நீங்கள் தேடியது "ஹோண்டா கார்ஸ்"

ஹோண்டா நிறுவனம் இந்திய சந்தையில் எலிவேட் மாடலின் புதிய டாப் எண்ட் மாடலை அறிமுகம் செய்துள்ளது. எலிவேட் ADV என்று அழைக்கப்படும் புதிய வேரியண்ட் ஸ்போர்ட் தோற்றத்தையும், தனித்துவமான காஸ்மெடிக் மாற்றங்களை கொண்டிருக்கிறது.

இந்திய சந்தையில் புதிய எலிவேட் மாடலின் மேனுவல் டிரான்ஸ்மிஷன் விலை ரூ. 15.29 லட்சம் (எக்ஸ்-ஷோரூம்) என தொடங்குகிறது. இதன் CVT டூயல்-டோன் மாடன் விலை ரூ. 16.66 லட்சம் (எக்ஸ்-ஷோரூம்) என நிர்ணயம் செய்யப்பட்டுள்ளது.

புதிய ADV மாடல் கிளாஸ் பிளாக் ஆல்பா-போல்ட் பிளஸ் முன்பக்க கிரில், ஆரஞ்சு நிறத்தில் அலங்கரிக்கப்பட்ட ஹூட் டெக்கல், ORVMகள் மற்றும் ஆரஞ்சு சிறப்பம்சங்களுடன் பிளாக் அலாய் வீல்கள் என பிரத்யேக ஸ்டைலிங் அப்டேட்களுடன் வருகிறது. இத்துடன் ADV பேட்ஜ்கள், ஆரஞ்சு ஃபாக் லைட் மற்றும் ஆரஞ்சு நிற அக்சென்ட்களுடன் கூடிய பின்புற பம்பர் ஸ்கிட் பிளேட் வழங்கப்படுகின்றன.

எலிவேட் ADV மாடலில் 1.5 லிட்டர் என்ஜின் வழங்கப்பட்டு இருக்கிறது. இது 6-ஸ்பீடு மேனுவல் அல்லது 7-ஸ்பீடு CVT ஆட்டோமேடிக் டிரான்ஸ்மிஷன் மற்றும் பேடில் ஷிஃப்டர்களுடன் இணைக்கப்பட்டுள்ளது.

பாதுகாப்பு அம்சங்களில், எலிவேட் ADV மாடலில் ஹோண்டா சென்சிங் ADAS பொருத்தப்பட்டுள்ளது. இதில் லேன்-கீப் அசிஸ்ட், அடாப்டிவ் குரூயிஸ் கண்ட்ரோல் மற்றும் பல வசதிகள் உள்ளன. நிலையான பாதுகாப்பு அம்சங்களில் ஆறு ஏர்பேக்குகள், லேன் வாட்ச் கேமரா, ஹில் ஸ்டார்ட் அசிஸ்ட், வெஹிகில் ஸ்டேபிலிட்டி கண்ட்ரோல் மற்றும் ISOFIX மவுண்ட் ஆகியவை அடங்கும்.

எலிவேட் ADV மாடல், மீடியோராய்டு கிரே மெட்டாலிக் மற்றும் லூனார் சில்வர் மெட்டாலிக் நிறங்களில், சிங்கில் டோன் மற்றும் டூயல்-டோன் நிறங்களில் கிடைக்கிறது.

ஹோண்டா நிறுவனம் தனது மூன்றாம் தலைமுறை அமேஸ் மாடலுக்கு புதிய "கிரிஸ்டல் பிளாக் பேர்ல்" நிறத்தை சேர்த்துள்ளது. இந்தச் சேர்க்கையுடன், அமேஸ் செடான் மாடல் இப்போது லூனார் சில்வர், மீடியோராய்டு கிரே, பிளாட்டினம் ஒயிட், கோல்டன் பிரவுன், ரேடியன்ட் ரெட் மற்றும் அப்சிடியன் புளூ உள்பட மொத்தம் ஏழு வண்ண விருப்பங்களில் வழங்கப்படுகிறது.

இளம் வாடிக்கையாளர்களிடையே அடர் மற்றும் ஸ்போர்ட்டியர் வண்ணங்களுக்கான தேவை அதிகரித்து வருவதால், புதிய நிறம் சேர்க்கப்பட்டுள்ளதாக ஹோண்டா கூறுகிறது.

