என் மலர்

    நீங்கள் தேடியது "World Cup football"

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • 64 ஆண்டுகளுக்கு பிறகு வேல்ஸ் உலக கோப்பை கால்பந்து போட்டிக்கு தகுதி பெற்றுள்ளது.
    • இதற்கு முன் 1958-ம் ஆண்டு முதல் முறையாக முன்னேறி இருந்தது.

    கார்டிப்:

    உலக கோப்பை கால்பந்து போட்டி நவம்பர் 21-ந்தேதி முதல் டிசம்பர் 1-ந்தேதி வர ஆசிய கண்டத்தில் உள்ள கத்தாரில் நடக்கிறது.

    இந்தப் போட்டியில் மொத்தம் 32 நாடுகள் பங்கேற்கின்றன. போட்டியை நடத்தும் கத்தார் மட்டும் நேரடியாக விளையாடுகிறது. மற்ற நாடுகள் தகுதி சுற்று மூலமே முன்னேறி இருந்தன.

    உலக கோப்பை கால்பந்து போட்டிக்கு 3 நாடுகள் தகுதி பெற வேண்டி இருந்தது.

    இந்த நிலையில் ஐரோப்பா கண்டத்தில் இருந்து வேல்ஸ் உலக கோப்பை போட்டிக்கு தகுதி பெற்றுள்ளது.

    கார்டிப் நகரில் நேற்று நடந்த ஆட்டத்தில் வேல்ஸ் அணி 1-0 என்ற கோல் கணக்கில் உக்ரைனை வீழ்த்தியது. இந்த வெற்றி மூலம் அந்த அணி உலக கோப்பை போட்டிக்கு முன்னேறியது.

    மார்ச் மாதம் நடைபெற வேண்டிய போட்டி தற்போது நடந்துள்ளது. உக்ரைன் மீது ரஷியா போர் தொடுத்ததால் இந்த போட்டி தள்ளி வைக்கப்பட்டது.

    ஆட்டத்தின் 34-வது நிமிடத்தில் வேல்ஸ் கேப்டன் காரெத் பாலே இந்த கோலை அடித்தார்.

    64 ஆண்டுகளுக்கு பிறகு வேல்ஸ் உலக கோப்பை கால்பந்து போட்டிக்கு தகுதி பெற்றுள்ளது. இதற்கு முன் 1958-ம் ஆண்டு முதல் முறையாக முன்னேறி இருந்தது.

    வேல்ஸ் அணி 'பி' பிரிவில் இருக்கிறது. இங்கிலாந்து, அமெரிக்கா, ஈரான் ஆகிய நாடுகளும் அந்த பிரிவில் உள்ளன.

    உலக கோப்பை கால்பந்து போட்டிக்கு இன்னும் 2 நாடுகள் தகுதி பெற வேண்டி உள்ளது. 

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    தென் அமெரிக்க கண்டத்தில் உள்ள அர்ஜெண்டினா, ஐரோப்பிய கண்டத்தில் உள்ள நெதர்லாந்து ஆகிய அணிகள் உலக கோப்பை கால்பந்து போட்டிக்கு தகுதி பெற்றுள்ளன.

    சான்ஜூயான்:

    உலக கோப்பை கால்பந்து போட்டி அடுத்த ஆண்டு (2022) நவம்பர் 21-ந் தேதி முதல் டிசம்பர் 18-ந் தேதி வரை கத்தாரில் நடக்கிறது.

    இந்த போட்டியில் 32 நாடுகள் பங்கேற்கின்றன. போட்டியை நடத்தும் கத்தார் மட்டுமே நேரடியாக விளையாடும். மீதியுள்ள 31 நாடுகளும் தகுதி சுற்று மூலமே முன்னேற முடியும்.

    உலக கோப்பை கால்பந்து போட்டிக்கான தகுதி சுற்று ஆட்டங்கள் உலகின் பல்வேறு நாடுகளில் நடைபெற்று வருகிறது.

    4 முறை சாம்பியனான ஜெர்மனி, டென்மார்க், 5 முறை கோப்பையை வென்ற பிரேசில், 2 தடவை சாம்பியனான பிரான்ஸ், பெல்ஜியம், குரோஷியா, 2010-ம் ஆண்டு சாம்பியனான ஸ்பெயின், செர்பியா, 1966- ம் ஆண்டு சாம்பியனான இங்கிலாந்து, சுவிட்சர்லாந்து ஆகிய நாடுகள் முறையே வரிசைப்படி தகுதி பெற்று இருந்தன.

    இந்த நிலையில் தென் அமெரிக்க கண்டத்தில் உள்ள அர்ஜெண்டினா, ஐரோப்பிய கண்டத்தில் உள்ள நெதர்லாந்து ஆகிய அணிகள் உலக கோப்பை கால்பந்து போட்டிக்கு தகுதி பெற்றுள்ளன.

