டென்னிஸ்

சிட்னி:

ஆஸ்திரேலியாவின் மெல்போர்ன் நகரில் ஆஸ்திரேலிய ஓபன் டென்னிஸ் தொடர் நடைபெற்றது.

ஆண்கள் ஒற்றையர் பிரிவில் இத்தாலியின் ஜானிக் சின்னரும், பெண்கள் ஒற்றையர் பிரிவில் அமெரிக்காவின் மேடிசன் கீசும் சாம்பியன் பட்டம் வென்று அசத்தினர்.

இந்நிலையில், பெண்கள் இரட்டையர் பிரிவு இறுதிப் போட்டியில் முதல் நிலை வீராங்கனையான செக் நாட்டின் கேடரினா சினியாகோவா-அமெரிக்காவின் டெய்லர் டவுன்சென்ட் ஜோடி, லாத்வியாவின் ஜெலினா ஓஸ்டாபென்கோ-தைவானின் ஹ்சீஹ் சு ஜோடியுடன் மோதியது.

இதில் சினியாகோவா ஜோடி 6-2, 6-7 (7-4), 6-3 என்ற செட் கணக்கில் வெற்றி பெற்று சாம்பியன் பட்டம் வென்றது.

நேற்று முன் தினம் நடந்த ஆஸ்திரேலிய ஓபன் டென்னிஸ் ஆடவர் அரையிறுதியில் இருந்து ஜோகோவிச் காயத்தால் பாதியில் வெளியேறினார்.

99 முறை சாம்பியன் பட்டமும் 24 முறை கிராண்ட் சிலாம் பட்டம் வென்ற செர்பிய வீரர் நோவக் ஜோகோவிச் நேற்றைய முதல் அரை இறுதிப் போட்டியில் ஜெர்மனி வீரர் அலெக்சாண்டர் ஸ்வெரெவ் மோதினர்.

முன்னதான காலிறுதிப் போட்டியில் ஏற்பட்ட காயத்தால் அவதிப்பட்ட ஜோகோவிச் தடுமாற்றத்துடன் முதல் செட்டை எதிர்கொண்டார். பெரும் போராட்டத்துக்கு பின் முதல் செட்டில் 7-6 என்ற புள்ளிக் கணக்கில் ஸ்வெரெவ் கைப்பற்றினார்.

ஆனால் அதன்பின் வலி தாங்க முடியாமல் சிரமப்பட்ட ஜோகோவிச் ஆட்டத்தில் இருந்து பாதியிலேயே வெளியேறினார்.

ஸ்வெரெவுக்கு கைகொடுத்து வாழ்த்தி விட்டு அவர் அரங்கை விட்டு அகன்றார். இதனால், ஸ்வெரெவ் இறுதிப் போட்டிக்கு தகுதி பெற்றார். 99 முறை சாம்பியன் பட்டம் வென்ற ஜோகோவிச் கொஞ்சம் சிரமப்பட்டு விளையாடிருந்தால் இறுதிப் போட்டிக்கு தகுதி பெற்று 100 வது சாம்பியன் பட்டம் வென்றிருப்பார்.

மேலும் 25வது முறை கிராண்ட் சிலாம் பட்டம் வென்று ஆஸ்திரேலிய டென்னிஸ் வீராங்கனை மார்க்கரெட் கோர்ட்டின் சாதனையை முறியடிக்கும் வாய்ப்பையும் அவர் நழுவவிட்டார் என பலர் அதிருப்தி தெரிவிக்கின்றனர்.

எனவே அவர்களுக்குப் பதிலளிக்கும் வகையில் தனது எம்ஆர்ஐ ஸ்கேன் -ஐ ஜோகோவிச் பகிர்ந்துள்ளார். மேலும் கேலியாக, காயங்களை கண்டறியும் நிபுணர்கள்[விமர்சிப்பவர்கள்] வசம் இந்த ஸ்கேன் ஐ விட்டுவிடுகிறேன் என்று அவர் பதிவிட்டுள்ளார்.  

மெல்போர்ன்:

கிராண்ட்ஸ்லாம் போட்டிகளில் ஒன்றான ஆஸ்திரேலிய ஓபன் டென்னிஸ் தொடர் மெல்போர்னில் நடைபெற்று வருகிறது. நேற்று நடைபெற்ற பெண்கள் ஒற்றையர் பிரிவு இறுதிப்போட்டியில் அமெரிக்காவின் மேடிசன் கீஸ், பெலாரசின் அரினா சபலென்கா மோதினர்.

