யூஷனும், ப்ரோ பிளஸ் மாடலில் 4000mm² VC ஹீட் டிசிபேஷன் ஷீட் உள்ளது. இரு மாடல்களிலும் அதிகபட்சம் 12 ஜி.பி. ரேம், 512 ஜி.பி. மெமரி உள்ளது.

ரெட்மி நோட் 13 ப்ரோ மற்றும் நோட் 13 ப்ரோ பிளஸ் அம்சங்கள்:

6.67 இன்ச் 2712x1220 பிக்சல் 1.5K OLED 120Hz ரிப்ரெஷ் ரேட் டிஸ்ப்ளே

நோட் 13 ப்ரோ - ஸ்னாப்டிராகன் 7எஸ் ஜென் 2 பிராசஸர், அட்ரினோ 710 GPU

8 ஜி.பி., 12 ஜி.பி. LPDDR4X ரேம்

128 ஜி.பி., 256 ஜி.பி. UFS 2.2 மெமரி

நோட் 13 ப்ரோ பிளஸ் - டிமென்சிட்டி 7200 அல்ட்ரா பிராசஸர், மாலி G610 MC4 GPU

8 ஜி.பி., 12 ஜி.பி. LPDDR5 ரேம்

256 ஜி.பி., 512 ஜி.பி. UFS 3.1 மெமரி

ஆண்ட்ராய்டு 13 சார்ந்த MIUI 14

டூயல் சிம் ஸ்லாட்

200MP பிரைமரி கேமரா, OIS

8MP அல்ட்ரா வைடு லென்ஸ்

2MP மேக்ரோ கேமரா

16MP செல்ஃபி கேமரா

இன் டிஸ்ப்ளே கைரேகை சென்சார்

3.5mm ஆடியோ ஜாக்

ஸ்டீரியோ ஸ்பீக்கர், டால்பி அட்மோஸ்

டஸ்ட் மற்றும் வாட்டர் ரெசிஸ்டண்ட்

நோட் 13 ப்ரோ - 5100 எம்.ஏ.ஹெச். பேட்டரி, 67 வாட் சார்ஜிங்

நோட் 13 ப்ரோ பிளஸ் - 5000 எம்.ஏ.ஹெச். பேட்டரி, 120 வாட் சார்ஜிங்

இந்திய சந்தையில் ரெட்மி நோட் 13 ப்ரோ மாடல் ஆர்க்டிக் வைட், கோரல் பர்ப்பில் மற்றும் மிட்நைட் பிளாக் நிறங்களில் கிடைக்கிறது. இதன் 8 ஜி.பி. ரேம், 128 ஜி.பி. மெமரி மாடல் விலை ரூ. 25 ஆயிரத்து 999 என்றும் 8 ஜி.பி. ரேம், 256 ஜி.பி. மெமரி மாடல் மற்றும் 12 ஜி.பி. ரேம், 256 ஜி.பி. மெமரி மாடல் விலை முறையே ரூ. 27 ஆயிரத்து 999 மற்றும் ரூ. 29 ஆயிரத்து 999 என்று நிர்ணயம் செய்யப்பட்டு உள்ளது.

ரெட்மி நோட் 13 ப்ரோ பிளஸ் மாடல் ஃபியுஷன் வைட், ஃபியுஷன் பர்ப்பில் மற்றும் ஃபியுஷன் பிளாக் நிறங்களில் கிடைக்கிறது. இதன் 8 ஜி.பி. ரேம், 256 ஜி.பி. மெமரி மாடல் விலை ரூ. 31 ஆயிரத்து 999 என்றும் 12 ஜி.பி. ரேம், 256 ஜி.பி. மெமரி மாடல் மற்றும் 12 ஜி.பி. ரேம், 512 ஜி.பி. மெமரி மாடல் விலை முறையே ரூ. 33 ஆயிரத்து 999 மற்றும் ரூ. 35 ஆயிரத்து 999 என்று நிர்ணயம் செய்யப்பட்டு உள்ளது.