    சான்ஜூயான் நகரில் நடந்த தகுதி சுற்று ஆட்டம் ஒன்றில் அர்ஜெண்டினா- பிரேசில் அணிகள் மோதின. இந்த ஆட்டம் கோல் எதுமின்றி டிரா ஆனது. நட்சத்திர வீரர் லியோனல் மெஸ்சியால் கோல் போட முடியவில்லை.

    இந்த போட்டி டிராவில் முடிந்தாலும், அர்ஜெண்டினா அணி உலக கோப்பை போட்டிக்கு தகுதி பெற்றது. தென் அமெரிக்க கண்டத்தில் தகுதி சுற்றில் முதல் 4 இடங்களில் அந்த அணி உள்ளது.

    அர்ஜெண்டினா உலக கோப்பை போட்டிக்கு 18-வது முறையாக தகுதி பெற்றுள்ளது. இதில் 2 முறை (1978, 1986) சாம்பியன் பட்டம் பெற்று இருந்தது.

    இதேபோல ஐரோப்பிய கண்டத்தில் நடந்த தகுதி சுற்று ஆட்டத்தில் நெதர்லாந்து 2-0 என்ற கணக்கில் நார்வேயை வீழ்த்தியது. இதன் மூலம் அந்த அணி உலக கோப்பை போட்டிக்கு தகுதி பெற்றது.

    ஐரோப்பிய கண்டத்தில் வலுவான அணிகளில் ஒன்றான நெதர்லாந்து கடந்த உலக கோப்பை கால்பந்து போட்டிக்கு தகுதி பெறவில்லை. தற்போது அந்த அணி வீரர்கள் தகுதி சுற்றில் சிறப்பான பங்களிப்பை வெளிப்படுத்தி உள்ளனர்.

    நெதர்லாந்து அணி 10-வது முறையாக உலக கோப்பை போட்டிக்கு தகுதி பெற்றுள்ளது. அந்த அணி 3 முறை 2-வது இடத்தை பிடித்துள்ளது.

    உலக கோப்பை போட்டிக்கு இதுவரை 12 நாடுகள் தகுதி பெற்றுள்ளன. இன்னும் 19 நாடுகள் தகுதிபெற வேண்டியுள்ளது. 


    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    22-வது உலகக்கோப்பை கால்பந்து போட்டி ஆசிய கண்டத்தில் நடத்தப்படுகிறது. இந்த போட்டியை நடத்தும் வாய்ப்பை கத்தார் பெற்றுள்ளது.

    பாரீஸ்:

    ஒலிம்பிக்குக்கு அடுத்து மிகவும் புகழ்பெற்றது உலகக்கோப்பை கால்பந்து போட்டியாகும்.

    4 ஆண்டுகளுக்கு ஒரு முறை இந்த உலகக்கோப்பை போட்டி நடைபெற்று வருகிறது. கடைசியாக 2018-ம் ஆண்டு ரஷியாவில் நடந்த போட்டியில் பிரான்ஸ் அணி குரேஷியாவை வீழ்த்தி உலகக்கோப்பையை கைப்பற்றியது.

    22-வது உலகக்கோப்பை கால்பந்து போட்டி ஆசிய கண்டத்தில் நடத்தப்படுகிறது. இந்த போட்டியை நடத்தும் வாய்ப்பை கத்தார் பெற்றுள்ளது. உலகக் கோப்பை கால்பந்து போட்டி வழக்கமாக ஜூன், ஜூலை மாதங்களில் நடைபெறும்.

    கத்தாரில் அப்போது கடுமையான வெப்பம் நிலவும் என்பதால் இந்த போட்டி நவம்பர், டிசம்பரில் நடத்தப்படுகிறது. நவம்பர் 21-ந் தேதி முதல் டிசம்பர் 18-ந்தேதி வரை அங்குள்ள 5 நகரங்களில் நடக்கிறது.

    இந்த போட்டியில் மொத்தம் 32 நாடுகள் பங்கேற்கின்றன. உலகக் கோப்பையை நடத்தும் கத்தார் மட்டும் நேரடியாக விளையாடும். மற்ற 31 அணிகளும் தகுதி சுற்றின் மூலமே பங்கேற்க முடியும்.

    உலகக்கோப்பை கால்பந்து போட்டிக்கான தகுதி சுற்று ஆட்டங்கள் பல்வேறு நாடுகளில் நடைபெற்று வருகிறது. ஜெர்மனி, டென்மார்க் அணிகள் கடந்த மாதம் 11 மற்றும் 12-ந் தேதிகளில் தகுதி பெற்றன. அதைத்தொடர்ந்து பிரேசில், தென் அமெரிக்க கண்டத்தின் முதல் அணியாக தகுதி பெற்றது.

    இந்த நிலையில் ஐரோப்பிய கண்டத்தில் உள்ள பிரான்ஸ், பெல்ஜியம் ஆகிய அணிகள் உலகக்கோப்பை கால்பந்து போட்டிக்கு தகுதி பெற்றுள்ளன.

