பெரம்பலூர்

பெரம்பலூர்:

பெரம்பலூர் அருகே சிறுவாச்சூரை சேர்ந்தவர் முத்துசாமி மகன் ராஜசேகர் (வயது50). ஆட்டோ டிரைவர். இவரது மகளை அதே சிறுவாச்சூரை சேர்ந்த பொன்னுசாமி மகன் அருண் என்பவர் ஒருதலையாக காதலித்து வந்துள்ளார்.  

இது சம்பந்தமாக ராஜசேகர் கடந்த ஒன்றரை ஆண்டுகளுக்கு முன்பு பெரம்பலூர் போலீஸ் ஸ்டேசனில் கொடுத்த புகாரின்பேரில் போலீசார் இருதரப் பினைரையும் வரவழைத்து சமரச  பேச்சுவார்த்தை நடத்தி சமாதானமாக அனுப்பி வைத்தனர்.

சிறுவாச்சூரை சேர்ந்த பெரியசாமி மகன் செல்வம் (31) என்பவர் அவரது நண்பர் அருணை போலீஸ்ஸ்டேசனுக்கு அழைத்து சென்று அசிங்கப்படுத்தி விட்டீர்கள் என கூறி ராஜசேகர் குடும்பத்தினரை கடந்த ஆறு மாத காலமாக மிரட்டி வந்துள்ளார்.

இதனால் மனமுடைந்த ராஜசேகர் தனது குடும்பத்தை சேர்ந்த 8 பேருடன் பெரம்பலூர் போலீஸ்ஸ்டேசனுக்கு வந்து அங்கு தனது குடும்பத்தினரை மிரட்டி வரும் செல்வம் மீது நடவடிக்கை எடுக்க வலியுறுத்தி மண்ணெண்ணெய் ஊற்றி தீக்குளித்த முற்பட்டனர்.

இதனை பார்த்த போலீசார் அவர்கள் மீது தண்ணீரை ஊற்றி தடுத்து விசாரணை மேற் கொண்டுள்ளனர். இச்சம்பவம் பெரம்பலூர் போலீஸ்ஸ்டேசனில் பெரும் பரபரப்பை ஏற்படுத்தியது.

பெரம்பலூர்:

பெரம்பலூர் மாவட்டத்தில் போலீஸ்ஸ்டேசனில் செயல்பட்டு வரும் பெண்கள் உதவி மையத்தில் பணிபுரியும் பெண் போலீசாருக்கு புத்துணர்வு முகாம் எஸ்.பி. அலுவலகத்தில் நடைபெற்றது.

முகாமிற்கு எஸ்.பி. மணி தலைமை வகித்து பேசுகையில், போலீஸ்ஸ்டேசனுக்கு புகார் அளிக்க வரும் பெண்கள் மற்றும் குழந்தைகளிடம் எவ்வாறு நடந்து கொள்ள வேண்டும் என்பது குறித்து விரிவாக எடுத்துகூறினார். மேலும் பெண்கள் உதவி மைய இலவச தொலைப்பேசி எண்ணான 198-க்கு வரும் அழைப்புகளை எவ்வாறு கையாள வேண்டும் எனவும், குறைகளை கூறும் பொது மக்களிடம் நாம் அன்பாகவும் பணிவோடும் நடந்து கொள்ள வேண்டும் என அறிவுறுத்தினார்.

அனைத்து மகளிர் போலீஸ் இன்ஸ்பெக்டர் ஜெயசித்ரா, குழந்தைகள் கடத்தல் தடுப்பு பிரிவு இன்ஸ்பெக்டர் விஜயலட்சுமி ஆகியோர் பயிற்சி அளித்தனர். மேலும் பெண்கள் உதவி மைய போலீசார், 1098 நிர்வாகி திவ்யா, ஒருங்கிணைந்த சேவை மைய நிர்வாகி கீதா, குழந்தை நல வாரிய தலைவர் அய்யம்பெருமாள் ஆகியோர் கலந்து கொண்டு பேசினர்.