ரியல்மி நிறுவனம் சமீபத்தில் அறிமுகம் செய்த ரியல்மி C67 5ஜி ஸ்மார்ட்போனிற்கு அசத்தல் சலுகைகள் அறிவிக்கப்பட்டு உள்ளன. இந்த ஸ்மார்ட்போனில் அதிவேகமான 33 வாட் சூப்பர் வூக் சார்ஜிங் வசதி, 4 ஜி.பி. ரேம், 120 ஹெர்ட்ஸ் ரிப்ரெஷ் ரேட் கொண்ட டைனமிக் டிஸ்ப்ளே போன்ற அம்சங்கள் வழங்கப்பட்டு இருக்கின்றன.

இந்திய சந்தையில் ரூ. 13 ஆயிரத்து 999 விலையில் அறிமுகம் செய்யப்பட்ட ரியல்மி C67 5ஜி மாடல் தற்போது விசேஷ சலுகைகள் மற்றும் தள்ளுபடியுடன் கிடைக்கிறது. அந்த வகையில், இந்த ஸ்மார்ட்போனிற்கு ரூ. 1000 தள்ளுபடி வழங்கப்படுகிறது. இத்துடன் வங்கி சார்ந்த கேஷ்பேக் வழங்கப்படுகிறது.

பயனர்கள் ஜனவரி 1-ம் தேதியில் இருந்து ஜனவரி 31-ம் தேதிக்குள் ரியல்மி C67 5ஜி ஸ்மார்ட்போன் வாங்கும் போது ரூ. 1000 தள்ளுபடியுடன், தேர்வு செய்யப்பட்ட வங்கி டெபிட் மற்றும் கிரெடிட் கார்டுகளை பயன்படுத்தும் போது ரூ. 1000 கேஷ்பேக் வழங்கப்படுகிறது. இதன் மூலம் இந்த ஸ்மார்ட்போனின் 4 ஜி.பி. ரேம், 128 ஜி.பி. மெமரி மாடல் விலை ரூ. 11 ஆயிரத்து 999 என்று மாறிவிடும்.

ரியல்மி C67 5ஜி அம்சங்கள்:

6.72 இன்ச் 2400x1080 பிக்சல் FHD+ ஸ்கிரீன்

ஆக்டா கோர் மீடியாடெக் டிமென்சிட்டி 6100+ பிராசஸர்

Arm மாலி - G57 MC2 GPU

4 ஜி.பி., 6 ஜி.பி. ரேம்

128 ஜி.பி. மெமரி

மெமரியை கூடுதலாக நீட்டிக்கும் வசதி

டூயல் சிம் ஸ்லாட்

ஆண்ட்ராய்டு 13 சார்ந்த ரியல்மி யு.ஐ. 4.0

50MP பிரைமரி கேமரா, எல்.இ.டி. ஃபிளாஷ்

2MP போர்டிரெயிட் கேமரா

8MP செல்ஃபி கேமரா

பக்கவாட்டில் கைரேகை சென்சார்

3.5mm ஆடியோ ஜாக், ஹை-ரெஸ் ஆடியோ

டஸ்ட் மற்றும் ஸ்பிலாஷ் ரெசிஸ்டண்ட்

5ஜி, டூயல் 4ஜி வோல்ட்இ, வைபை, ப்ளூடூத் 5.2

யு.எஸ்.பி. டைப் சி

5000 எம்.ஏ.ஹெச். பேட்டகி

33 வாட் சூப்பர்வூக் ஃபாஸ்ட் சார்ஜிங்

இந்திய சந்தையில் ரெட்மி நோட் 13 சீரிஸ் மாடல்கள் ஜனவரி 4-ம் தேதி அறிமுகம் செய்யப்பட இருக்கிறது. இந்த சீரிசில் அனைத்து மாடல்களும் 5ஜி கனெக்டிவிட்டி கொண்டிருக்கும் என்று தெரிகிறது. புதிய நோட் சீரிஸ் மாடல்கள் வெளியாக இருக்கும் நிலையில், ரெட்மி நோட் 12 4ஜி விலை குறைக்கப்பட்டு இருக்கிறது.