    இரண்டு முறை உலகக் கோப்பையை வென்ற பிரான்ஸ், 15-வது முறையாகவும், பெல்ஜியம் 13-வது முறையாகவும் உலகக்கோப்பையில் விளையாடுகின்றன.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    உலக கோப்பையை வென்றது அற்புதமானது என்று பிரான்ஸ் கால்பந்து அணியின் பயிற்சியாளர் டெஸ்சாம்ப்ஸ் தெரிவித்தார். #FIFAWC2018 #Champion #France
    மாஸ்கோ:

    ரஷியாவில் அரங்கேறிய 21-வது உலக கோப்பை கால்பந்து போட்டியில் மாஸ்கோவில் நேற்று முன்தினம் இரவு நடந்த இறுதி ஆட்டத்தில் பிரான்ஸ் அணி 4-2 என்ற கோல் கணக்கில் குரோஷியாவை வீழ்த்தி 2-வது முறையாக உலக கோப்பையை உச்சி முகர்ந்தது. ஏற்கனவே பிரான்ஸ் அணி 1998-ம் ஆண்டில் உலக கோப்பையை வென்று இருந்தது.

    பிரான்ஸ் அணி கோப்பையை வென்ற மறு வினாடியே பிரான்ஸ் நாடு முழுவதும் கொண்டாட்டம் களை கட்டியது. ரசிகர்கள் தெருக்களுக்கு திரண்டு வந்து உற்சாக கொண்டாட்டத்தில் ஈடுபட்டனர். தேசிய கொடிகளுடன் தெருக்களில் வெற்றி உலா வந்தனர். பாரீஸ் உள்பட சில இடங்களில் ரசிகர்களின் வெற்றி கொண்டாட்டம் வரம்பு மீறியது. சிலர் கடைகளை அடித்து நொறுக்கினார்கள். ரசிகர்களின் கொண்டாட்டம் எல்லை மீறியதால் போலீசார் கண்ணீர் புகை குண்டுகளை வீசி ரசிகர்களை கலைக்க வேண்டிய நிலை ஏற்பட்டது.

    வெற்றிக்கு பிறகு பிரான்ஸ் கால்பந்து அணியின் பயிற்சியாளர் டெஸ்சாம்ப்ஸ் கருத்து தெரிவிக்கையில், ‘உலக கோப்பையை வென்றது உண்மையிலேயே அற்புதமானதாகும். இறுதிப்போட்டியில் நாங்கள் பெரிய அளவில் விளையாடவில்லை. இருப்பினும் எங்களது மன உறுதியை வலுவாக வெளிப்படுத்தினோம்’ என்றார்.

    உலக கோப்பையை கைப்பற்றிய பிரான்ஸ் கால்பந்து அணி நேற்று நாடு திரும்பியது. பாரீஸ் நகரில் வீரர்கள் திறந்தவெளி பஸ்சில் ஊர்வலமாக அழைத்து செல்லப்பட்ட போது எடுத்தபடம். வீரர்களை வரவேற்க ஏராளமான ரசிகர்கள் திரண்டு இருந்தனர்.

    பிரான்ஸ் அணியின் நட்சத்திர வீரர் கிரிஸ்மான் அளித்த பேட்டியில், ‘வெற்றிக்களிப்பில் நான் எங்கு இருக்கிறேன் என்பதே தெரியவில்லை. சிறப்புக்குரிய இந்த வெற்றி மிகுந்த மகிழ்ச்சியை அளிக்கிறது. உலக கோப்பை போட்டியின் இறுதி ஆட்டம் என்பதால் நாங்கள் தொடக்கத்தில் சற்று பயத்துடன் தான் செயல்பட்டோம். போகப்போக இயல்பு நிலைக்கு திரும்பி தாக்குதல் ஆட்டத்தை தொடுத்தோம். அதில் நாங்கள் வித்தியாசத்தை காட்டினோம். உலக கோப்பையை எங்கள் நாட்டுக்கு கொண்டு செல்லும் ஆவலுடன் இருக்கிறோம்’ என்று தெரிவித்தார்.

    பிரான்ஸ் அணியின் நடுகள வீரர் பால் போக்பா கருத்து தெரிவிக்கையில், ‘உலக கோப்பையை வெல்ல வேண்டும் என்று எனது இளம் வயதிலேயே கனவு கண்டேன். அது நிறைவேறி இருப்பது மகிழ்ச்சி அளிக்கிறது. எங்களால் இந்த கோப்பையை வென்று நாட்டுக்கு பெருமை சேர்க்க முடியும் என்ற நம்பிக்கை எனக்கு இருந்தது. இறுதி ஆட்டம் தொடங்குவதற்கு முன்பு நமது உலக கோப்பை கனவு, நனவாக இன்னும் 90 நிமிடங்கள் தான் இருக்கிறது என்று எல்லோரிடமும் தெரிவித்தேன்’ என்றார்.