இதில் சபலென்காவை வீழ்த்திய மேடிசன் கீஸ் முதல் முறையாக சாம்பியன் பட்டம் வென்று அசத்தினார்.

இந்நிலையில், இறுதிப்போட்டியில் மேடிசன் கீஸ் நம்பர் 1 வீராங்கனையான அரினா சபலென்காவை வீழ்த்தினார். அரையிறுதிப் போட்டியில் நம்பர் 2 வீராங்கனையான போலந்தின் இகா ஸ்வியாடெக்கை வீழ்த்தியுள்ளார்.

இதன்மூலம் நம்பர் 1 மற்றும் நம்பர் 2 வீராங்கனைகளை வீழ்த்திய முதல் வீராங்கனை மேடிசன் என்பது குறிப்பிடத்தக்கது.

கிராண்ட்ஸ்லாம் போட்டிகளில் ஒன்றான ஆஸ்திரேலிய ஓபன் டென்னிஸ் தொடர் மெல்போர்னில் நடைபெற்று வருகிறது. இந்த தொடரில் மகளிர் ஒற்றையர் பிரிவில் இன்று நடைபெற்ற இறுதி ஆட்டத்தில் அரினா சபலென்கா (பெலருசியா) மேடிசன் கீஸ் (போலந்து) ஆகியோர் மோதின.

இதில் முதல் செட்டை மேடிசனும் 2-வது செட்டை சபலென்காவும் கைப்பற்றினர். யார் வெற்றியாளர் என்பதை தீர்மானிக்கும் கடைசி செட் பரபரப்பாக சென்றது. இதில் மேடிசன் 7-5 என்ற கணக்கில் வெற்றி பெற்றார்.

இதனால் 3-6, 6-2, 5-7 என்ற செட் கணக்கில் மேடிசன் வெற்றி பெற்று சாம்பியன் பட்டத்தை வென்றார். இதன் மூலம் முதல் கிராண்ட்ஸ்லாம் பட்டத்தை மேடிசன் வென்றுள்ளார்.

சிட்னி:

ஆஸ்திரேலிய ஓபன் டென்னிஸ் தொடர் மெல்போர்னில் நடந்து வருகிறது.

இந்நிலையில், கலப்பு இரட்டையர் பிரிவில் ஆஸ்திரேலியாவின் ஜான் பியர்ஸ்-ஒலிவியா கடெகி ஜோடி, சக நாட்டின் கிம்பர்லி-ஜான் பாட்ரிக் ஜோடியுடன் மோதியது.

இதில் ஜான் பியர்ஸ்-ஒலிவியா ஜோடி 6-3, 4-6, 10-6 என்ற செட் கணக்கில் வென்று சாம்பியன் பட்டம் வென்றது.

கிராண்ட்ஸ்லாம் போட்டிகளில் ஒன்றான ஆஸ்திரேலிய ஓபன் டென்னிஸ் தொடர் மெல்போர்னில் நடைபெற்று வருகிறது. இந்த தொடரில் ஆண்கள் ஒற்றையர் பிரிவில் இன்று நடைபெற்ற 2-வது அரையிறுதி ஆட்டத்தில் ஜன்னிக் சின்னெர் (இத்தாலி) - பென் ஷெல்டன் (அமெரிக்கா) ஆகியோர் மோதினர்.

இந்த ஆட்டத்தில் சின்னெர் 7-2, 6-2,6-2 என்ற செட் கணக்கில் பென் ஷெல்டனை வீழ்த்தி இறுதிப்போட்டிக்கு தகுதி பெற்றார். 26-ந் தேதி நடைபெறும் இறுதிப்போட்டியில் அலெக்சாண்டர் ஸ்வெரேவ் (ஜெர்மனி) சின்னெர் ஆகியோர் மோதவுள்ளனர்.

மெல்போர்ன்:

'கிராண்ட்ஸ்லாம்' போட்டிகளில் ஒன்றான ஆஸ்திரேலிய ஓபன் டென்னிஸ் தொடர் மெல்போர்னில் நடைபெற்று வருகிறது. இந்த தொடரில் ஆண்கள் ஒற்றையர் பிரிவில் இன்று நடைபெற்ற அரையிறுதி ஆட்டம் ஒன்றில் முன்னணி வீரர்களான நோவக் ஜோகோவிச் (செர்பியா) - அலெக்சாண்டர் ஸ்வெரேவ் (ஜெர்மனி) ஆகியோர் மோதினர்.