முன்னதாக ரூ. 14 ஆயிரத்து 999 விலையில் அறிமுகமான ரெட்மி நோட் 12 4ஜி விலை தற்போது குறைந்த விலையில் கிடைக்கிறது. இதன் 6 ஜி.பி. ரேம், 128 ஜி.பி. மெமரி மாடல் விலை ரூ. 16 ஆயிரத்து 999 என்று நிர்ணயம் செய்யப்பட்டு இருந்தது.

விலை குறைப்பின் படி ரெட்மி நோட் 12 4ஜி விலை தற்போது முறையே ரூ. 11 ஆயிரத்து 999 மற்றும் ரூ. 13 ஆயிரத்து 999 என்று நிர்ணயம் செய்யப்பட்டு உள்ளது. இந்த விலை ப்ளிப்கார்ட் வலைதளத்தில் ஏற்கனவே அப்டேட் செய்யப்பட்டு விட்டது. இதுதவிர ஹெச்.டி.எஃப்.சி., எஸ்.பி.ஐ. மற்றும் ஆக்சிஸ் வங்கி கார்டுகளை பயன்படுத்தும் போது ரூ. 1500 வரை உடனடி தள்ளுபடி வழங்கப்படுகிறது.

அதன்படி ரெட்மி நோட் 12 4ஜி விலை ரூ. 10 ஆயிரத்து 499 மற்றும் ரூ. 12 ஆயிரத்து 499 என்று மாறிவிடும். இந்த ஸ்மார்ட்போன் லூனார் பிளாக், சன்ரைஸ் கோல்டு மற்றும் ஐஸ் புளூ என மூன்றுவிதமான நிறங்களில் கிடைக்கிறது. 

சர்வதேச ஸ்மார்ட்போன் சந்தையில் ஐபோன் மாடல்களுக்கு தனி மவுசு உண்டு. ஒவ்வொரு முறை புதிய மாடல் அறிமுகமாகும் போதும், அதனை உடனே வாங்க தனி ரசிகர் பட்டாளமும் ஐபோனுக்கு எப்போதும் இருக்கும். அந்த வகையில், கடந்த செப்டம்பர் மாத வாக்கில் ஆப்பிள் நிறுவனம் ஐபோன் 15 சீரிஸ் மாடல்களை அறிமுகம் செய்தது.

அறிமுகமான ஒரே வாரத்தில் விற்பனைக்கு வந்த ஐபோன் 15 சீரிஸ் சர்வதேச அளவில் நல்ல வரவேற்பை பெற்றது. அறிமுகமான சமயத்தில் ஐபோன் 15 மாடலின் 128 ஜி.பி. ரூ. 79 ஆயிரத்து 990 என்றும் 256 ஜி.பி. விலை ரூ. 89 ஆயிரத்து 900 என்றும் 512 ஜி.பி. விலை ரூ. 1 லட்சத்து 09 ஆயிரத்து 900 என்று நிர்ணயம் செய்யப்பட்டது.

இந்த நிலையில், விஜய் சேல்ஸ்-இல் ஐபோன் மாடல்களுக்கு சிறப்பு சலுகைகள் வழங்கப்படுகின்றன. இந்த சலுகைகள் ஜனவரி 7-ம் தேதி வரை வழங்கப்படுகிறது. சலுகைகளை பயனர்கள் 130 விஜய் சேல்ஸ் ஸ்டோர்கள் மற்றும் வலைதளத்தில் பெற முடியும்.