    தோல்வி கண்ட குரோஷியா அணியின் பயிற்சியாளர் ஜட்கோ டாலிச் கருத்து தெரிவிக்கையில், ‘நான் நடுவர்களின் முடிவு குறித்து ஒருபோதும் கருத்து தெரிவிக்க மாட்டேன். இருப்பினும் ஒரு வார்த்தை சொல்ல விரும்புகிறேன். உலக கோப்பை இறுதி ஆட்டத்தில் இதுபோல் பெனால்டி வாய்ப்பை நடுவர் வழங்கக்கூடாது. இதனால் பிரான்ஸ் அணியின் வெற்றி தரம் எந்த வகையிலும் குறைந்து விடாது. இந்த உலக கோப்பை போட்டியில் நாங்கள் ஆடிய சிறந்த ஆட்டம் இதுவாக இருக்கலாம். நாங்கள் ஆட்டத்தை கட்டுப்பாட்டில் வைத்து இருந்தோம். ஆனால் கோல்களை விட்டு விட்டோம். பிரான்ஸ் போன்ற வலுவான அணிக்கு எதிராக ஆடுகையில் தவறு செய்யக் கூடாது. இந்த தோல்வி எங்களுக்கு வருத்தம் அளித்தாலும், உலக கோப்பை போட்டியில் எங்களது செயல்பாட்டை நினைத்து பெருமிதம் அடைகிறோம்.

    உலக கோப்பை கால்பந்து போட்டியில் 2-வது இடம் பிடித்த குரோஷியா அணி நேற்று சொந்த நாட்டுக்கு திரும்பியது. விமான நிலையத்தில் இருந்து வீரர்கள் திறந்தவெளி பஸ்சில் ஊர்வலமாக அழைத்து செல்லப்பட்ட காட்சி. லட்சக்கணக்கான ரசிகர்கள் திரண்டு வந்து குரோஷிய அணியினருக்கு உற்சாக வரவேற்பு அளித்தனர்.

    நாங்கள் நன்றாக விளையாடினோம். ஆனால் பெனால்டி வாய்ப்பு எங்களை வெளியேற்றி விட்டது. பெனால்டிக்கு பிறகு மீண்டு வருவது கடினமாகி விட்டது. உலக கோப்பையை வெல்ல வேண்டும் என்று நாங்கள் அதிகம் விரும்பினோம். ஆனால் கால்பந்து ஆட்டத்தின் மகத்துவம் இது தான். பிரான்ஸ் அணி எங்களை ஆச்சரியப்படுத்தவில்லை. நாங்கள் சுய கோலும், பெனால்டி வாய்ப்பும் அவர்களுக்கு வழங்கி விட்டோம். எனது எதிர்காலம் குறித்து தற்போது முடிவு எதுவும் எடுக்க முடியாது. நாடு திரும்பி ஓய்வுக்கு பிறகு முடிவு செய்வேன்’ என்றார். #FIFAWC2018 #Champion #France
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    ரஷியாவில் நேற்றுடன் முடிவடைந்த உலக கோப்பை கால்பந்து போட்டியில் அடிக்கப்பட்ட மொத்த கோல்கள் குறித்த விவரத்தை பார்ப்போம். #WorldCup2018 #WorldCupFinal
    உலககோப்பையில் மொத்தம் நடந்த 46 ஆட்டத்தில் 169 கோல்கள் அடிக்கப்பட்டன. ஒரு ஆட்டத்துக்கான சராசரி கோல் 2.64 ஆகும். இங்கிலாந்து கேப்டன் ஹாரிகேன் அதிகபட்சமாக 6 கோல்கள் அடித்து ‘தங்க ஷூ’வை பெற்றார்.

    உலக கோப்பையில் 3 கோல்களுக்கு மேல் அடித்த வீரர்கள் விவரம்:-

    6 கோல்: ஹாரிகேன் (இங்கிலாந்து).

    4 கோல்: கிரீஸ்மேன், எம்பாப்வே (பிரான்ஸ்), லுகாகு (பெல்ஜியம்), டெனிஸ் செர்ஷேவ் (ரஷியா), கிறிஸ்டியானோ ரொனால்டோ (போர்ச்சுக்கல்).

    3 கோல்: பெர்சிச் மெண்டு கிச் (குரோஷியா), ஈடன் ஹசாட் (பெல்ஜியம்), ஆர்டம் டிசுயபா (ரஷியா), யெரிமினா (கொலம்பியா) எடின்சன் கவானி (உருகுவே), டியாகோ கோஸ்டா (ஸ்பெயின்).

    நெய்மர் (பிரேசில்), மோட்ரிச் (குரோஷியா) உள்ளிட்ட 13 வீரர்கள் தலா 2 கோலும், மெஸ்சி உள்ளிட்ட 84 வீரர்கள் தலா 1 கோலும் அடித்துள்ளனர்.