இந்த போட்டியின் முதல் செட்டை 7-6 (7-5) என்ற புள்ளிக்கணக்கில் ஸ்வெரேவ் போராடி கைப்பற்றினார். பின்னர், 2-வது செட் ஆட்டம் தொடங்கும் முன்னர் ஜோகோவிச் இடது தொடையில் ஏற்பட்ட காயத்தால் போட்டியில் இருந்து வெளியேறினார். இதன் காரணமாக ஸ்வெரேவ் இறுதிப்போட்டிக்கு முன்னேறினார்.

கிராண்ட்ஸ்லாம்' போட்டிகளில் ஒன்றான ஆஸ்திரேலிய ஓபன் டென்னிஸ் தொடர் மெல்போர்னில் நடைபெற்று வருகிறது. இந்த தொடரில் மகளிர் ஒற்றையர் பிரிவில் இன்று நடைபெற்ற முதல் அரையிறுதி ஆட்டத்தில் அரினா சபலென்கா 6-4, 6-2 என்ற செட் கணக்கில் பாலா படோசாவை வீழ்த்தி இறுதிப்போட்டிக்கு முன்னேறினார்.

இந்நிலையில் மற்றொரு அரையிறுதி போட்டியில் அமெரிக்காவை சேர்ந்த மேடிசன் கீஸ் போலந்தை சேர்ந்த இகா ஸ்வியாடெக் ஆகியோர் மோதினர்.

இதில் முதல் செட்டில் இகா ஸ்வியாடெக்கும் 2-வது செட்டை மேடிசனும் வெற்றி பெற்றனர். யார் வெற்றியாளர் என்பதை தீர்மானிக்கும் கடைசி செட் பரபரப்பாக சென்றது. 10-8 என்ற கணக்கில் மேடிசன் வீழ்த்தினார்.

இதனால் 5-7, 6-1, 10-8 என்ற செட் கணக்கில் மேடிசன் வெற்றி பெற்று ஆஸ்திரேலிய ஓபன் டென்னிஸ் இறுதிப்போட்டிக்கு முதல் முறையாக இவர் முன்னேறினார். நாளை மறுநாள் நடைபெறும் இறுதிப்போட்டியில் சபலென்காவுடன் மேடிசன் மோதுகிறார்.

மெல்போர்ன்:

கிராண்ட்ஸ்லாம் போட்டிகளில் ஒன்றான ஆஸ்திரேலிய ஓபன் டென்னிஸ் தொடர் மெல்போர்னில் நடைபெற்று வருகிறது. விறுவிறுப்பான கட்டத்தை எட்டியுள்ள இந்த தொடரில் மகளிர் ஒற்றையர் பிரிவில் இன்று நடைபெற்ற அரையிறுதி ஆட்டம் ஒன்றில் முன்னணி வீராங்கனையான அரினா சபலென்கா (பெலாரஸ்) - ஸ்பெயினின் பாலா படோசா உடன் மோதினார்.

இதில் 6-4, 6-2 என்ற கணக்கில் சபலென்கா வெற்றி பெற்று இறுதி போட்டிக்கு தகுதி பெற்றார்.

மற்றொரு அரையிறுதி போட்டியில் அமெரிக்காவை சேர்ந்த மேடிசன் கீஸ் போலந்தை சேர்ந்த இகா ஸ்வியாடெக் அணிகள் இன்று மோதவுள்ளனர். இதில் வெற்றி பெறும் வீராங்கனை நாளை மறுநாள் நடைபெறும் இறுதிப்போட்டியில் சபலென்காவுடன் விளையாடுவார்கள்.

சிட்னி:

ஆஸ்திரேலிய ஓபன் டென்னிஸ் தொடரில் காலிறுதி சுற்றுப் போட்டிகள் இன்று நடந்தன.

இந்நிலையில், பெண்கள் ஒற்றையர் பிரிவில் நம்பர் 2 வீராங்கனையும், போலந்தைச் சேர்ந்தவருமான இகா ஸ்வியாடெக், அமெரிக்காவின் எம்மா நவாரோ உடன் மோதினார்.

