நீங்கள் தேடியது "Panruti attack"

பண்ருட்டி:

கடலூர் மாவட்டம் பண்ருட்டியை அடுத்த அங்கு செட்டி பாளையம் இருளர்குடியிருப்பு பகுதியை சேர்ந்தவர் அய்யனார். அதே பகுதியை சேர்ந்தவர் குமார், அவரது மனைவி லட்சுமி (வயது 40).

கடந்த மாதம் அய்யனார், குமார், லட்சுமி ஆகியோர் சென்னைக்கு செங்கல்சூளைக்கு வேலைக்கு சென்றிருந்தனர். அப்போது அங்கு அய்யனாருக்கும், குமாருக்கும் இடையே தகராறு ஏற்பட்டதாக தெரிகிறது.

இந்தநிலையில் கடந்த சில நாட்களுக்கு முன்பு சென்னைக்கு வேலைக்கு சென்ற 3 பேரும் சொந்த ஊர் திரும்பினர். நேற்று மாலை அய்யனார் தனது வீட்டில் தந்தை கிருஷ்ணன், தாய் ராணி, தாத்தா கலியபெருமாள் ஆகியோருடன் பேசிக் கொண்டிருந்தார். அப்போது குமாரும், அவரது மனைவி லட்சுமியும் இரும்பு கம்பியுடன் அய்யனார் வீட்டுக்குள் புகுந்தனர்.

பின்னர் அவர்கள் அய்யனார், கிருஷ்ணன், ராணி, கலியபெருமாள் ஆகியோரை இரும்பு கம்பியால் தாக்கினர். இதில் அவர்கள் படுகாயம் அடைந்தனர். காயம் அடைந்த 4 பேரும் பண்ருட்டி அரசு ஆஸ்பத்திரியில் அனுமதிக்கப்பட்டனர். பின்னர் மேல் சிகிச்சைக்காக கடலூர் அரசு ஆஸ்பத்திரியில் அனுமதிக்கப்பட்டுள்ளனர்.

இந்த சம்பவம் தொடர்பாக புதுப்பேட்டை போலீசில் அய்யனார் புகார் செய்தார். அதன்பேரில் இன்ஸ்பெக்டர் முருகேசன் வழக்குபதிவு செய்து வீடு புகுந்து தாக்கிய குமார், அவரது மனைவி லட்சுமி ஆகியோரை கைது செய்தார்.

பண்ருட்டி:

கடலூர் மாவட்டம் பண்ருட்டி அருகே உள்ள ஆ. நத்தம் கிராமத்தை சேர்ந்தவர் சிவராமன்(வயது21). இவர் பண்ருட்டியில் உள்ள தனியார் பள்ளி ஒன்றில் வேன் டிரைவராக வேலைபார்த்து வருகிறார்.

நேற்று மாலை சிவராமன் பள்ளி மாணவ- மாணவிகளை வேனில் ஏற்றி கொண்டு ஆ. நத்தம் கிராமத்துக்கு சென்று கொண்டிருந்தார். அப்போது பண்ருட்டி குடிநீர் தொட்டி அருகே வேன் சென்றபோது அங்கு நின்ற அஜித் குமார்(19), மணிமாறன், மகேஷ் ஆகியோர் வேனில் இருந்த மாணவிகளை பார்த்து விசில் அடித்து கேலி செய்தனர். உடனே சிவராமன் ஏன் மாணவிகளை கிண்டல் செய்கிறீர்கள் என தட்டிக்கேட்டார். அதில் ஆத்திரம் அடைந்த அஜித்குமார், மணிமாறன், மகேஷ் ஆகியோர் சிவராமனை அடித்து உதைத்தனர். இதில் அவர் படுகாயம் அடைந்தார்.

காயம் அடைந்த சிவராமன் பண்ருட்டி அரசு ஆஸ்பத்திரியில் அனுமதிக்கப்பட்டுள்ளார். அங்கு அவருக்கு டாக்டர்கள் தீவிர சிகிச்சை அளித்து வருகிறார்கள்.

இதுகுறித்து புதுப்பேட்டை போலீசில் புகார் செய்யப்பட்டது. அதன் பேரில் போலீசார் வழக்குப்பதிவு செய்து அஜித்குமாரை கைது செய்தனர். மணிமாறன், மகேஷ் ஆகியோரை போலீசார் தேடி வருகின்றனர்.