விஜய் சேல்ஸ்-இல் ஐபோன் 15 மாடலின் 128 ஜி.பி. ரூ. 70 ஆயிரத்து 990 விலையில் விற்பனை செய்யப்படுகிறது. இத்துடன் ஹெச்.டி.எஃப்.சி. வங்கி கார்டு பயன்படுத்தும் போது ரூ. 4 ஆயிரம் வரையிலான சலுகைகள் வழங்கப்படுகின்றன. அதன்படி ஒட்டுமொத்தமாக ரூ. 12 ஆயிரம் வரையிலான பலன்கள் வழங்கப்படுகின்றன.

ஐபோன் 15 ப்ரோ 1 டி.பி. விலை ரூ. 1 லட்சத்து 62 ஆயிரத்து 990 மற்றும் ரூ. 1 லட்சத்து 59 ஆயிரத்து 990-க்கு விற்பனை செய்யப்படுகிறது. ஐபோன் 15 ப்ரோ மாடலின் இதர வெர்ஷன்களுக்கும் தள்ளுபடி வழங்கப்படுகிது. 

ஒன்பிளஸ் நிறுவனத்தின் ஒன்பிளஸ் நார்டு 3 ஸ்மார்ட்போனிற்கு சிறப்பு விலை குறைப்பு அறிவிக்கப்பட்டு இருக்கிறது. இந்த ஸ்மார்ட்போன் தற்போது ரூ. 30 ஆயிரத்திற்கும் குறைந்த விலையில் விற்பனைக்கு கிடைக்கிறது. அமேசான் மற்றும் ஃப்ளிப்கார்ட் வலைதளங்களில் விலை குறைப்பு அமலுக்கு வந்துள்ளது.

தற்தோதைய விலை குறைப்பு ஒன்பிளஸ் நார்டு 3 ஸ்மார்ட்போனின் 8 ஜி.பி. ரேம், 128 ஜிபி. மெமரி மாடல் மற்றும் 16 ஜி.பி. ரேம், 256 ஜி.பி. மெமரி மாடல் என இரண்டு வேரியண்ட்களுக்கும் பொருந்தும். முன்னதாக ஒன்பிளஸ் நார்ட் 3 ஸ்மார்ட்போனின் 8 ஜி.பி. மெமரி மாடல் விலை ரூ. 33 ஆயிரத்து 999 என்று நிர்ணயம் செய்யப்பட்டு இருந்தது. தற்போது இதன் விலை ரூ. 29 ஆயிரத்து 999 என்று மாறி இருக்கிறது.

ஒன்பிளஸ் நார்டு 3 ஸ்மார்ட்போனின் 16 ஜி.பி. மெமரி மாடல் விலை ரூ. 33 ஆயிரத்து 999 என்று மாறி இருக்கிறது. முன்னதாக இதன் விலை ரூ. 37 ஆயிரத்து 999 என்று நிர்ணயம் செய்யப்பட்டு இருந்தது குறிப்பிடத்தக்கது. அந்த வகையில், இந்த ஸ்மார்ட்போனின் இரண்டு வேரியண்ட்களின் விலையும் ரூ. 4 ஆயிரம் குறைந்துள்ளது.

அம்சங்களை பொருத்தவரை ஒன்பிளஸ் நார்டு 3 மாடலில் 6.74 இன்ச் 1.5K AMOLED டிஸ்ப்ளே, 120 ஹெர்ட்ஸ் ரிப்ரெஷ் ரேட், மீடியாடெக் டிமென்சிட்டி 9000 பிராசஸர், மாலி G57 10-கோர் GPU, 50MP OIS பிரைமரி கேமரா, 8MP அல்ட்ரா வைடு லென்ஸ், 2MP மேக்ரோ கேமரா, 16MP செல்ஃபி கேமரா வழங்கப்பட்டு இருக்கிறது.

