விளையாட்டு

டோக்கியோ:

ஜப்பான் தலைநகர் டோக்கியோவில் ஒலிம்பிக் போட்டிகள் விறுவிறுப்பான கட்டத்தை அடைந்துள்ளது. இன்று ஆடவருக்கான மல்யுத்த போட்டிகள் நடைபெறுகின்றன. இதில், 86 கிலோ எடைப்பிரிவிருக்கான காலிறுதி போட்டியில் இந்திய வீரர் தீபக் புனியா,  6-3 என்ற கணக்கில் சீனாவின் லின் சூசனை வீழ்த்தினார்.

32-வது ஒலிம்பிக் போட்டிகள் ஜப்பான் தலைநகர் டோக்கியோவில் நடைபெற்று வருகின்றன.

அரையிறுதியில் வென்றதன் மூலம் இந்திய வீரர் ரவிக்குமாருக்கு பதக்கம் உறுதியாகியுள்ளது.

ஏற்கனவே பேட்மிண்டனில் பி.வி.சிந்து வெண்கலமும், பளு தூக்குதலில் மீராபாய் சானு வெள்ளியும், மகளிருக்கான குத்துச்சண்டையில்  லாவ்லினா வெண்கல பதக்கமும் வென்றுள்ளனர் என்பது குறிப்பிடத்தக்கது.

நாட்டிங்காம்:

விராட்கோலி தலைமையிலான இந்திய கிரிக்கெட் அணி, 5 ஆட்டங்கள் கொண்ட டெஸ்ட் தொடரில் விளையாட இங்கிலாந்து சென்றுள்ளது. இந்தியா-இங்கிலாந்து அணிகள் இடையிலான முதலாவது டெஸ்ட் கிரிக்கெட் போட்டி நாட்டிங்காமில் உள்ள டிரென்ட் பிரிட்ஜ் மைதானத்தில் இன்று தொடங்குகிறது. இதற்கான டாஸ் சுண்டப்பட்டதில் இங்கிலாந்து அணி டாஸ் வென்று பேட்டிங்கை தேர்வு செய்தது.

இந்தியா அணியில் இடம் பெற்றுள்ள வீரர்கள் விவரம்:-

1.ரோகித் சர்மா 2. கேஎல் ராகுல் 3. புஜாரா 4. விராட் கோலி 5. ரஹானே 6.ரிஷப் பண்ட் 7. தாகூர் 8. ஜடேஜா 9. பும்ரா 10. முமகது சிராஜ் 11. முகமது ஷமி

இங்கிலாந்து அணியில் இடம் பெற்றுள்ள வீரர்கள் விவரம்:-

1.ரோரி பர்ன்ஸ் 2. டாம் சிப்லி 3.ஜாக் கிராவ்லி 4.ஜோ ரூட் (கேப்டன்) 5. பேர்ஸ்டோ 6. லாரன்ஸ் 7. ஜோஸ் பட்லர் 8. சாம் கர்ரன் 9.ஆலி ராபின்சன் 10. ஸ்டூவர்ட் பிராட் 11. ஜேம்ஸ் ஆண்டர்சன்.

சென்னை:

5-வது தமிழ்நாடு பிரீமியர் லீக் ( டி.என்.பி.எல். ) 20 ஓவர் கிரிக்கெட் போட்டி சென்னை சேப்பாக்கம் எம். ஏ. சிதம்பரம் மைதானத்தில் நடைபெற்று வருகிறது.

நேற்று நடந்த ஆட்டத்தில் நெல்லை ராயல் கிங்ஸ் 5 விக்கெட் வித்தியாசத்தில் திண்டுக்கல் டிராகன்சை தோற்கடித்தது. நெல்லை அணி பெற்ற 2-வது வெற்றியாகும். திண்டுக்கல் அணி 3- வது தோல்வியை தழுவியது.

17-வது நாளான இன்று இரவு 7.30 மணிக்கு நடைபெறும் ஆட்டத்தில் நடப்பு சாம்பியன் சேப்பாக் சூப்பர் கில்லீஸ்-மதுரை பாந்தர்ஸ் அணிகள் மோதுகின்றன.

சேப்பாக் சூப்பர் கில்லீஸ் 2 வெற்றி , ஒரு தோல்வி, ஒரு முடிவு இல்லை ஆகியவற்றுடன் 5 புள்ளிகள் பெற்று 4-வது இடத்தில் உள்ளது.

அந்த அணி திருப்பூர் தமிழன்சுடன் மோதிய முதல் ஆட்டம் மழையால் பாதியில் கைவிடப்பட்டது. 2-வது போட்டியில் நெல்லையிடம் 7 விக்கெட் வித்தியாசத்தில் தோற்றது. 3-வது ஆட்டத்தில் சேலம் அணியை 4 விக்கெட் வித்தியாசத்திலும், 4-வது போட்டியில் திண்டுக்கல் அணியை 24 ரன் வித்தியாசத்திலும் வீழ்த்தியது .

சேப்பாக் சூப்பர் கில்லீஸ் இன்றைய ஆட்டத்தில் மதுரையை தோற்கடித்து “ஹாட்ரிக் “ வெற்றியை பெறும் ஆர்வத்தில் உள்ளது.