    இந்த உலககோப்பையில் 12 சுயகோல்கள் (சேம்சைடு) விழுந்துள்ளன. இது ஒரு மோசமான நிகழ்வாகும். 1998-ல் 6 சுயகோல்கள் விழுந்ததே சாதனையாக இருந்தது. #WorldCup2018 #WorldCupFinal
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    உலகக்கோப்பை கால்பந்து இறுதிப்போட்டியில் பிரான்ஸ் அணி வெற்றி பெற்றதும் அந்நாட்டு அதிபர் எழுந்து நின்று ஆடியபோது எடுத்த புகைப்படம் வைரலாக பரவி வருகிறது. #WorldCup2018 #FifaWorldCup2018 #MacronCelebrates
    மாஸ்கோ:

    ரஷியாவில் நடைபெற்ற உலகக் கோப்பை கால்பந்து போட்டியின் இறுதி ஆட்டத்தில் பிரான்ஸ் - குரோஷியா அணிகள் மோதின. துவக்கத்தில் இருந்தே ஆதிக்கம் செலுத்திய பிரான்ஸ் அணி இப்போட்டியில் 4-2 என்ற கோல் கணக்கில் குரோசியா அணியை வீழ்த்தி சாம்பியன் பட்டம் வென்றது.

    பிரான்ஸ் அணி ஒவ்வொரு கோல் போடும்போதும் ரசிகர்கள் எழுந்து நின்று ஆட்டம்போட்டதையும், ஆரவாரமாக முழக்கம் எழுப்பியதையும் காண முடிந்தது. பிரான்ஸ் அதிபர் இம்மானுவேல் மேக்ரான், மைதானத்திற்கு வந்திருந்து போட்டியை கண்டுகளித்தார்.



    அவ்வப்போது சைகை அசைத்து ரசிகர்களை உற்சாகப்படுத்தி வந்த அவர், பிரான்ஸ் அணி வெற்றி பெற்றதும் உற்சாகத்தின் எல்லைக்கே சென்றார். உணர்ச்சியை கட்டுப்படுத்த முடியாமல் இருக்கையைவிட்டு எழுந்து, சாதாரண ரசிகர்களைப் போன்று துள்ளிக் குதித்து ஆரவாரம் செய்தார். அப்போது எடுக்கப்பட்ட புகைப்படங்கள் இணையத்தில் வைரலாக பரவி வருகின்றன.

    சாம்பியன் பட்டம் வென்ற பிரான்ஸ் அணிக்கு பரிசுத்தொகையாக 255 கோடி ரூபாய் கிடைத்துள்ளது. பிரான்ஸ் அணியின் வெற்றியை அந்நாட்டு ரசிகர்கள் பல்வேறு இடங்களில் கொண்டாடி வருகின்றனர். #WorldCup2018 #FifaWorldCup2018 #MacronCelebrates
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    உலகக்கோப்பை கால்பந்து போட்டியில் 3-வது இடத்திற்கான ஆட்டத்தில் பெல்ஜியம்-இங்கிலாந்து அணிகள் இன்று பலப்பரீட்சை நடத்துகின்றன.
    செயின்ட் பீட்டர்ஸ்பர்க்:

    21-வது உலகக்கோப்பை கால்பந்து போட்டி ரஷியாவில் நடந்து வருகிறது. இந்த கால்பந்து திருவிழாவில் இன்னும் 2 ஆட்டங்களே எஞ்சியுள்ளன. நாளை நடக்கும் இறுதிப்போட்டியில் முன்னாள் சாம்பியன் பிரான்ஸ் அணி, குரோஷியாவை எதிர்கொள்கிறது. முன்னதாக வெண்கலப்பதக்கம் யாருக்கு என்பதை நிர்ணயிக்கும் 3-வது இடத்திற்கான ஆட்டத்தில் பெல்ஜியம்- இங்கிலாந்து அணிகள் இன்று செயின்ட் பீட்டர்ஸ்பர்க்கில் மோதுகின்றன.

    லீக் சுற்றில் அதிக கோல்கள் அடித்த அணியான பெல்ஜியம், இந்த தொடரில் பிரமிக்கத்தக்க வகையில் விளையாடியது. கால்இறுதியில் முன்னாள் சாம்பியன் பிரேசிலுக்கு அதிர்ச்சி அளித்தது. ஆனால் பெல்ஜியத்துக்கு அதிர்ஷ்டம் இல்லாமல் போய் விட்டது. அரைஇறுதியில் பிரான்சிடம் ஒரு கோல் வாங்கி தோல்வியை தழுவியது.

    1986-ம் ஆண்டில் 4-வது இடம் பிடித்ததே உலக கோப்பையில் பெல்ஜியத்தின் சிறந்த நிலையாகும். இந்த முறை மேலும் ஒரு படி முன்னேறும் வேட்கையில் இருக்கிறார்கள். எடன் ஹசார்ட், ரோம்லு லுகாகு, பெல்லானி, கெவின் டி புருன் உள்ளிட்டோர் பெல்ஜியம் அணியில் நல்ல பார்மில் உள்ளனர்.