இத்துடன் அதிகபட்சம் 16 ஜி.பி. ரேம், 256 ஜி.பி. மெமரி, ஆண்ட்ராய்டு 13 சார்ந்த ஆக்சிஜன் ஒ.எஸ். 13.1, 5000 எம்.ஏ.ஹெச். பேட்டரி, 80 வாட் சூப்பர்வூக் ஃபாஸ்ட் சார்ஜிங் வழங்கப்பட்டு இருக்கிறது. மேலும் 5ஜி, டூயல் 4ஜி வோல்ட்இ, வைபை, ப்ளுடூத், யு.எஸ்.பி. டைப் சி போன்ற வசதிகள் உள்ளன.

போக்கோ நிறுவனம் தனது போக்கோ X6 சீரிஸ் ஸ்மார்ட்போன்களை விரைவில் இந்திய சந்தையில் அறிமுகம் செய்ய இருக்கிறது. இதனை உணர்த்தும் வகையில் புதிய ஸ்மார்ட்போன்களுக்கான டீசர் வெளியிடப்பட்டு இருக்கிறது. டீசர்களில் "தி அல்டிமேட் பிரிடேட்டர்" எனும் வாசகம் இடம்பெற்றுள்ளது.

டீசருடன் போக்கோ வெளியிட்டுள்ள வீடியோவில் போக்கோ விளம்பர தூதர் ஹர்திக் பான்டியா இடம்பெற்று இருக்கிறார். டீசர் வீடியோவில் வேட்டை துவங்குகிறது என்பதை குறிக்கும் காட்சிகள் மட்டும் இடம்பெற்று இருக்கிறது. இவைதவிர வேறு தகவல்கள் எதுவும் இடம்பெறவில்லை.

எனினும், மீடியாடெக் டிமென்சிட்டி 8300 அல்ட்ரா பிராசஸர் கொண்ட முதல் ஸ்மார்ட்போனாக போக்கோ X6 சீரிஸ் இருக்கும் என்று போக்கோ உறுதிப்படுத்தி இருக்கிறது. இதே பிராசஸர் ரெட்மி K70E மாடலிலும் வழங்கப்பட்டு இருக்கிறது. அந்த வகையில், இந்த ஸ்மார்ட்போன் போக்கோ பிரான்டிங்கில் அறிமுகம் செய்யப்படுவதாக தெரிகிறது.

அம்சங்களை பொருத்தவரை ரெட்மி K70E மாடலில் 6.67 இன்ச் 1.5K OLED ஸ்கிரீன், அதிகபட்சம் 1800 நிட்ஸ் பீக் பிரைட்னஸ், 120 ஹெர்ட்ஸ் ரிப்ரெஷ் ரேட், அதிகபட்சம் 16 ஜி.பி. ரேம், 1 டி.பி. மெமரி, கிளாஸ் பேக், பிளாஸ்டிக் ஃபிரேம் வழங்கப்படுகிறது.

இத்துடன் 64MP பிரைமரி கேமரா, 8MP அல்ட்ரா வைடு லென்ஸ், 2MP மேக்ரோ கேமரா, 5500 எம்.ஏ.ஹெச். பேட்டரி, 90 வாட் ஃபாஸ்ட் சார்ஜிங் வசதி வழங்கப்படுகிறது. 

ஒன்பிளஸ் நிறுவனம் ஒருவழியாக தனது ஒன்பிளஸ் 12R ஸ்மார்ட்போனின் வெளியீட்டு தேதியை அறிவித்துவிட்டது. இது தொடர்பாக அந்நிறுவனம் வெளியிட்டுள்ள போஸ்டரில் ஒன்பிளஸ் 12 மற்றும் ஒன்பிளஸ் 12R ஸ்மார்ட்போன்கள் ஜனவரி 23-ம் தேதி இந்தியாவில் அறிமுகம் செய்யப்படும் என்று தெரிவிக்கப்பட்டு இருக்கிறது.

