பெரம்பூர் தொகுதியில் தி.மு.க. வேட்பாளர் ஆர்.டி.சேகர் ஓட்டுவேட்டை

சென்னை:

பெரம்பூர் தொகுதியில் மதசார்பற்ற முற்போக்கு கூட்டணியின் தி.மு.க. வேட்பாளராக வக்கீல் ஆர்.டி.சேகர் போட்டியிடுகிறார்.

கூட்டணி கட்சிகளின் முக்கிய நிர்வாகிகளை சந்தித்து ஆதரவு திரட்டிய அவர் இப்போது அனல் பறக்கும் பிரசாரத்தில் ஈடுபட்டு வருகிறார். வீதி வீதியாக நடந்து சென்று உதயசூரியன் சின்னத்தில் வாக்களிக்கும்படி பிரசாரம் செய்கிறார். மீண்டும் தி.மு.க. ஆட்சி மலர்ந்தால்தான் தமிழக மக்களுக்கு விடிவு, ஏழைகள் வாழ்க்கை தரம் உயரும் என வீடு வீடாக ஆதரவு திரட்டினார்.

35-வது வட்டத்தில் ஆர்.டி.சேகர் வாக்கு சேகரிக்க சென்ற போது அவருக்கு பெண்கள் ஆரத்தி எடுத்து வரவேற்பு கொடுத்தனர். பிரசாரத்தில் மாவட்ட செயலாளர் மாதவரம் சுதர்சனம், தேர்தல் பொறுப்பாளர்கள் மீ.அ.வைத்திலிங்கம், பாலவாக்கம் சோமு, முன்னாள் எம்.எல்.ஏ. எஸ்.கே.மகேந்திரன், பகுதி செயலாளர்கள் முருகன், ஜெயராமர், ஹரிதாஸ் உள்ளிட்ட பலர் ஈடுபட்டனர். #LokSabhaElections2019 #DMK