புதிய நிறம் தவிர, இந்த காரில் வேறு எந்த இயந்திர மாற்றங்களும் மேற்கொள்ளப்படவில்லை. ஹோண்டா அமேஸ் மாடல் தொடர்ந்து 1.2 லிட்டர், 4-சிலிண்டர் பெட்ரோல் எஞ்சின் மூலம் இயக்கப்படுகிறது. இது 5 ஸ்பீடு மேனுவல் மற்றும் CVT ஆட்டோமேடிக் ஆப்ஷன்களுடன் கிடைக்கிறது.

அம்சங்களை பொருத்தவரை அமேஸ் மாடல் DRLகளுடன் ஆட்டோமேடிக் LED ப்ரொஜெக்டர் ஹெட்லேம்ப்கள், LED ஃபாக் லைட்கள், 15-இன்ச் அலாய் வீல்கள், ஆண்ட்ராய்டு ஆட்டோ மற்றும் ஆப்பிள் கார்-பிளேவுடன் 7 இன்ச் டச்-ஸ்கிரீன் இன்ஃபோடெயின்மென்ட் சிஸ்டம், குரூயிஸ் கண்ட்ரோல், புஷ்-பட்டன் ஸ்டார்ட் மற்றும் ஆட்டோமேடிக் கிளைமேட் கண்ட்ரோல் உள்ளிட்டவை வழங்கப்படுகிறது.

பாதுகாப்பிற்கு முன்பக்கத்தில், ஆறு ஏர்பேக்குகள், ISOFIX மவுண்ட்கள் மற்றும் EBD உடன் ABS ஆகியவற்றைப் பெறுகிறது. அதே நேரத்தில் டாப் வேரியண்ட்கள் ஹோண்டா சென்சிங் மூலம் ADAS செயல்பாடுகளையும் வழங்குகின்றன.

ஜிஎஸ்டி 2.0 இன் முழு பலனையும் தனது வாடிக்கையாளர்களுக்கு வழங்குவதாக ஹோண்டா உறுதிப்படுத்தியுள்ளது. இதன் ஒரு பகுதியாக, மூன்றாம் தலைமுறை அமேஸ் ரூ. 95,000 வரை விலைக் குறைப்புகளை பெறுகிறது.

ஜப்பானிய கார் நிறுவனமான ஹோண்டா, இந்தியாவின் அதன் விற்பனையை அதிகரிக்க முயற்சித்து வருகிறது. இதனால் மே மாதத்திற்கான சலுகைகளை அறிவித்துள்ளது. இந்த சலுகைகளில் ரொக்க தள்ளுபடி, ஸ்கிராப்பேஜ் போனஸ்கள் மற்றும் பல அடங்கும். இந்த சலுகைகள் நகரத்திற்கு நகரம் மற்றும் டீலர்ஷிப்களைப் பொறுத்து மாறுபடலாம்.

ஹோண்டா அமேஸ் சில மாதங்களுக்கு முன்பு ஒரு புதுப்பிப்பைப் பெற்றது, மேலும் இது இரண்டாம் தலைமுறை அமேஸுடன் விற்பனை செய்யப்படுகிறது. வாடிக்கையாளர்கள் ஹோண்டா அமேஸில் ரூ.57,200 மதிப்புள்ள தள்ளுபடியைப் பெறலாம்.

மூன்றாம் தலைமுறை ஹோண்டா அமேஸ் 1.2 லிட்டர் பெட்ரோல் எஞ்சினுடன் 90 ஹெச்பி உச்ச சக்தியை வெளிப்படுத்துகிறது. அதேசமயம், பழைய செடான் மாடலில் அதே பவர்டிரெய்ன் கொண்ட ஒற்றை வேரியண்ட் உள்ளது.

ஹோண்டா சிட்டி இ: ஹெச்இவி காரில் 120 ஹெச்பி பவரை வெளிப்படுத்தும் 1.5 லிட்டர் பெட்ரோல்-எலக்ட்ரிக் ஹைப்ரிட் எஞ்சின் பொருத்தப்பட்டுள்ளது. மேலும், சிட்டியின் நிலையான மாடலில் 121 ஹெச்பி பீக் பவரை வெளிப்படுத்தும் 1.5 லிட்டர் பெட்ரோல் எஞ்சின் பொருத்தப்பட்டுள்ளது.

ஹோண்டா சிட்டி e: HEV மீது ரூ.65,000 மதிப்புள்ள தள்ளுபடியை வழங்குகிறது. அதே நேரத்தில் மே மாத தள்ளுபடியில் சிட்டி மாடலுக்கு ரூ.63,300 வரையிலான தள்ளுபடி வழங்கப்படுகிறது.