ஒன்பிளஸ் 12R மாடல் அந்நிறுவனம் ஜனவரி 4-ம் தேதி சீனாவில் அறிமுகம் செய்யவிருக்கும் ஒன்பிளஸ் ஏஸ் 3 ஸ்மார்ட்போனின் ரிபிராண்டு செய்யப்பட்ட வெர்ஷன் ஆகும். ஒன்பிளஸ் 12R ஸ்மார்ட்போன் ஐயன் கிரே மற்றும் கூல் புளூ என இரண்டு நிறங்களில் கிடைக்கும் என்று தெரிவிக்கப்பட்டுள்ளது. இதன் இடதுபுறத்தில் அலர்ட் ஸ்லைடர் வழங்கப்படுகிறது.

சீனாவை தொடர்ந்து ஒன்பிளஸ் 12R ஸ்மார்ட்போன் இந்தியா, வட அமெரிக்கா மற்றும் ஐரோப்பா போன்ற சந்தைகளிலும் அறிமுகம் செய்யப்பட உள்ளது. முன்னதாக R பிராண்டிங் கொண்ட ஸ்மார்ட்போன்களை ஒன்பிளஸ் இந்தியாவில் மட்டுமே விற்பனை செய்து வந்தது குறிப்பிடத்தக்கது. சீனாவில் ஒன்பிளஸ் ஏஸ் 3 ஸ்மார்ட்போன் சேன்ட் கோல்டு நிறத்தில் கிடைக்கும் என்று அறிவிக்கப்பட்டு இருக்கிறது.

எதிர்பார்க்கப்படும் அம்சங்கள்:

இதுவரை வெளியாகி இருக்கும் தகவல்களின் படி ஒன்பிளஸ் 12R ஸ்மார்ட்போன் ஸ்னாப்டிராகன் 8 ஜென் 2 பிராசஸர் கொண்டிருக்கும் என்று கூறப்படுகிறது. இத்துடன் 8 ஜி.பி. / 16 ஜி.பி. ரேம், 128 ஜி.பி. / 256 ஜி.பி. மெமரி வழங்கப்படுகிறது. மேலும் இந்த ஸ்மார்ட்போன் 5000 எம்.ஏ.ஹெச். பேட்டரி, 100 வாட் சார்ஜிங் வசதி கொண்டிருக்கும் என்று தெரிகிறது.

ஒன்பிளஸ் 12R ல்மார்ட்போன் ஆன்ட்ராய்டு 14 சார்ந்த ஆக்சிஜன் ஒ.எஸ். 14 கொண்டிருக்கலாம். இத்துடன் 6.78 இன்ச் OLED பேனல், 120 ஹெர்ட்ஸ் ரிப்ரெஷ் ரேட், 50MP பிரைமரி கேமரா, 8MP அல்ட்ரா வைடு லென்ஸ், 2MP மேக்ரோ சென்சார், 16MP செல்ஃபி கேமரா வழங்கப்படுகிறது.

விவோ X100 சீரிஸ் இந்திய வெளியீடு அடுத்த வாரம் நடைபெற இருக்கிறது. இதற்கான அதிகாரப்பூர்வ அறிவிப்பை விவோ வெளியிட்டு உள்ளது. இத்துடன் புதிய ஸ்மார்ட்போனிற்கான மைக்ரோசைட் ஒன்றையும் விவோ இந்தியா உருவாக்கி இருக்கிறது.

முன்னதாக விவோ X100 மற்றும் விவோ X100 ப்ரோ ஸ்மார்ட்போன்கள் கடந்த நவம்பர் மாத வாக்கில் சீன சந்தையில் அறிமுகம் செய்யப்பட்டன. இவற்றில் மீடியாடெக் டிமென்சிட்டி 9300 பிராசஸர் வழங்கப்பட்டு இருந்தன. சீன வெளியீட்டை தொடர்ந்து இந்த ஸ்மார்ட்போன் சர்வதேச சந்தையின் தேர்வு செய்யப்பட்ட நாடுகளில் அறிமுகம் செய்யப்பட்டது.

