என் மலர்
நீங்கள் தேடியது "raghava Lawence"
- திரைப்படம் வெளியாகி மிகப்பெரிய வரவேற்பை பெற்று பிளாக்பஸ்டராக உருவானது.
- இப்படத்தை தமிழ் மற்றும் தெலுங்கு மொழியில் ரீமேக் செய்யப்பட இருக்கிறது.
கடந்த 2023 ஆம் ஆண்டு நிகில் நாகேஷ் இயக்கத்தில் லக்ஷ்ய, ராகவ் ஜுயல், ஆஷிஷ் வித்யார்த்தி, தன்யா மற்றும் பலர் நடிப்பில் வெளியானது கில் திரைப்படம்.
திரைப்படம் வெளியாகி மிகப்பெரிய வரவேற்பை பெற்று பிளாக்பஸ்டராக உருவானது. திரைப்படம் ஓர் இரவில் ஒரு டிரெய்னில் நடக்கும் கதைக்களமாக மிகவும் விறுவிறுப்பாக அமைந்தது. இந்நிலையில் இப்படத்தை தமிழ் மற்றும் தெலுங்கு மொழியில் ரீமேக் செய்யப்பட இருக்கிறது.
ரீமேக் செய்யும் இப்படத்தில் ராகவா லாரன்ஸ் முதலில் கதாநாயகனாக நடிக்க இருந்தது ஆனால் சில சூழ்நிலைக்காரணமாக படத்தில் நடிகர் துருவ் விக்ரம் நடிக்க இருப்பதாக தகவல் வெளியாகியுள்ளது.
இந்த படத்தை ராக்ஷசடு, கில்லாடி போன்ற படங்களை இயக்கிய தெலுங்கு இயக்குனர் ரமேஷ் வர்மா இயக்கவுள்ளார். இதுக்குறித்த அதிகாரப்பூர்வ தகவல் விரைவில் வெளியாகும் என எதிர்ப்பார்க்கப்படுகிறது.
துருவ் விக்ரம் தற்பொழுது மாரி செல்வராஜ் இயக்கத்தில் பைசன் திரைப்படத்தில் நடித்துள்ளார் என்பது குறிப்பிடத்தக்கது.
- ராகவா லாரன்ஸ் 2002 ஆம் ஆண்டு வெளியான ’பார்த்தாலே பரவசம்’ திரைப்படத்தின் மூலம் தமிழ் சினிமாவிற்கு கதாநாயகனாக அறிமுகமானார்.
- லோகேஷ் கனகராஜ் தயாரிப்பில் பாக்கியராஜ் கண்ணன் இயக்கத்தில் 'பென்ஸ்' என்ற படத்தில் நடிக்கவுள்ளார்.
ராகவா லாரன்ஸ் 2002 ஆம் ஆண்டு வெளியான 'பார்த்தாலே பரவசம்' திரைப்படத்தின் மூலம் தமிழ் சினிமாவிற்கு கதாநாயகனாக அறிமுகமானார். அதற்கு முன் பல படங்களுக்கு நடன இயக்குனராகவும் இருந்துள்ளார்.
கார்த்திக் சுப்பராஜ் இயக்கத்தில் சென்ற ஆண்டு வெளியான 'ஜிகர்தண்டா டபுள் எக்ஸ்' படத்தில் நடித்தார். லாரன்ஸுடன் இணைந்து எஸ்.ஜே சூர்யா, நிமிஷா சஜயன் மற்றும் சஞ்சனா நட்ராஜன் நடித்திருப்பர். இப்படம் மக்களிடையே நல்ல வரவேற்பை பெற்றது.
அடுத்ததாக 'அதிகாரம்' மற்றும் 'துர்கா' போன்ற படத்தில் நடித்து வருகிறார். லோகேஷ் கனகராஜ் தயாரிப்பில் பாக்கியராஜ் கண்ணன் இயக்கத்தில் 'பென்ஸ்' என்ற படத்தில் நடிக்கவுள்ளார்.
அதையடுத்து ராகவா லாரன்சின் 25-வது திரைப்படமாக 'ஹண்டர்' படத்தில் நடிக்கவுள்ளார். ஹண்டர் படத்தை வெங்கட் மோகன் இயக்கவுள்ளார்.
இதற்கு முன் விஷால் நடிப்பில் வெளிவந்த அயோக்யா படத்தை இவர் இயக்கியுள்ளார். இயக்குனர் ஏ.ஆர் முருகதாஸ் உடன் உதவி இயக்குனராக பணியாற்றியவர் என்பது குறிப்பிடத்தக்கது.
இத்திரைப்படத்தை ஜிடெலி பிலிம்ஸ் மற்றும் சத்திய ஜோதி நிறுவனம் இணைந்து தயாரிக்கவுள்ளது. தேவி ஸ்ரீ பிரசாத் ஹண்டர் படத்திற்கு இசையமைக்கவுள்ளார். ஓம் பிரகாஷ் ஒளிப்பதிவில் ஸ்ரீகர் பிரசாத் படத்தொகுப்பில் 2025 ஆம் ஆண்டு கோடை விடுமுறைக்கு படம் வெளியாவுள்ளது.
படத்தின் டைட்டில் போஸ்டரை படக்குழுவினர் இன்று வெளியிட்டுள்ளனர்.
உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்.
