நீங்கள் தேடியது "Tagenarine Chanderpaul"

வெஸ்ட் இண்டீசில் சுற்றுப்பயணம் மேற்கொண்டுள்ள இந்திய அணி டெஸ்ட், ஒருநாள் போட்டி, டி20 ஆகிய தொடர்களில் விளையாட உள்ளது. முதலில் டெஸ்ட் தொடரும் அடுத்ததாக ஒருநாள் அதை தொடர்ந்து டி20 தொடரும் நடக்கவுள்ளது. இருஅணிகளுக்கும் இடையேயான முதல் டெஸ்ட் போட்டி இந்திய நேரப்படி இன்று இரவு 7.30-க்கு தொடங்குகிறது.

இந்நிலையில் இந்த டெஸ்ட் போட்டியில் விளையாடுவதன் மூலம் இந்திய அணி நட்சத்திர ஆட்டக்காரர் விராட் கோலி புதிய சாதனையை படைக்கவுள்ளார்.

2011-ல் டெஸ்ட் போட்டியில் விராட் கோலி அறிமுகமானார். அத்துடன் வெஸ்ட் இண்டீஸ் அணியின் ஜாம்பவான் சந்தர்பாலுக்கு எதிராகவும் விளையாடினார். இன்று நடக்கும் முதல் டெஸ்ட் போட்டியில் ஜூனியர் சந்தர்பாலுடன் விளையாட உள்ளார்.

இதன் மூலம் சர்வதேச கிரிக்கெட்டில் தந்தை-மகன் ஜோடிக்கு எதிராக விளையாடிய வீரர்களின் பட்டியலில் சச்சினுடன் கோலி இணைந்துள்ளார்.

சச்சின் டெண்டுல்கர் 1992-ல் ஆஸ்திரேலிய அணியின் ஜியோஃப் மார்ஷை எதிர்கொண்டார். அதன்பின் 2011/12 -ம் ஆண்டு ஆஸ்திரேலியா சுற்றுப்பயணத்தின் போது மார்ஷின் மகன் ஷான் மார்ஷுக்கு எதிராக விளையாடும் வாய்ப்பு அவருக்கு கிடைத்தது.

மேற்கிந்தியத் தீவுகளின் இளம் திறமைசாலியாக 'ஜூனியர்' சந்தர்பால் இதுவரை 6 டெஸ்ட் போட்டிகளில் விளையாடி 45.30 சராசரியுடன் ரன் குவித்துள்ளார். அவர் தனது தந்தை செய்ததைப் போலவே இந்திய பந்துவீச்சாளர்களுக்கு சவால் விட ஆர்வமாக இருப்பார்.

புலவாயோ:

ஜிம்பாப்வே- வெஸ்ட் இண்டீஸ் அணிகள் இடையிலான முதலாவது டெஸ்ட் கிரிக்கெட் போட்டி புலவாயோவில் நடந்து வருகிறது. முதல் இரு நாட்களில் மழை பாதிப்புக்கு இடையே பேட்டிங் செய்த வெஸ்ட் இண்டீஸ் அணி விக்கெட் இழப்பின்றி 221 ரன்கள் எடுத்திருந்தது.

கேப்டன் கிரேக் பிராத்வெய்ட் 116 ரன்களுடனும், தேஜ்நரின் சந்தர்பால் 101 ரன்களுடனும் களத்தில் இருந்தனர். இந்த நிலையில் 3-வது நாளான நேற்று தொடர்ந்து பேட்டிங் செய்த பிராத்வெய்ட்-தேஜ்நரின், தொடக்க விக்கெட்டுக்கு 300 ரன்களுக்கு மேல் எடுத்த முதல் வெஸ்ட் இண்டீஸ் ஜோடி என்ற சிறப்பை பெற்றனர்.

இந்த கூட்டணி ஸ்கோர் 336-ஐ எட்டிய போது உடைந்தது. பிராத்வெய்ட் 182 ரன்களில் எல்.பி.டபிள்யூ. ஆனார். மறுமுனையில் அபாரமாக ஆடிய தேஜ்நரின் சிக்சர் அடித்து தனது முதலாவது இரட்டை சதத்தை பூர்த்தி செய்தார். முதல் சதத்தையே இரட்டை சதமாக மாற்றிய 10-வது வெஸ்ட் இண்டீஸ் வீரர் என்ற பெருமையையும் பெற்றார்.