இதுவரை வெளியாகி இருக்கும் தகவல்களின் படி விவோ X100 சீரிஸ் இந்திய வேரியண்ட்களிலும் இதே பிராசஸர் மற்றும் 8T LTPO டிஸ்ப்ளே வழங்கப்படும் என்று அறிவிக்கப்பட்டு இருக்கிறது. இவற்றில் 50MP 1 இன்ச் பிரைமரி கேமரா மற்றும் கூடுதலாக இரண்டு கேமரா சென்சார்கள் வழங்கப்படுகின்றன. இந்திய சந்தையில் விவோ X100 ஸ்மார்ட்போன்கள் ஜனவரி 4-ம் தேதி அறிமுகம் செய்யப்பட உள்ளன.

இதற்காக வெளியிடப்பட்டு இருக்கும் டீசர்களில் விவோ X100 மற்றும் விவோ X100 ப்ரோ ஸ்மார்ட்போன்கள் ஆஸ்டிராய்டு பிளாக், ஸ்டார்டிரெயில் புளூ மற்றும் சன்செட் போன்ற நிறங்களில் கிடைக்கும் என்று தெரியவந்துள்ளது. இந்த ஸ்மார்ட்போன்கள் ஃபன்டச் ஒ.எஸ். 14, செய்ஸ் பிரான்டு கேமராக்கள், IP68 சான்று கொண்டிருக்கும் என்று உறுதியாகி இருக்கிறது.

விவோ X100 சீரிஸ் அறிமுகமாகும் அதே நாளில் சியோமி நிறுவனம் தனது ரெட்மி நோட் 13 5ஜி சீரிஸ் ஸ்மார்ட்போன்களை இந்திய சந்தையில் அறிமுகம் செய்ய இருக்கிறது.

நத்திங் நிறுவனத்தின் போன் 2a மாடல் விரைவில் அறிமுகம் செய்யப்பட இருக்கிறது. இது நத்திங் நிறுவனத்தின் மூன்றாவது ஸ்மார்ட்போன் மாடல் ஆகும். புதிய ஸ்மார்ட்போன் பற்றிய விவரங்கள் சில வாரங்களுக்கு முன்பு வெளியாகின. இத்துடன் நத்திங் போன் 2a அம்சங்களும் இடம்பெற்று இருந்தன.

அதன்படி புதிய நத்திங் போன் 2a மாடலில் 6.7 இன்ச் AMOLED பேனல், 1084x2412 பிக்சல் ரெசல்யூஷன், 120Hz ரிப்ரெஷ் ரேட், மீடியாடெக் டிமென்சிட்டி 7200 பிராசஸர், 50MP பிரைமரி கேமரா, 50MP அல்ட்ரா வைடு லென்ஸ், 32MP சென்சார் வழங்கப்படும் என்று தெரிகிறது. இதில் உள்ள டிஸ்ப்ளேவை BOE மற்றும் Visionox உற்பத்தி செய்யும் என்று கூறப்படுகிறது.

மேலும் இந்த ஸ்மார்ட்போன் பிளாக் மற்றும் வைட் என இரண்டு நிறங்களில் கிடைக்கும் என்று தெரிகிறது. இதன் பிளாக் நிற வேரியண்ட் ரூப்ரேன் பிளாக் என்றும் வைட் நிற வேரியண்ட் அசுனிம் வைட் வால்பேப்பர்களை கொண்டிருக்கும் என்று கூறப்படுகிறது.

முதற்கட்டமாக நத்திங் போன் 2a மாடல் இந்தியா, ஜப்பான், ஐரோப்பா மற்றும் சர்வதேச சந்தைகளில் விற்பனை செய்யப்படும் என்று தகவல் வெளியாகியுள்ளது.