பெரம்பலூர்:

பெரம்பலூர் மாவட்டம் அரணாரை வடக்கு தெருவைச் சேர்ந்தவர் முருகானந்தம். தனிப்பிரிவு குற்றப்புலனாய்வு துறை (எஸ்.பி.சி.ஐ.டி) போலீஸ் சிறப்பு சப்&இன்ஸ்பெக்டர். இவரது மகன் கிருபா சங்கர் (வயது 21) சிறுவாச்சூர் பெருமாள் கோவில் தெருவை சேர்ந்த  சிவக்குமாரின் மகன் நவநீதகிருஷ்ணன் (22).

பெரம்பலூரைச் சேர்ந்த அருண், வடக்கு மாதவி ரோடு சாமியப்பா நகரைச் சேர்ந்த கண்ணனின் மகன் ரோகித், தீரன்நகரைச் சேர்ந்த ரத்தீஷ், ரோஸ் நகரைச் சேர்ந்த சவுமியா உள்ளிட்ட 10 பேர் உக்ரைன் நாட்டில் உள்ள கார்கிவி நகரில் தங்கி அங்குள்ள ஒரு பல்கலைக்கழகத்தில் மருத்துவ படிப்பு படித்து வருகின்றனர்.

இந்நிலையில் அந்த மாணவர்கள் மற்றும் அவர்களது பெற்றோர்கள் சார்பில் கிருபா சங்கரின் தந்தை முருகானந்தம், நவநீத கிருஷ்ணனின் அண்ணன் விக்னேஷ் ஆகியோர் கண்ணீர் மல்க பெரம்பலூர் மாவட்ட கலெக்டர் ஸ்ரீ வெங்கடபிரியாவை சந்தித்து ஒரு மனு கொடுத்தனர்.

இதே போல் கரூர் மாவட்டம் காந்தி கிராமம் தெற்கு இந்திரா காந்தி நகரை சேர்ந்தவர் தங்கவேல், இவரது மகன் தருண். குளித்தலை தாலுகா, திம்மாச்சிபுரம், மேலத் தெருவை சேர்ந்த சின்னதுரை&சுதா தம் பதியர்   மகன் சூரியா, மற்றும் பசுபதிபாளையம் அருணாச்சலம் நகர் 6&வது கிராசில் வசித்து வரும் ஆண்டனி கேப்ரியல் &கார்த்திகாயினி தம்பதி மகன் ஸ்ரீநிதி ஆகிய 3 மாணவர்கள் உக்ரைனில் மருத்துவம் மற்றும் ஏரோபேஸ் படித்து வருகின்றனர்.

இவர்களது பெற்றோர்கள் கரூர் கலெக்டரை சந்தித்து மனு அளித்தனர்.

அவர்கள் கலெக்டரிடம் கூறுகையில் :
உக்ரைன் நாட்டின் மீது ரஷியா போர் தொடுத்து தொடர்ந்து தாக்குதல் நடத்தி வருவதால் ஹீரோவ்பிராட்சி மெட்ரோ ரெயில் நிலையில் உள்ள சுரங்கப்பாதையில் மாணவர்கள், பொதுமக்கள் தங்கியுள்ளனர். இதில் பெரம்பலூர் மாவட்டத்தைச் சேர்ந்த 10 மாணவர்கள் கரூர் மாவட்டத்தை சேர்ந்த 3 மாணவர்கள் உள்ளிட்ட தமிழக மாணவர்களும் அங்கு தங்கியுள்ளனர்.

எனவே மத்திய&மாநில அரசுகள் உடனடியாக தலையிட்டு உக்ரைனில் சிக்கி உள்ள எங்கள் மாணவர்களுக்கு தேவையான உணவு மற்றும் பாதுகாப்பு வழங்கி சொந்த ஊருக்கு அழைத்து வர நடவடிக்கை எடக்க வேண்டும் என்றனர்.
மனுவை பெற்றுக்கொண்ட கலெக்டர்கள் இது தொடர்பாக உரிய நடவடிக்கை எடுப்பதாக தெரிவித்தனர்.