    இளம் வீரர்களை கொண்ட இங்கிலாந்து அணி அரைஇறுதியில் 1-2 என்ற கோல் கணக்கில் குரோஷியாவிடம் தோற்று இறுதிசுற்று வாய்ப்பை கோட்டை விட்டது. 1966-ம் ஆண்டு சாம்பியனான இங்கிலாந்து அணி அதன்பிறகு உயரிய நிலையுடன் தாயகம் திரும்புவதில் ஆர்வம் காட்டும்.

    இங்கிலாந்து கேப்டன் ஹாரிகேன் இதுவரை 6 கோல்கள் அடித்து தங்க ஷூ வெல்லும் வாய்ப்பில் முன்னணியில் இருக்கிறார். இந்த ஆட்டத்திலும் ஒன்றிரண்டு கோல்கள் போட்டால் அந்த விருது அவருக்கு உறுதியாகி விடும். ஏற்கனவே லீக் சுற்றில் இங்கிலாந்து அணி 0-1 என்ற கோல் கணக்கில் பெல்ஜியத்திடம் தோற்று இருந்தது. அந்த தோல்விக்கு பழிதீர்க்க இங்கிலாந்து வீரர்கள் தீவிரமாக உள்ளனர்.

    3-வது இடத்தை பிடிக்கும் அணிக்கு ரூ.161 கோடியும், 4-வது இடத்தை பெறும் அணிக்கு ரூ.148 கோடியும் பரிசுத்தொகையாக கிடைக்கும்.

    இங்கிலாந்து பயிற்சியாளர் காரெத் சவுத்கேட் கூறுகையில், ‘அரைஇறுதியில் ஏற்பட்ட தோல்வியால் எங்களது வீரர்களுக்கு கடந்த சில நாட்கள் மனரீதியாக மிகவும் கடினமாக இருந்தது. ஒரு வழியாக வீரர்கள் நேற்று மீண்டும் பயிற்சியை தொடங்கினர். இந்த உலக கோப்பையில் பெல்ஜியத்தின் பயணம் பிரமாதமாக இருந்தது. வெற்றியுடன் இந்த தொடரை முடிக்க அவர்கள் விரும்புவார்கள். நாங்களும் அப்படி தான். இந்த உலக கோப்பையில் நாங்கள் முன்னணி அணிகளை வீழ்த்தவில்லை. அதனால் இந்த வாய்ப்பை நாங்கள் சரியாக பயன்படுத்திக் கொள்ள வேண்டும்’ என்றார்.

    இந்திய நேரப்படி இரவு 7.30 மணிக்கு தொடங்கும் இந்த ஆட்டத்தை சோனி டென்2, சோனி இ.எஸ்.பி.என். சேனல்கள் நேரடி ஒளிபரப்பு செய்கின்றன. #FIFA2018 #England #Belgium
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    உலக கோப்பை கால்பந்து போட்டியின் கால்இறுதி ஆட்டத்தில் பிரேசில் அணி தோல்வியடைந்ததை அடுத்து அந்நாட்டு ரசிகர்கள், வீரர்கள் சென்ற பஸ் மீது கற்களை வீசி தாக்குதல் நடத்தினர்.
    ரியோடிஜெனீரோ:

    உலக கோப்பை கால்பந்து போட்டியில் 5 முறை சாம்பியனான பிரேசில் அணி கால்இறுதி ஆட்டத்தில் 1-2 என்ற கோல் கணக்கில் பெல்ஜியத்திடம் தோல்வி கண்டு வெளியேறியது. இதனால் அந்த நாட்டு ரசிகர்கள் மிகுந்த அதிர்ச்சியும், வேதனையும் அடைந்தனர். இந்த நிலையில் பிரேசில் கால்பந்து அணி நாடு திரும்பியது.



    விமான நிலையத்தில் இருந்து வீரர்கள் தனி பஸ்சில் செல்வதை அறிந்த ரசிகர்கள் அந்த பஸ்சை சூழ்ந்து கொண்டு, முட்டை மற்றும் கற்களை வீசி தாக்கினார்கள். ரசிகர்களின் ஆக்ரோஷ தாக்குதல் அதிகமானதை தொடர்ந்து போலீசார் துப்பாக்கி சூடு நடத்தி கூட்டத்தை கலைத்தனர். 
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    உலக கோப்பை கால்பந்து தொடர் அரையிறுதியில் பிரான்ஸ் - பெல்ஜியம், இங்கிலாந்து - குரோஷியா ஆகிய நாடுகள் 10 மற்றும் 11-ந்தேதிகளில் மோதுகின்றன. #WorldCup2018
    செயின்ட் பீட்டர்ஸ் பர்க்:

    உலககோப்பை கால்பந்து திருவிழா கடந்த 14-ந்தேதி தொடங்கியது. இதில் 32 நாடுகள் பங்கேற்றன. அவை 8 பிரிவாக பிரிக்கப்பட்டது. ஒவ்வொரு பிரிவிலும் 4 அணிகள் இடம் பெற்றன.