அடுத்த ஆண்டு பிப்ரவரி 27-ம் தேதி நடைபெற இருக்கும் சர்வதேச மொபைல் காங்கிரஸ் விழாவில் "நத்திங் டு சீ" என்ற நிகழ்வுக்கு நத்திங் தயாராகி வருகிறது. எனினும், இந்த நிகழ்வில் என்னென்ன அறிவிப்புகள் வெளியாகும் என்பது குறித்து இதுவரை எந்த தகவலும் இல்லை. 

போக்கோ நிறுவனத்தின் புதிய M சீரிஸ் ஸ்மார்ட்போன் இந்திய சந்தையில் அறிமுகம் செய்யப்பட்டு இருக்கிறது. போக்கோ M6 5ஜி பெயரில் அறிமுகமாகி இருக்கும் புதிய மாடலில் மீடியாடெக் டிமென்சிட்டி 6100 பிளஸ் பிராசஸர், அதிகபட்சம் 8 ஜி.பி. ரேம், 256 ஜி.பி. மெமரி வழங்கப்பட்டு இருக்கிறது. இத்துடன் ஆண்ட்ராய்டு 13 சார்ந்த MIUI14 வழங்கப்பட்டுள்ளது.

இந்த ஸ்மார்ட்போன் 5000 எம்.ஏ.ஹெச். பேட்டரி மற்றும் 18 வாட் சார்ஜிங் வசதி கொண்டிருக்கிறது. புகைப்படங்களை எடுக்க 50MP ஏ.ஐ. கேமரா, இரண்டாவது சென்சார் மற்றும் 5MP செல்ஃபி கேமரா வழங்கப்பட்டு இருக்கிறது.

போக்கோ M6 5ஜி அம்சங்கள்:

6.74 இன்ச் 1600x720 பிக்சல் HD+ 90Hz ரிப்ரெஷ் ரேட் டிஸ்ப்ளே

ஆக்டா கோர் மீடியாடெக் டிமென்சிட்டி 6100 பிளஸ் பிராசஸர்

ARM மாலி G57 MC2 GPU

அதிகபட்சம் 8 ஜி.பி. ரேம்

அதிகபட்சம் 256 ஜி.பி. மெமரி

மெமரியை கூடுதலாக நீட்டிக்கும் வசதி

ஆண்ட்ராய்டு 13 சார்ந்த MIUI 14

டூயல் சிம் ஸ்லாட்

50MP பிரைமரி கேமரா

5MP செல்ஃபி கேமரா

பக்கவாட்டில் கைரேகை சென்சார்

3.5mm ஆடியோ ஜாக், எஃப்.எம். ரேடியோ

டஸ்ட் மற்றும் ஸ்பிலாஷ் ரெசிஸ்டண்ட்

5ஜி, டூயல் 4ஜி வோல்ட்இ, வைபை, ப்ளூடூத்

யு.எஸ்.பி. டைப் சி போர்ட்

5000 எம்.ஏ.ஹெச். பேட்டரி

18 வாட் ஃபாஸ்ட் சார்ஜிங் வசதி

போக்கோ M6 5ஜி ஸ்மார்ட்போன் கேலக்டிக் பிளாக் மற்றும் ஒரியன் புளூ என இரண்டு நிறங்களில் கிடைக்கிறது. இதன் விலை ரூ. 10 ஆயிரத்து 499 என்று துவங்குகிறது. இதன் 8 ஜி.பி. ரேம், 256 ஜி.பி. மெமரி மாடல் விலை ரூ. 13 ஆயிரத்து 499 என்று நிர்ணயம் செய்யப்பட்டு உள்ளது.

புதிய போக்கோ ஸ்மார்ட்போன் வாங்குவோர் ஐ.சி.ஐ.சி.ஐ. வங்கி கிரெடிட் மற்றும் டெபிட் கார்டுகளுக்கு ரூ. 1000 உடனடி தள்ளுபடி வழங்கப்படுகிறது. ஏர்டெல் பிரீபெயிட் பயனர்களுக்கு 50 ஜி.பி. வரை கூடுதல் தள்ளுபடி வழங்கப்படுகிறது.