இதில் ஸ்வியாடெக் 6-1, 6-2 என்ற நேர் செட் கணக்கில் வென்று அரையிறுதிக்கு முன்னேறினார்.

மற்றொரு காலிறுதியில் அமெரிக்காவின் மேடிசன் கீஸ், உக்ரைன் வீராங்கனை எலினா ஸ்விடோலினா உடன் மோதினார்.

இதில் சிறப்பாக ஆடிய ஸ்விடோலினா முதல் செட்டை 6-3 என கைப்பற்றினார். இதில் சுதாரித்துக் கொண்ட மேடிசன் கீஸ் அடுத்த இரு செட்களை 6-3, 6-4 என வென்று அரையிறுதிக்கு முன்னேறினார்.

நாளை நடைபெறும் அரையிறுதியில் இகா ஸ்வியாடெக், மேடிசன் கீசுடன் மோதுகிறார்.

கிராண்ட் ஸ்லாம் போட்டிகளில் ஒன்றான ஆஸ்திரேலியா ஓபன் போட்டி கடந்த 12-ந்தேதி தொடங்கி விறுவிறுப்பாக நடைபெற்று வருகிறது. இன்று ஆண்கள் ஒற்றையருக்கான இரண்டு காலிறுதி ஆட்டங்கள் நடைபெற்றன. முதலில் நடைபெற்ற போட்டியில் அமெரிக்காவிவன் ஷெல்டன், இத்தாலியின் லோரென்சோ சோனேகோவை எதிர்கொண்டார்.

இதில் முதல் செட்டை ஷெல்டன் 6-4 எனவும், 2-வது செட்டை 7-5 எனவும் கைப்பற்றினார். ஆனால் 3-வது செட்டை 4-6 என இழந்தார். 4-வது செட்டில் இருவரும் சிறப்பான ஆட்டத்தை வெளிப்படுத்தினர். இதனால் 4-வது செட் டை-பிரேக்கர் வரை சென்றது. இறுதியில் 7(7)- 6(4) என ஷெல்டன் கைப்பற்றினார். இதனால் 6-4, 7-58, 4-6, 7(7)-6(4) என வெற்றி பெற்று அரையிறுதிக்கு முன்னேறினார்.

மற்றொரு காலிறுதி ஆட்டத்தில் முதல்நிலை வீரரான இத்தாலியின் சின்னர் ஆஸ்திரேலியாவின் அலேக்ஸ் டி மினாரை எதிர்கொண்டார். மினார் சொந்த மண்ணில் விளையாடினாலும் முதல் நிலை வீரரான சின்னரின் ஆட்டத்திற்கு ஈடுகொடுக்க முடியவில்லை.

இதனால் சின்னர் 6-3, 6-2, 6-1 என நேர்செட் கணக்கில் எளிதாக வெற்றி பெற்று அரையிறுதிக்கு முன்னேறினார்.

நாளைதமறுதினம் நடைபெறும் அரையிறுதி போட்டிகளில் சின்னர்- ஷெல்டர், ஜோகோவிச்- ஸ்வெரேவ் பலப்பரீட்சை நடத்துகிறார்கள்.

ஷெல்டனை எளிதாக வீழ்த்தி சின்னர் இறுதிப் போட்டிக்கு முன்னேற வாய்ப்புள்ளது. ஆனால் ஜோகோவிச்- ஸ்வெரேவ் இடையிலான ஆட்டம் பரபரப்பானதாக இருக்கும் என எதிர்பார்க்கப்படுகிறது.

மெல்போர்ன்:

ஆஸ்திரேலிய ஓபன் டென்னிஸ் தொடரின் காலிறுதி சுற்று போட்டிகள் மெல்போர்னில் நடந்து வருகின்றன.

இதில் ஆண்கள் ஒற்றையர் பிரிவில் நம்பர் 3 வீரரும், ஸ்பெயினின் கார்லோஸ் அல்காரஸ், நம்பர் 7 வீரரும், செர்பியாவின் நோவக் ஜோகோவிச் உடன் மோதினார்.

இதில் முதல் செட்டை ஜோகோவிச் 4-6 என இழந்தார். இதையடுத்து சுதாரித்து கொண்ட ஜோகோவிச் அடுத்த 3 சுற்றுகளை 6-4, 6-3, 6-4 என்ற செட் கணக்கில் வென்று அரையிறுதி சுற்றுக்கு முன்னேறினார்.