கிராம நிர்வாக அதிகாரி சாவில் போலீசார் விசாரணை நடத்தி வருகின்றனர்.

பெரம்பலூர்:
 
பெரம்பலூர்மாவட்டம், வேப்பந்தட்டை தாலுகா, நூத்தப்பூர் மாதா கோவில் தெருவைச் சேர்ந்தவர்  ஆரோக்கியசாமி (வயது 50) கிராம நிர்வாக அலுவலரான இவர், அன்னமங்கலத்தில் பணிபுரிந்து வந்தார்.
 
நேற்று முன்தினம் வேப்பந்தட்டை தாலுகா அலுவலகத்தில் பணியை முடித்து விட்டு சேலம் மாவட்டம் வீரகனூர் சென்று பின்னர் நூத்தப்பூரிலுள்ள தனது வீட்டுக்கு செல்வதாக கூறி விட்டு இரவு புறப்பட்டு சென்றார். ஆனால் இரவு அவர் ஊருக்கு திரும்பவில்லை.

இந்நிலையில் நேற்று காலை பெரம்பலூர் ஆத்தூர் சாலையில் பெரியம்மாபாளையம் பிரிவு ரோடு அருகே சாலையோர பள்ளத்தில் பைக்குடன் வாயில் நுரை தள்ளிய நிலையில் இறந்து கிடந்தார். இதனை பார்த்த அப்பகுதி மக்கள் அரும்பாவூர் போலிசாருக்கு தகவல் கொடுத்தனர்.

தகவலின் பேரில் அரும்பாவூர் போலீசார் விரைந்து சென்று ஆரோக்கியசாமி உடலை மீட்டு பிரேத பரிசோதனைக்காக பெரம்பலூர் அரசு ஆஸ்பத்திரிக்கு அனுப்பி வைத்தனர்.
 
இது குறித்து போலீசார் தெரிவிக்கையில், இந்த சம்பவம்  குறித்து வழக்குப்பதிவு செய்து விசாரணை நடத்தி வருகின் றோம். ஆரோக்கியசாமி கொலை செய்யப்பட்டாரா? அல்லது தற்கொலைசெய்து கொண்டாரா என்று விசாரணையை தீவிரப்படுத்தியுள்ளோம் என்றனர்.

மர்மமான முறையில் இறந்த ஆரோக்கியசாமிக்கு சுவேதா என்கிற மனைவியும், 2 மகன்களும், 1 மகளும் உள்ளனர்.

பெரம்பலூர்:


பூலாம்பாடி பேரூராட்சியில் மொத்தம் 15 வார்டுகளில், 12 இடங்களில் தி.மு.க.வேட்பாளர்களும், 2 இடத்தில் அ.தி.மு.க.வும், ஒரு இடத்தில் சுயேட்சை வெற்றி பெற்றுள்ளது. இதில்12 இடங்களில் வெற்றி பெற்ற தி.மு.க. பூலாம்பாடி பேரூராட்சியை கைப்பற்றியது.

வார்டு வாரியாக வெற்றி பெற்றவர்களின் விவரம்:

1 வது வார்டு  கலைச்செல்வி (தி.மு.க.)
2 வது வார்டு  கண்ணகி (தி.மு.க)
3வது வார்டு  ராஜலடசுமி (தி.மு.க.)
4 வது வார்டு  கஸ்தூரி  (அதிமுக)
5 வது வார்டு  பர்க்கத்துன்னிஷா (திமுக)
6 வது வார்டு   மாணிக்கம் (திமுக)
7 வது வார்டு  செல்வலட்சுமி (திமுக)
8 வது வார்டு ராமதாஸ் (திமுக)
9 வது வார்டு  சுதாகர் (அதிமுக)
10 வது வார்டு ஜெயந்தி (சுயேட்சை)
11  வது வார்டு  பூங்கொடி (திமுக)
12 வது வார்டு  தேவிகா (திமுக)
13 வது வார்டு  மஞ்சுளா (திமுக)
14 வது வார்டு செல்வராணி (திமுக)
15 வது வார்டு  பாக்யலட்சுமி (திமுக)