    கடந்த 28-ந்தேதியுடன் ‘லீக்’ ஆட்டங்கள் முடிந்தன. இதன் முடிவில் போட்டியை நடத்தும் ரஷியா, உருகுவே, ஸ்பெயின், போர்ச்சுக்கல், பிரான்ஸ், டென்மார்க், குரோஷியா, அர்ஜென்டினா, பிரேசில், சுவிட்சர்லாந்து, சுவீடன், மெக்சிகோ, பெல்ஜியம், இங்கிலாந்து, கொலம்பியா, ஜப்பான் ஆகிய 16 நாடுகள் 2-வது சுற்றுக்கு தகுதி பெற்றன.

    நடப்பு சாம்பியன் ஜெர்மனி, எகிப்து, சவுதி அரேபியா, ஈரான், மொராக்கோ, பெரு, ஆஸ்திரேலியா, நைஜீரியா, ஐஸ்லாந்து, செர்பியா, கோஸ்டாரிகா, தென்கொரியா, துனிசியா, பனாமா, செனகல், போலந்து ஆகிய 16 அணிகள் தொடக்க சுற்றிலேயே வெளியேறின.

    2-வது சுற்று ஆட்டங்கள் நேற்று முடிவடைந்தன. இதன் முடிவில் பிரான்ஸ், உருகுவே, ரஷியா, குரோஷியா, பிரேசில், பெல்ஜியம், சுவீடன், இங்கிலாந்து ஆகிய 8 நாடுகள் கால்இறுதிக்கு தகுதி பெற்றன.

    முன்னாள் சாம்பியன்களான அர்ஜென்டினா, ஸ்பெயின் மற்றும் போர்ச்சுக்கல், டென்மார்க், மெக்சிகோ, ஜப்பான், சுவிட்சர்லாந்து, கொலம்பியா ஆகிய அணிகள் 2-வது சுற்றில் வெளியேற்றப்பட்டன.

    கால்இறுதி ஆட்டங்கள் நேற்று முடிவடைந்தன. இதன் முடிவில் பிரான்ஸ், பெல்ஜியம், இங்கிலாந்து, குரோஷியா ஆகிய நாடுகள் அரை இறுதிக்கு தகுதி பெற்றன.

    முன்னாள் சாம்பியன்களாக உருகுவே, பிரேசில் மற்றும் சுவீடன், போட்டியை நடத்தும் ரஷியா ஆகிய அணிகள் கால்இறுதியில் வெளியேற்றப்பட்டன.

    இன்றும், நாளையும் ஓய்வு நாளாகும். 10-ந்தேதி இரவு 11.30 மணிக்கு நடைபெறும் முதல் அரை இறுதியில் பிரான்ஸ்- பெல்ஜியம் அணிகள் மோதுகின்றன.

    பிரான்ஸ் அணி 6-வது முறையாகவும், பெல்ஜியம் 2-வது முறையாகவும் அரை இறுதியில் மோதுகின்றன.

    11-ந்தேதி இரவு 11.30 மணிக்கு நடைபெறும் 2-வது அரை இறுதியில் குரோஷியா- இங்கிலாந்து அணிகள் மோதுகின்றன.

    குரோஷியா 2-வது முறையாகவும், 1966-ம் ஆண்டு சாம்பியனான இங்கிலாந்து 3-வது முறையாகவும் அரை இறுதியில் ஆடுகின்றன.

    3-வது இடத்துக்கான ஆட்டம் 14-ந்தேதியும், இறுதிப்போட்டி 15-ந்தேதியும் நடைபெறுகிறது. #WorldCup2018
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    உலக கோப்பையை பொறுத்தவரை தென் அமெரிக்க கண்டத்தில் உள்ள எந்த ஒரு அணியும் அரை இறுதிக்கு தகுதி பெறாமல் வெளியேற்றப்படுகிறது. #WorldCup2018


    உலக கோப்பை கால்பந்து போட்டியில் சாம்பியன் பட்டம் பெற ஐரோப்பிய கண்டத்தில் உள்ள நாடுகளுக்கும், தென் அமெரிக்காவில் உள்ள அணிகளுக்கும் இடையே கடும் போட்டி நிலவும்.

    ஆனால் இந்த உலக கோப்பையை பொறுத்தவரை தென் அமெரிக்க கண்டத்தில் உள்ள எந்த ஒரு அணியும் அரை இறுதிக்கு தகுதி பெறாமல் வெளியேற்றப்படுகிறது.

    2 முறை சாம்பியனான அர்ஜென்டினா 2-வது சுற்றில் வெளியேறியது. 5 முறை உலக கோப்பையை வென்ற பிரேசில், 2 தடவை சாம்பியனான உருகுவே கால் இறுதியில் தோற்றன. தென் அமெரிக்க கண்டத்தில் உள்ள கொலம்பியா 2-வது சுற்றிலும், கோஸ்டாரிகா, பெரு முதல் சுற்றிலும் வெளியேறி இருந்தன.

