நீங்கள் தேடியது "இந்தோனேசியா மாஸ்டர்ஸ் பேட்மிண்டன்"

இந்தோனேசியா மாஸ்டர்ஸ் பேட்மிண்டன் தொடரில் பெண்களுக்கான ஒற்றையர் பிரிவு இறுதிப் போட்டிக்கு இந்தியாவின் சாய்னா நேவால், ஸ்பெயினின் கரோலினா மரின் ஆகியோர் முன்னேறினர்.

இன்று இறுதிப் போட்டி நடைபெற்றது. போட்டி விறுவிறுப்பாக நடைபெற்றுக் கொண்டிருந்தது. சாய்னா 3-10 என பின்தங்கிய நிலையில் இருந்தபோது, கரோலினா மரினுக்கு தொடைப்பகுதியில் (hamstring injury) காயம் ஏற்பட்டது. இதனால் போட்டியில் இருந்து விலகினார். ஆகவே, சாய்னா நேவால் சாம்பியன் பட்டம் வென்றார்.

இந்தோனேசியா மாஸ்டர்ஸ் பேட்மிண்டன் தொடரில் இந்தியாவின் முன்னணி வீராங்கனையான சாய்னா நேவால், இந்தோனேசியாவின் தினார் தியா ஆயுஸ்டைன்-ஐ எதிர்கொண்டார். 8-ம் நிலை வீராங்கனையான சாய்னா நேவால், 50-ம் நிலை வீராங்கனையான தினாரிடம் முதல் செட்டை 7-21 என அதிர்ச்சிகரமாக இழந்தார். பின்னர் சுதாரித்துக்கொண்ட சாய்னா 2-வது செட்டை 21-16 எனவும், 3-வது செட்டை 21-11 எனவும் கைப்பற்றி வெற்றி பெற்றார்.

ஆண்களுக்கான ஒற்றையர் பிரிவில் பிரனீதர் 12-21, 16-21 என சீனாவின் சென் லாங்கிடம் தோல்வியடைந்து வெளியேறினார். சுபாங்கர் டென்மார்க்கின் விக்டர் அலெக்சனிடம் 14-21, 21-19, 15-21 என தோல்வியடைந்தார்.