வெஸ்ட் இண்டீஸ் அணி முதல் இன்னிங்சில் 143 ஓவர்களில் 6 விக்கெட்டுக்கு 447 ரன்கள் சேர்த்து டிக்ளேர் செய்தது. தேஜ்நரின் 207 ரன்களுடன் (467 பந்து, 16 பவுண்டரி, 3 சிக்சர்) அவுட் ஆகாமல் இருந்தார். இவரது தந்தை ஷிவ் நரின் சந்தர்பால் டெஸ்ட் கிரிக்கெட்டில் 203 ரன்கள் எடுத்ததே அதிகபட்சமாக இருந்தது. அந்த ஸ்கோரை தனது 3-வது டெஸ்டிலேயே கடந்து அசத்தியிருக்கிறார். பின்னர் தனது முதல் இன்னிங்சை ஆடிய ஜிம்பாப்வே அணி ஆட்ட நேர முடிவில் 3 விக்கெட்டுக்கு 114 ரன்கள் எடுத்துள்ளது. இன்று 4-வது நாள் ஆட்டம் நடக்கிறது.

புலவாயோ:

வெஸ்ட் இண்டீஸ்- ஜிம்பாப்வே அணிகள் இடையிலான முதலாவது டெஸ்ட் கிரிக்கெட் போட்டி புலவாயோவில் நேற்று முன்தினம் தொடங்கியது. மழையால் பாதிக்கப்பட்ட தொடக்க நாளில் வெஸ்ட் இண்டீஸ் விக்கெட் இழப்பின்றி 112 ரன்கள் எடுத்திருந்தது. கேப்டன் கிரேக் பிராத்வெய்ட், தேஜ்நரின் சந்தர்பால் தலா 55 ரன்களுடன் களத்தில் இருந்தனர்.

இந்த நிலையில் 2-வது நாளான நேற்றும் காலையில் மழையால் ஆட்டம் பாதிக்கப்பட்டது. தேனீர் இடைவேளைக்கு பிறகு தொடர்ந்து ஆடிய இருவரும் சதம் அடித்தனர். ஒரே இன்னிங்சில் வெஸ்ட் இண்டீஸ் தொடக்க ஆட்டக்காரர்கள் இருவரும் சதம் அடிப்பது 2012-ம் ஆண்டுக்கு பிறகு இதுவே முதல் முறையாகும்.

இதில் தேஜ் நரினுக்கு இது முதலாவது சதமாகும். இவர் வெஸ்ட் இண்டீஸ் ஜாம்பவான் ஷிவ்நரின் சந்தர்பாலின் மகன் என்பது குறிப்பிடத்தக்கது. ஆட்ட நேர முடிவில் வெஸ்ட் இண்டீஸ் அணி முதல் இன்னிங்சில் 89 ஓவர்களில் விக்கெட் இழப்பின்றி 221 ரன்கள் எடுத்துள்ளது. பிராத்வெய்ட் 116 ரன்களுடனும் (246 பந்து, 7 பவுண்டரி), தேஜ்நரின் 101 ரன்களுடனும் (291 பந்து, 10 பவுண்டரி, ஒரு சிக்சர்) அவுட் ஆகாமல் உள்ளனர். இன்று 3-வது நாள் ஆட்டம் நடக்கிறது.

தன்னுடைய 3-வது போட்டியிலேயே ஜிம்பாப்வேவுக்கு எதிராக முதல் சதமடித்து அசத்தியுள்ளார். முன்னதாக சிவ்நரின் சந்தர்பால் ஏற்கனவே டெஸ்ட் கிரிக்கெட்டில் 30 சதங்களை அடித்துள்ள நிலையில் தற்போது அவரது மகனும் முதல் முறையாக சதமடித்துள்ளார்.

இதன் வாயிலாக டெஸ்ட் கிரிக்கெட் வரலாற்றில் வெஸ்ட் இண்டீஸ் அணிக்காக சதமடித்த முதல் தந்தை மகன் ஜோடி என்ற சாதனையை படைத்த அவர்கள் உலக அளவில் 12-வது தந்தை மகன் ஜோடி என்ற பெருமையும் பெற்றனர்.