    ஐரோப்பிய கண்டத்தில் உள்ள பிரான்ஸ்-பெல்ஜியம் ஒரு அரை இறுதியில் மோதுகின்றன. மற்றொரு அரை இறுதியில் மோதும் அணிகள் விவரம் இன்று தெரிய வரும். இன்று நடைபெறும் கால் இறுதியில் ஐரோப்பியாவில் உள்ள இங்கிலாந்து-சுவீடன், ரஷியா-குரோஷியா அணிகள் மோதுகின்றன.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    உலகக் கோப்பை கால்பந்து தொடரில் இன்று நடைபெற உள்ள கால்இறுதி ஆட்டத்தில் சுவீடன்- இங்கிலாந்து அணிகள் மோதுகின்றன. #WorldCup2018

    சமரா:

    உலககோப்பை கால்பந்து போட்டியில் 3-வது மற்றும் 4-வது கால்இறுதி ஆட்டங்கள் இன்று நடக்கிறது.

    சமரா மைதானத்தில் இரவு 7.30 மணிக்கு நடைபெறும் ஆட்டத்தில் சுவீடன்- இங்கிலாந்து அணிகள் மோதுகின்றன. இரு அணிகளும் சமபலம் பொருந்தியவை என்பதால் இந்த ஆட்டம் விறுவிறுப்பாக இருக்கும் என்று எதிர்பார்க்கப்படுகிறது.

    சுவீடன் ‘லீக்’ ஆட்டத்தில் தென்கொரியா (1-0), மெக்சிகோவை (3-0) வென்று ஜெர்மனியிடம் (1-2) தோற்று, கால்இறுதிக்கு முந்தைய சுற்றில் சுவிட்சர்லாந்தை வீழ்த்தி இருந்தது. இங்கிலாந்து அணி ‘லீக்’ ஆட்டத்தில் துனிசியா (2-1), பனாமா (6-1) அணிகளை வென்று பெல்ஜியத்திடம் தோற்று (0-1) இருந்தது. 2-வது சுற்றில் கொலம்பியாவை பெனால்டிஷூட்டில் தான் வென்றது.

    1966-ம் ஆண்டு சாம்பியனான இங்கிலாந்து அணி சுவீடனின் அதிரடியை சமாளிப்பது சவாலானது. அந்த அணி பின்களத்தில் வலுவாக இருக்கிறது.

    இரு அணிகளும் மோதிய ஆட்டத்தில் இங்கிலாந்து- 8, சுவீடன்-7-ல் வெற்றி பெற்றுள்ளது. 9 ஆட்டம் ‘டிரா’ ஆனது. இங்கிலாந்து அணியில் ஹாரிகேன் முதுகெலும்பாக இருக்கிறார். ஸ்டெர்லிங், லிங்கார்டு போன்ற முன்னணி வீரர்களும் உள்ளனர். சுவீடன் அணியில் கிரண்விஸ்ட், போர்ஸ்பெர்க், பெர்த் போன்ற முன்னணி வீரர்கள் உள்ளனர்.

    இரவு 11.30 மணிக்கு நடைபெறும் ஆட்டத்தில் போட்டியை நடத்தும் ரஷியா- குரோஷியா அணிகள் மோதுகின்றன.

    ரஷியா ‘லீக்’ ஆட்டத்தில் சவுதி அரேபியா (5-1), எகிப்து (3-1) அணிகளை தொடர்ந்து உருகுவேயிடம் 0-3 என்ற கணக்கில் தோற்றது. 2-வது சுற்றில் ஸ்பெயினை பெனால்டி ஷூட் அவுட்டில் தோற்கடித்தது.

    குரோஷியா அணி தோல்வி அடையவில்லை. 2-0 என்ற கணக்கில் நைஜீரியாவையும், 3-0 என்ற கணக்கில் அர்ஜென்டினாவையும், 2-1 என்ற கணக்கில் ஐஸ்லாந்தையும் தோற்கடித்தது. 2-வது சுற்றில் டென்மார்க்கை பெனால்டிஷூட் அவுட்டில் வீழ்த்தியது.

    குரோஷியா அணி பலம் பொருந்தியவை என்பதால் அரை இறுதிக்கு தகுதி பெறலாம். உள்ளூர் ரசிகர்களின் ஆதரவு அந்த அணிக்கு மிகப்பெரிய பலமாகும். இதேபோல கோல்கீப்பர் அகிள்பீவ் முதுகெலும்பாக இருக்கிறார். குரோஷியா அணியில் மோட்ரிச், மென்டிச், ரகட்டிச் போன்ற முன்னணி வீரர்கள் உள்ளனர்.

    இரு அணிகள் மோதிய போட்டியில் குரோஷியா 1 ஆட்டத்தில் வென்றது. 2 ஆட்டம் ‘டிரா’ ஆனது. #WorldCup2018

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin