புதுக்கோட்டை

புதுக்கோட்டை:

புதுக்கோட்டை மாவட்டம் ஆதனக்கோட்டை பேருந்து நிலையம் அருகே மார்க்சிஸ்ட் கம்யூனிஸ்ட் கட்சியின் சார்பில் ஆர்ப்பாட்டம் நடைபெற்றது.

ஆர்ப்பாட்டத்திற்கு கந்தர்வகோட்டை சட்டமன்ற உறுப்பினர் சின்னத்துரை தலைமை தாங்கினார்.  

ஆர்ப்பாட்டத்தில் புதுக்கோட்டை ஒன்றியம் கல்லுக்காரன் பட்டியில் ஆதிதிராவிடர் மற்றும் பிற்படுத்தப்பட்டோர் குடியிருந்து வரும் நூற்றுக்கும் மேற்பட்ட குடும்பங்களுக்கு வகை மாற்றம் செய்து பட்டா வழங்கவும்,

கல்லுகாரன்பட்டி பேருந்து நிலையத்தை  சீரமைத்தும்,  சாலை வசதிகள் செய்து தரவும் உள்ளிட்ட கோரிக்கைகளை வலியுறுத்தி ஆர்ப்பாட்டம் நடைபெற்றது.  

இந்த ஆர்ப்பாட்டத்தில் சங்கர், ராமையன், இலட்சாதிபதி, அன்பு மணவாளன், கோவிந்தராஜ் உள்ளிட்ட நிர்வாகிகள் கலந்து கொண்டனர்.

புதுக்கோட்டை :

புதுக்கோட்டை மாவட்டம், அறந்தாங்கி அருகே கண்டிச்சாங்- காடு கிராமத்தில் நடைபெற்ற இப்தார் நோன்பு திறக்கும் நிகழ்ச்சியில் சட்டத்துறை அமைச்சர் ரகுபதி கலந்து கொண்டு சிறப்பித்தார். அப்போது பேசிய அவர்,

இஸ்லாமிய கோட்-பாடுகளில் முக்கியமான ஒன்றாக கருதப்படுவது, இப்தார் நோன்பு திறப்பு, இதில் ஏழை பணக்காரர் என்ற பாகுபாடு பார்-பதில்லை, குறிப்பாக ஏழையாக இருந்தாலும் முதலில் வருபவர்களுக்கு முதலில் விருந்தளிக்கப்-படுகிறது,

அதே வேளையில் பணக்காரராக இருந்து தாமதமாக வந்தால் அவர்களுக்கு தாமதமாகவே உணவளிக்கப்-படுகிறது. அந்த அளவிற்கு இறைவன் முன்பு அனைவரும் சமம் என்பதை  இஸ்லாத் காட்டுகிறது.-மேலும் தமிழகத்தில் சிறப்பான ஆட்சி புரிந்து வரும் - முதல்வர் -இந்தியாவிலேயே இஸ்லாமியர்-களுக்கு பாதுகாப்பு அரணாக திகழ்ந்து வருகிறார் இவ்வாறு அமைச்சர் தெரித்தார்.

தொடர்ந்து துப்புரவு பணியாளர்களுக்கு சேலை, அரிசி உள்ளிட்ட நலத்திட்ட உதவிகளை வழங்கினார்.

புதுக்கோட்டை:

புதுக்கோட்டை மாவட்டம் கீரனூரை அடுத்த வத்தனாக்குறிச்சி ஊராட்சியில் கடந்த 10 ஆண்டுகளுக்கும் மேலாக தனியாருக்கு சொந்தமான கல் குவாரி செயல்பட்டு வருகிறது. மேலும் அங்கு தார் உற்பத்தியும் செய்யப்படுகிறது.

இதிலிருந்து வெளியேறும் நச்சுக்கழிவுகளால் அப்பகுதியில் காற்று மாசுபடுவதோடு, கர்ப்பிணி பெண்கள், குழந்தைகள், பெரியவர்கள் கடுமையான பாதிப்பிற்கு ஆளாகி வருவதாகவும், அவர்களுக்கு ஒருவித காச நோய் ஏற்படுவதாகவும் புகார்கள் எழுந்தன.