சில நாட்களுக்கு முன்பு எலிவேட் அபெக்ஸ் சம்மர் பதிப்பை அறிமுகப்படுத்துவதன் மூலம் ஹோண்டா அதன் எலிவேட் சீரிசை பன்முகப்படுத்தியது. ஹோண்டா எலிவேட்டில் 121 ஹெச்பி உச்ச சக்தியைத் தூண்டும் 1.5 லிட்டர் பெட்ரோல் எஞ்சின் உள்ளது.

ஹோண்டா நிறுவனம் தற்போது ஹோண்டா எலிவேட்டில் ரூ.76,100 வரை தள்ளுபடியை வழங்குகிறது. வாடிக்கையாளர்கள் ரூ.12.39 லட்சம் (எக்ஸ்-ஷோரூம்) ஆரம்ப விலையில் கிடைக்கும் எலிவேட் சம்மர் அபெக்ஸ் மாடலையும் வாங்க சிந்திக்கலாம்.

ஹோண்டா நிறுவனம் மூன்று எலெக்ட்ரிக் எஸ்யுவி கான்செப்ட்களை 2023 ஷாங்காய் மோட்டார் விழாவில் காட்சிப்படுத்தி இருக்கிறது. இவை e:N சீரிஸ், e:NP2 ப்ரோடோடைப் மற்றும் e:NS2 ப்ரோடோடைப் என்று அழைக்கப்படுகின்றன. இதில் இரண்டு மாடல்கள் உற்பத்திக்கு தயார் நிலையில் உள்ளன. இவற்றின் விற்பனை அடுத்த ஆண்டு சீனாவில் துவங்க இருக்கிறது.

இரு எலெக்ட்ரிக் கார்களுடன் புதிய e:N எஸ்யுவி கான்செப்ட் கிட்டத்தட்ட ஷோ கார் போன்றதாகும். 2027 ஆண்டிற்குள் சீனாவில் மட்டும் பத்து எலெக்ட்ரிக் வாகனங்களை அறிமுகம் செய்ய ஹோண்டா நிறுவனம் திட்டமிட்டுள்ளது. மேலும் 2035 ஆண்டிற்குள் முழுமையான எலெக்ட்ரிக் வாகனங்கள் உற்பத்தியாளராக வேண்டும் என்று இலக்கு நிர்ணயித்துள்ளது.

தற்போது காட்சிப்படுத்தப்பட்டு இருப்பதில் e:NP2 மற்றும் e:NS2 மாடல்கள் உற்பத்திக்கு கிட்டத்தட்ட தயார் நிலையில் உள்ளன. இவை அடுத்த ஆண்டு அறிமுகம் செய்யப்பட உள்ளன. e:N எஸ்யுவி கான்செப்ட் ஹோண்டா நிறுவனத்தின் மூன்றாம் கட்ட எலெக்ட்ரிக் வாகனங்கள் ஆகும். ஹோண்டா எலெக்ட்ரிக் காரில் ஹோண்டா கனெக்ட் 4.0 கனெக்டட் கார் தொழில்நுட்பம் வழங்கப்படுகிறது.

இரண்டு ஹோண்டா எலெக்ட்ரிக் வாகனங்களில் வங்கப்பட இருக்கும் தொழில்நுட்ப அம்சங்கள் பற்றி இதுவரை எவ்வித தகவலும் இல்லை. சீன அறிமுகத்தைத் தொடர்ந்து இந்த எஸ்யுவி-க்களின் விலை விவரங்கள், மற்ற நாடுகளில் வெளியீடு உள்ளிட்ட தகவல்கள் வெளியாகும் என்று எதிர்பார்க்கப்படுகிறது.

ஹோண்டா கார்ஸ் இந்தியா நிறுவனம் ஜூன் 2023 மாதத்தில் 5 ஆயிரத்து 80 யூனிட்களை விற்பனை செய்து இருக்கிறது. வெளிநாடுகளுக்கு 2 ஆயிரத்து 112 யூனிட்களை ஏற்றுமதி செய்தது. கடந்த ஆண்டு இதே காலக்கட்டத்தில் ஹோண்டா கார்ஸ் இந்தியா நிறுவனம் 7 ஆயிரத்து 834 யூனிட்களை உள்நாட்டிலும், வெளிநாடுகளுக்கு 2 ஆயிரத்து 502 யூனிட்களையும் ஏற்றுமதி செய்து இருந்தது.

