நீங்கள் தேடியது "மழை நீர் தேக்கம்"

பொன்னேரி:

மீஞ்சூர் சிறப்பு நிலை பேரூராட்சியில் மாதாந்திர கவுன்சிலர்கள் கூட்டம் பேரூராட்சி தலைவர் ருக்மணி மோகன்ராஜ் தலைமையில், செயல் அலுவலர் வெற்றியரசு, துணைத்தலைவர் அலெக்சாண்டர் முன்னிலையில் நடைபெற்றது. இக்கூட்டத்தில் மீஞ்சூர் சிறப்பு நிலை பேரூராட்சியின் வளர்ச்சி பற்றி கூட்டத்தில் விவாதிக்கப்பட்டது.

இந்த கூட்டத்தில் கவுன்சிலர்கள், பருவமழை தொடங்குவதற்கு முன்பு தண்ணீர் தேங்கும் தெருக்களை ஆய்வு செய்து முன்னெச்சரிக்கை நடவடிக்கை எடுக்க வேண்டும் எனவும், மழைக்காலங்களில் தண்ணீர் தேங்குவதால் கொசு உற்பத்தியாகி நோய்கள் அதிகமாக பரவுவதற்கு வழிவகை உள்ளதாகவும், மழை நீரை அகற்றுவதற்கு கூடுதலாக ஜேசிபி இயந்திரங்களை பயன்படுத்த வேண்டும் எனவும் கோரிக்கைகளை தெரிவித்தனர்.

பூதலூர்:

தஞ்சை மாவட்ட தமிழ் நாடு விவசாயிகள் சங்க தலைவர் ராமச்சந்திரன் தஞ்சை கனிம வள உதவி இயக்குநர் மற்றும் தஞ்சை மாவட்ட கலெக்டர் ஆகியோருக்கு அனுப்பி உள்ள மனுவில் குறிப்பிட்டு இருப்பதாவது:-

செங்கிப்பட்டி பகுதியில் செங்கிப்பட்டி ஆச்சாம்பட்டி, உசிலம்பட்டி, துருசுப்பட்டி ஆகிய ஊர்களில் உள்ள ஏரிகளில் விதிகளை மீறி அதிக அளவு ஆழத்திற்கு மண் எடுத்து லாரியில் கொண்டு செல்லப்படுகிறது. மேலும் குறைந்த பரப்பிற்கு அனுமதி பெறப்பட்டு பல ஏக்கர் பரப்பில் மண் எடுத்து வருகின்றனர்.

சில இடங்களில் அனுமதிக்கப்பட்ட இடத்திற்கு பதிலாக வேறொரு இடத்தில் மண் எடுக்கப்பட்டு வருகிறது. அதே போல அதிக ஆழத்தில் மண் எடுக்கப்பட்டு வருகிறது.

இதனால் பருவமழை காலங்களில் இதில் மழை தண்ணீர் தேங்கி கால்நடைகள் மற்றும் மனிதர்களின் உயிர்களுக்கு ஆபத்து ஏற்படும் நிலை உருவாகும். எனவே சம்பந்தப்பட்ட அதிகாரிகள் இது குறித்து கள ஆய்வு செய்து உரிய நடவடிக்கை எடுக்க வேண்டும். களஆய்வு செய்து நடவடிக்கை எடுக்க வில்லை என்றால் தமிழ் நாடு விவசாயிகள் சங்கம் சார்பில் ஆர்ப்பாட்டம் நடை பெறும்.

இவ்வாறு அதில் கூறப்பட்டுள்ளது.

கடலூர்:

டெங்கு காய்ச்சலை கட்டுப்படுத்துவது தொட ர்பாக கடலூர் மாநகராட்சி ஆணையாளர் காந்திராஜ் வெளியிட்டுள்ள செய்தி க்குறிப்பில் கூறியிருப்பதா வது:- கடலூர் மாநகராட்சி நிர்வாகத்தால் டெங்கு காய்ச்சலை கட்டுப்படுத்த பல்வேறு நடவடிக்கைகள் எடுக்கப்பட்டு வருகிறது. டெங்கு காய்ச்சலை பரப்பும் ஈடிஸ் கொசுக்கள் மழை தண்ணீர், நல்ல தண்ணீரில் மட்டுமே முட்டை இடும். இந்த ஈடிஸ் கொசுக்கள் கருப்பு வெள்ளை கலரில் இருக்கும். பொதுமக்கள் வீடுகளில் உள்ள தண்ணீர் தொட்டி களை மூடி வைக்க வேண்டும். நல்ல தண்ணீர் பிடித்து வைக்கும் சிறு, சிறு பாத்திரங்களையும் மூடி வைக்க வேண்டும். மொட்டை மாடியில் உள்ள தண்ணீர் டேங்கு களை மூடி வைக்க வேண்டும். வீட்டில் பூந்தொட்டிகள் வைத்திரு ந்தால், அவைகளில் அதிக மாக தண்ணீர் ஊற்றி, தண்ணீர் தேங்கும் அளவுக்கு வைக்கக் கூடாது. படிக்கட்டுகளின் கீழ், மொட்டை மாடிகள் மற்றும் வீட்டின் அருகில் தேவையில்லாத பெயிண்ட் டப்பா, சிரட்டை, பிளாஸ்டிக் பாட்டில்கள், சாப்பாடு பார்சல் வாங்கி வந்த பிளாஸ்டிக் அட்டை பெட்டிகள், பழைய ஷூக்கள், உடைந்த ஹெல்மெட்டுகள் போன்ற உபயோகமற்ற அனைத்து பொருட்களையும் உடனடியாக அப்புறப்ப டுத்த வேண்டும்.

வீடுகளில் உள்ள குளிர்சாதனப் பெட்டிக ளின் பின்புறம் உள்ள டப்பாவில் தண்ணீர் சேர விடக்கூடாது. வீட்டின் பின்புறம் உள்ள பகுதி களில் ஆட்டு உர ல்களை போட்டு வைக்கக் கூடாது. மழை நீர் தேங்கும் வண்ணம் எந்த பொரு ளையும் போட்டு வைக்கக் கூடாது. குறிப்பாக வீட்டில் தூங்கும்போது கொசுக்கள் கடிக்காத வண்ணம் கொசு வலைகளை பயன்படுத்த வேண்டும். குழந்தைகளுக்கு முழுக் கை சட்டை, முழுக் கால் பேண்ட் போட வேண்டும். மேலும், யாருக்கேனும் 2, 3 நாட்கள் தொடர்ந்து காய்ச்சல் வந்தால், கண்டிப்பாக அரசு பொது மருத்து வமனைக்கு சென்று, டாக்டர் ஆலோச னைப்படி மருந்துகள் எடுத்து க்கொள்ள வேண்டும். இவ்வாறு அதில் அவர் கூறியுள்ளார்.