இதுதொடர்பாக மாவட்ட நிர்வாகத்திற்கும், அதிகாரிகளுக்கும் பல்வேறு புகார் மனுக்கள் அளித்தும் இதுவரை எந்தவித நடவடிக்கையும் எடுக்கப்படவில்லை. இதனால்  ஆத்திரம் அடைந்த அப்பகுதி மக்கள் மிகப்பெரிய அளவில் போராட்டம் நடத்த முடிவு செய்தனர்.  

அதன்படி இன்று காலை கீரனூர் அருகே வத்தனாக்குறிச்சி பகுதியில் திருச்சி-புதுக்கோட்டை நெடுஞ்சாலையில் கந்தர்வக்கோட்டை தொகுதி கம்யூனிஸ்டு கட்சி சட்டமன்ற உறுப்பினர் சின்னதுரை தலைமையில் சாலை மறியல் போராட்டத்தில் ஈடுபட்டனர்.

இதனால் திருச்சி-புதுக்கோட்டை மற்றும் ராமேசுவரம்&சென்னை தேசிய நெடுஞ்சாலையில் போக்குவரத்து கடுமையாக பாதிக்கப்பட்டது. இதற்கிடையே மறியல் நடந்த இடத்துக்கு வந்த குளத்தூர் தாசில்தார் பெரியநாயகி சமரச பேச்சுவார்த்தை நடத்தினார்.    

ஆனால் அதனை ஏற்றுக்கொள்ளாத போராட்டக்காரர்கள் கலெக்டர் வந்து எழுத்துப்பூர்வமாக தந்தால் மட்டுமே போராட்டத்தை கைவிடுவோம் என்று உறுதியாக கூறியதால் மறியல் தொடர்ந்து நடைபெற்றது.

புதுக்கோட்டை:

இண்டாவது குருஸ்தலம் என போற்றப்படும் ஆலங்குடி தர்மஸம்வர்த்னி உடனுறை நாமபுரீஸ்வரர் சிவன் கோவிலில் தனி சன்னதியில் அருள் பாலித்து வரும் தட்சிணாமூர்த்தி கோவிலில் குருபெயர்ச்சி விழா மிக சிறப்பாக நேற்றிரவு நடைபெற்றது.

குரு பகவான் கும்ப ராசியில் இருந்து மீன ராசிக்கு பெயர்ச்சியடைந்தார். மலர்களால் அலங்கரிக்கப்பட்டு தங்க கவச அலங்காரத்தில் குருபகவான் பக்தர்களுக்கு அருள்பாலித்தார். அப்போது சுவாமிக்கு மகா தீபாராதனை காண்பிக்கப்பட்டது. ஆயிரக்கணக்கான பக்தர்கள் சுவாமி தரிசனம் செய்தனர்.

புதுக்கோட்டை:

புதுக்கோட்டை  மாவட்ட கலெக்டர் கவிதா ராமு வெளியிட்டுள்ள அறிக்கையில் கூறியிப்பதாவது

நீடித்த வளர்ச்சி இலக்குகள் குறித்து சிறப்பு கிராம சபைக் கூட்டங்கள் புதுக்கோட்டை மாவட்டத்திலுள்ள அனைத்து கிராம ஊராட்சிகளிலும் வருகிற 24 ந்தேதி அன்று நடைபெறவுள்ளது.  

இந்த கிராம சபைக் கூட்டத்தில் நீடித்த வளர்ச்சி இலக்குகள் குறித்து உறுதிமொழி எடுத்திடவும், கூட்டப்பொருள்களின் அடிப்படையிலும் கிராம சபைக் கூட்டம் நடத்தப்படவுள்ளது.  

ஊராட்சியில் நீடித்த வளர்ச்சி இலக்குகள் குறித்து பயன்பெறும் வகையில் பொதுமக்கள் கலந்துகொண்டு சிறப்பு கிராம சபைக் கூட்டத்தை சிறப்பிக்க கேட்டுக்கொள்கிறேன்.

இவ்வாறு அதில் கூறப்பட்டுள்ளது.