"ஜூன் மாத விற்பனை நாங்கள் எதிர்பார்த்த படி சீராக இருக்கிறது. கடந்த மாத விற்பனையில் எங்கள் இலக்குகளை அடைந்திருக்கிறோம். எங்களின் புதிய எஸ்யுவி ஹோண்டா எலிவேட்-ஐ கடந்த மாதம் அறிமுகம் செய்ததில் இருந்து, நல்ல வரவேற்பை பெற்று வருகிறோம். சமீபத்தில் எலிவேட் மாடலுக்கான முன்பதிவு துவங்கியது. பண்டிகை காலக்கட்டத்தில் இதன் வெளியீடு நடைபெறும்," என்று ஹோண்டா கார்ஸ் இந்தியா நிறுவனத்தின் விற்பனை மற்றும் விளம்பர பிரிவு இயக்குனர் யுச்சி முராடா தெரிவித்து இருக்கிறார்.

கடந்த ஜூன் மாதம் ஹோண்டா நிறுவனம் தனது எலிவேட் மிட்-சைஸ் எஸ்யுவி மாடலை அறிமுகம் செய்தது. இந்த மாடல் ஹூண்டாய் கிரெட்டா, மாருதி கிரான்ட் விட்டாரா மற்றும் கியா செல்டோஸ் பேஸ்லிப்ட் மாடல்களுக்கு போட்டியாக அமைகிறது. இந்த காரின் எலெக்ட்ரிக் வெர்ஷன் 2026 ஆண்டு அறிமுகம் செய்யப்பட இருக்கிறது.

புதிய ஹோண்டா எலிவேட் மாடலுக்கான முன்பதிவு ஏற்கனவே துவங்கி நடைபெற்று வரும் நிலையில், வெளியீடு பண்டிகை காலக்கட்டத்தில் நடைபெறும் என்று எதிர்பார்க்கலாம்.  

ஹோண்டா கார் இந்தியா நிறுவனம் தனது முற்றிலும் புதிய அமேஸ் மாடல் காரை இந்திய சந்தையில் அறிமுகம் செய்ய இருக்கிறது. அதன்படி புதிய தலைமுறை அமேஸ் மாடல் டிசம்பர் 4 ஆம் தேதி இந்தியாவில் வெளியிடப்பட உள்ளது.

வெளியீட்டுக்கு முன்னதாக புதிய தலைமுறை அமேஸ் மாடலின் ஸ்கெட்ச் படங்கள் வெளியிடப்பட்டு உள்ளன. இதில் புதிய காரின் வெளிப்புறம் மற்றும் உள்புற டிசைன் எப்படி இருக்கும் என்று தெரியவந்துள்ளது. அதன்படி புதிய அமேஸ் மாடல் முழுமையாக மாற்றப்பட்ட கேபின், அதிநவீன தோற்றம் மற்றும் அம்சங்களை கொண்டுள்ளது.

இதில் டூயல் டோன் டேஷ்போர்டு, ஃபிரீ-ஸ்டான்டிங் இன்ஃபோடெயின்மென்ட் ஸ்கிரீன், டச் கேபாசிடிவ் பட்டன்கள், செவ்வக வடிவம் கொண்ட ஏசி வென்ட்கள், டேஷ்போர்டில் மெஷ் பேட்டன், HVAC பேனல் மற்றும் சிறிய ஸ்கிரீன் இடம்பெற்று இருக்கிறது. கூடவே 3-ஸ்போக் கொண்ட ஸ்டீரிங் வீல் மற்றும் கண்ட்ரோல்கள், செமி டிஜிட்டல் இன்ஸ்ட்ரூமென்ட் பேனல், பெய்க் சீட் கவர்கள் வழங்கப்படுகின்றன.

மற்ற வசதிகளை பொருத்தவரை புதிய ஹோண்டா அமேஸ் மாடலில் ஆட்டோமேடிக் கிளைமேட் கண்ட்ரோல், குரூயிஸ் கண்ட்ரோல், டைப் சி சார்ஜிங் போர்ட்கள், வயர்லெஸ் சார்ஜர், கப் ஹோல்டர்கள், 12 வோல்ட் பவர் அவுட்லெட், ADAS சூட் உள்ளிட்டவை வழங்கப்படுகிறது.

மெக்கானிக்கல் அடிப்படையில் இந்த கார் எவ்வித மாற்றமும் இன்றி 1.2 லிட்டர் NA பெட்ரோல் எஞ்சின் மற்றும் 5 ஸ்பீடு மேனுவல், CVT கியர்பாக்ஸ் உடன் விற்பனைக்கு வருகிறது. இந்திய சந்தையில் புதிய தலைமுறை அமேஸ் மாடல் முற்றிலும் புதிய மாருதி சுசுகி டிசையர், ஹூண்டாய் ஆரா மற்றும் டாடா டிகோர் போன்ற மாடல்களுக்கு போட்டியாக அமையும்.