என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
கிரிக்கெட்
ஆஸ்திரேலியாவில் பயிற்சி போட்டி...சதம் அடித்து அசத்திய சந்தர்பால் மகன்
- வெஸ்ட் இண்டீஸ் ஏ அணியில் தேஜ்நரைன் சந்தர்பால் செயல்பாடுகள் பலரின் கவனத்தையும் ஈர்த்தது.
- ஆஸ்திரேலியாவுக்கு சுற்றுப்பயணம் மேற்கொண்டுள்ள வெஸ்ட் இண்டீஸின் பயிற்சி ஆட்டத்தில் தேஜ்நரைன் சந்தர்பால் களமிறங்கியுள்ளார்.
கான்பெர்ரா:
வெஸ்ட் இண்டீஸ் அணியின் முன்னாள் வீரரான சந்தர்பால் சில ஆண்டுகளுக்கு முன் சர்வதேச கிரிக்கெட்டில் இருந்து ஓய்வை அறிவித்தார். அதன்பின்னர் வெஸ்ட் இண்டீஸ் டெஸ்ட் கிரிக்கெட் அதிகமாகவே ஆட்டம் கண்டது. இந்த நிலையில் வெஸ்ட் இண்டீஸ் கிரிக்கெட் அணியில் சந்தர்பால் மகன் தேஜ்நரைன் சந்தர்பால் இடம்பிடித்துள்ளார். ஆஸ்திரேலியாவுக்கு சுற்றுப்பயணம் மேற்கொண்டுள்ள வெஸ்ட் இண்டீஸ் அணிக்காக பயிற்சி ஆட்டத்தில் களமிறங்கியுள்ளார்.
பிரதமர் லெவன் அணிக்கு எதிரான பயிற்சி போட்டியில் தொடக்க வீரராக களமிறங்கிய தேஜ்நரைன் சந்தர்பால், ஒருமுனையில் விக்கெட்டுகள் சரிந்தாலும் நிதானமான விளையாடி சதம் விளாசினார். இடதுகை பேட்ஸ்மேனான தேஜ்நரைன் சந்தர்பால், 293 பந்துகளை சந்தித்து 13 பவுண்டரிகள், ஒரு சிக்சர் உட்பட 119 ரன்கள் சேர்த்துள்ளார்.
இதனால் ஆஸ்திரேலியா அணிக்கு எதிரான 2 போட்டிகள் கொண்ட டெஸ்ட் தொடரில் தேஜ்நரைன் சந்தர்பாலுக்கு வாய்ப்பு கிடைக்கும் என்று எதிர்பார்க்கப்படுகிறது. நடப்பாண்டில் வெஸ்ட் இண்டீஸ் முதல்தர கிரிக்கெட் போட்டிகளில் அதிக ரன்களை விளாசியுள்ள தேஜ்நரைன் சந்தர்பால், 73.16 என்ற பேட்டிங் சராசரியை வைத்துள்ளார். அதேபோல் வெஸ்ட் இண்டீஸ் ஏ அணியில் தேஜ்நரைன் சந்தர்பால் செயல்பாடுகள் பலரின் கவனத்தையும் ஈர்த்தது.
சர்வதேச கிரிக்கெட்டில் பெரும்பாலும் கிரிக்கெட் வீரர்களின் வாரிசுகள் பெரிய அளவில் சோபிக்க தவறி வந்துள்ளனர். இதனை ஷிவ்நரைன் சந்தர்பால் மகன் தேஜ்நரைன் சந்தர்பால் மாற்றிக் காட்டுவாரா என்ற எதிர்பார்ப்பு ஏற்பட்டுள்ளது. அதேபோல் ஷிவ்நரைன் சந்தர்பால் இந்திய வம்சாவளியைச் சேர்ந்தவர் என்பது குறிப்பிடத்தக்கது.
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்