அந்த பட்டியல்:

1. லாலா - மொஹிந்தர் அமர்நாத் (இந்தியா)

2. கிறிஸ் - ஸ்டூவர்ட் பிராட் (இங்கிலாந்து)

3. ஹனிப் - சோயப் முகமது (பாகிஸ்தான்)

4. வால்டர் - ரிட்டர் ஹாட்லி (நியூஸிலாந்து)

5. இப்திகார் - மன்சூர் அலி கான் பட்டோடி (இந்தியா, இங்கிலாந்து)

6. ஜெப் - ஷான் மார்ஷ் (ஆஸ்திரேலியா)

7. நாசர் - முடாசர் (பாகிஸ்தான்)

8. கென் - ஹமிஸ் ரூத்தர்போர்ட் (நியூசிலாந்து)

9. விஜய் - சஞ்சய் மஞ்ரேக்கர் (இந்தியா)

10. தேவ் - டுட்லி நர்ஸ் (தென் ஆப்பிரிக்கா)

11. ராட் - டாம் லாதாம் (நியூஸிலாந்து)

12. சிவ்நரேன் - தக்நரேன் சந்தர்பால் (வெஸ்ட் இண்டீஸ்)

கான்பெர்ரா:

வெஸ்ட் இண்டீஸ் அணியின் முன்னாள் வீரரான சந்தர்பால் சில ஆண்டுகளுக்கு முன் சர்வதேச கிரிக்கெட்டில் இருந்து ஓய்வை அறிவித்தார். அதன்பின்னர் வெஸ்ட் இண்டீஸ் டெஸ்ட் கிரிக்கெட் அதிகமாகவே ஆட்டம் கண்டது. இந்த நிலையில் வெஸ்ட் இண்டீஸ் கிரிக்கெட் அணியில் சந்தர்பால் மகன் தேஜ்நரைன் சந்தர்பால் இடம்பிடித்துள்ளார். ஆஸ்திரேலியாவுக்கு சுற்றுப்பயணம் மேற்கொண்டுள்ள வெஸ்ட் இண்டீஸ் அணிக்காக பயிற்சி ஆட்டத்தில் களமிறங்கியுள்ளார்.

பிரதமர் லெவன் அணிக்கு எதிரான பயிற்சி போட்டியில் தொடக்க வீரராக களமிறங்கிய தேஜ்நரைன் சந்தர்பால், ஒருமுனையில் விக்கெட்டுகள் சரிந்தாலும் நிதானமான விளையாடி சதம் விளாசினார். இடதுகை பேட்ஸ்மேனான தேஜ்நரைன் சந்தர்பால், 293 பந்துகளை சந்தித்து 13 பவுண்டரிகள், ஒரு சிக்சர் உட்பட 119 ரன்கள் சேர்த்துள்ளார்.

இதனால் ஆஸ்திரேலியா அணிக்கு எதிரான 2 போட்டிகள் கொண்ட டெஸ்ட் தொடரில் தேஜ்நரைன் சந்தர்பாலுக்கு வாய்ப்பு கிடைக்கும் என்று எதிர்பார்க்கப்படுகிறது. நடப்பாண்டில் வெஸ்ட் இண்டீஸ் முதல்தர கிரிக்கெட் போட்டிகளில் அதிக ரன்களை விளாசியுள்ள தேஜ்நரைன் சந்தர்பால், 73.16 என்ற பேட்டிங் சராசரியை வைத்துள்ளார். அதேபோல் வெஸ்ட் இண்டீஸ் ஏ அணியில் தேஜ்நரைன் சந்தர்பால் செயல்பாடுகள் பலரின் கவனத்தையும் ஈர்த்தது.

சர்வதேச கிரிக்கெட்டில் பெரும்பாலும் கிரிக்கெட் வீரர்களின் வாரிசுகள் பெரிய அளவில் சோபிக்க தவறி வந்துள்ளனர். இதனை ஷிவ்நரைன் சந்தர்பால் மகன் தேஜ்நரைன் சந்தர்பால் மாற்றிக் காட்டுவாரா என்ற எதிர்பார்ப்பு ஏற்பட்டுள்ளது. அதேபோல் ஷிவ்நரைன் சந்தர்பால் இந்திய வம்சாவளியைச் சேர்ந்தவர் என்பது குறிப்பிடத்தக்கது.