மதுரை அணி 2 வெற்றி 2 தோல்வி, ஒரு முடிவு இல்லை ஆகியவற்றுடன் 5 புள்ளிகள் பெற்று 3 வது இடத்தில் இருக்கிறது.

டோக்கியோ ஒலிம்பிக்கில் ராணி ராம்பால் தலைமையிலான இந்திய மகளிர் ஆக்கி அணி தான் மோதிய முதல் 3 ஆட்டங்களில் தோல்வியை தழுவியது.

நெதர்லாந்திடம் 1-5 என்ற கோல் கணக்கிலும், ஜெர்மனியிடம் 0-2 என்ற கணக்கிலும், இங்கிலாந்திடம் 1-4 என்ற கணக்கிலும் தோற்றது.

பின்னர் இந்திய மகளிர் ஆக்கி அணி சிறப்பாக ஆடி அயர்லாந்தை 1-0 என்ற கணக்கிலும், தென் ஆப்பிரிக்காவை 4-3 என்ற கணக்கிலும் வீழ்த்தியது. இதனால் லீக் முடிவில் 2 வெற்றி 3 தோல்வியுடன் 6 புள்ளிகள் பெற்று கால் இறுதிக்கு தகுதி பெற்றது.

இந்திய அணி கால் இறுதி ஆட்டத்தில் 1-0 என்ற கோல் கணக்கில் பலம் வாய்ந்த ஆஸ்திரேலியாவை வீழ்த்தி ஒலிம்பிக் வரலாற்றில் முதல் முறையாக அரை இறுதிக்கு நுழைந்து சாதனை படைத்தது.

9-வது இடத்தில் உள்ள இந்திய மகளிர் ஆக்கி அணி அரை இறுதியில் அர்ஜென்டினாவை இன்று எதிர்கொள்கிறது. இந்திய நேரப்படி மாலை 3.30 மணிக்கு இந்தப் போட்டி தொடங்குகிறது.

உலக தரவரிசையில் 3-வது இடத்தில் உள்ள அர்ஜென்டினாவை தோற்கடித்து இந்தியா இறுதிப் போட்டிக்கு முன்னேறுமா? என்று அனைவராலும் ஆவலுடன் எதிர்பார்க்கப்படுகிறது.

இந்திய ஆண்கள் ஆக்கி அணி அரைஇறுதியில் பெல்ஜியத்திடம் தோற்றது. அது மாதிரியான நிலைமை மகளிர் அணிக்கு ஏற்பட்டு விடக்கூடாது. இதனால் வீராங்கனைகள் மிகவும் கவனமுடன் விளையாட வேண்டும்.

இந்திய மகளிர் அணி சிறப்பாக செயல்பட்டு பதக்கத்தை உறுதி செய்யுமா? என்பது ரசிகர்களின் உச்சகட்ட எதிர்பார்ப்பாக இருக்கிறது.

மன்பிரீத் சிங் தலைமையிலான இந்திய ஆடவர் ஆக்கி அணி வெண்கலப் பதக்கத்துக்கான போட்டியில் ஜெர்மனியுடன் நாளை மோதுகிறது. இந்த ஆட்டம் காலை 7 மணிக்கு நடக்கிறது.

32-வது ஒலிம்பிக் போட்டிகள் ஜப்பான் தலைநகர் டோக்கியோவில் நடைபெற்று வருகின்றன.

இன்று நடைபெற்ற மகளிருக்கான 69 கிலோ குத்துச்சண்டை போட்டியில் இந்தியாவின் லாவ்லினா துருக்கி வீராங்கனை புசேனாஸ் சுர்மெனெலியிடம் 5-0 என்ற கணக்கில் லாவ்லினா தோல்வியைத் தழுவினார். இதன் மூலம் லாவ்லினா வெண்கலப் பதக்கம் பெற்றார்.

ஏற்கனவே பேட்மிண்டனில் பி.வி.சிந்து வெண்கலமும், பளு தூக்குதலில் மீராபாய் சானு வெள்ளியும் வென்றுள்ளனர். மூன்றாவதாக லாவ்லினா பதக்கம் வென்றுள்ளார் என்பது குறிப்பிடத்தக்கது.

டோக்கியோ:

32-வது ஒலிம்பிக் போட்டிகள் ஜப்பான் தலைநகர் டோக்கியோவில் நடைபெற்று வருகின்றன.

இன்று காலை நடைபெற்ற மல்யுத்தம் ஆடவர் 86 கிலோ எடைப்பிரிவு காலிறுதிப் போட்டியில் இந்தியாவின் தீபக் புனியா வெற்றி பெற்று அரையிறுதிக்கு முன்னேறினார்.

காலிறுதியில் தீபக் புனியா 6-3  என்ற கணக்கில் சீனாவின் லின் சூசனை வீழ்த்தினார்.

57 கிலோ மல்யுத்த பிரிவில் ரவிக்குமார் தஹியாவும் அரையிறுதிக்கு முன்னேறி உள்ளார்.

காலிறுதியில் ரவிக்குமார் தஹியா 14-4 என்ற கணக்கில் பல்கேரிய வீரர் வான்க்ளோவை வீழ்த்தினார்.