நாகப்பட்டினம்

நாகப்பட்டினம்:

நாகை அருகே ஐவநல்லூர் ஊராட்சி அலுவலகம் முன்பு விவசாய தொழிலாளர் சங்கத்தினர் நேற்று ஆர்ப்பாட்டத்தில் ஈடுபட்டனர். ஆர்ப்பாட்டத்துக்கு விவசாய தொழிலாளர் சங்க மாவட்ட செயலாளர் பாஸ்கர் தலைமை தாங்கினார். மாவட்ட தலைவர் ராமலிங்கம் முன்னிலை வகித்தார். இதில் தமிழ்நாடு விவசாயிகள் சங்க தலைவர் சரபோஜி கலந்து கொண்டு பேசினார். ஆர்ப்பாட்டத்தில் ஈடுபட்டவர்கள் 100 நாள் வேலை திட்டத்தை கொச்சைப்படுத்தி பேசிய நாம் தமிழர் கட்சி ஒருங்கிணைப்பாளர் சீமானை கண்டித்து கோஷங்கள் எழுப்பினர். இதில் மாவட்ட துணை தலைவர் செல்லத்துரை உள்பட பலர் கலந்துகொண்டனர்.

இதேபோல் சீர்காழி பழைய பஸ் நிலையம் அருகில் நாம் தமிழர் கட்சி ஒருங்கிணைப்பாளர் சீமானை கண்டித்து தமிழ் மாநில விவசாய தொழிலாளர் சங்கம் சார்பில் ஆர்ப்பாட்டம் நடைபெற்றது. ஆர்ப்பாட்டத்திற்கு விவசாய தொழிலாளர் சங்க மாவட்ட தலைவர் நீதிசோழன் தலைமை தாங்கினார். மாவட்ட செயலாளர் இடும்பையன் முன்னிலை வகித்தார். ஆர்ப்பாட்டத்தில் இந்திய கம்யூனிஸ்டு கட்சி மாவட்ட செயலாளர் சீனிவாசன், ஒன்றிய செயலாளர் செல்லப்பன், விவசாய தொழிலாளர் சங்க மாவட்ட துணை செயலாளர் கணபதி மற்றும் பலர் கலந்துகொண்டனர்.

நாகை:

நாகை, அக்கரைப்பேட்டை, திடீர்குப்பம் பகுதியைச் சேர்ந்தவர் சிவக்குமார்(48). இவரது சகோதரர் சிவனேசன் (42). இவர்களுக்குச் சொந்தமான விசைப் படகுகளில் நாகை அக்கரைப்பேட்டை, சாமந்தான்பேட்டை, ஆர்யநாட்டுத் தெரு மற்றும் மயிலாடுதுறை மாவட்டம் சந்திரப்பாடி, தரங்கம்பாடி ஆகிய பகுதிகளைச் சேர்ந்த மீனவர்கள் 23 பேர் மீன்பிடிக்கக் கடலுக்குச் சென்றனர்.

கடந்த 11-ஆம் தேதி நாகை மீன்பிடித் துறைமுகத்தில் இருந்து மீன்பிடிப்புக்குப் புறப்பட்ட அவர்கள், புதன்கிழமை இரவு இலங்கை, பருத்தித்துறைக்கு தென்கிழக்கே சுமார் 40 நாட்டிக்கல் மைல் தொலைவில் மீன்பிடித்து கொண்டிருந்தனர். அப்போது அங்கு வந்த இலங்கை கடற்படையினர் அவர்களை கைது செய்தனர்.

வேதாரண்யம்:

நாகை மாவட்டம் வேதாரண்யம் தாலுகா அகஸ்தியன்பள்ளி, கடினல்வயல், கோடியக்காடு ஆகிய பகுதிகளில் 9 ஆயிரம் ஏக்கரில் உப்பு உற்பத்தி நடைபெறுகிறது. தமிழகத்தில் தூத்துக்குடிக்கு அடுத்தபடியாக உப்பு உற்பத்தியில் இரண்டாம் இடம் வகிக்கும் வேதாரண்யத்தில் 830 சிறு உற்பத்தியாளர்கள் மூலம் ஆண்டுதோறும் 5 லட்சம் முதல் 6 லட்சம் மெட்ரிக் டன் உப்பு உற்பத்தி செய்யபடுகிறது. உற்பத்தி செய்யப்பட்ட உப்புகள் தமிழகத்தின் பல்வேறு பகுதிகளுக்கும் மற்றும் கர்நாடகா, கேரளா, ஆந்திரா உள்ளிட்ட வெளி மாநிலங்களுக்கும் நாள்தோறும் லாரிகள் மூலம் அனுப்பி வைக்கப்படுகிறது.

இந்த நிலையில் நேற்று இரவு உப்பள பகுதிகளில் 57.2 மி.மீட்டர் பெய்த மழையால் உப்பு பாத்திகளில் மழைநீர் தேங்கி உப்பு உற்பத்தி பாதிக்கப்பட்டுள்ளது. சேமித்து வைத்துள்ள உப்பு குவியல்களை மழையில் இருந்து பாதுகாக்க தார்பாய் மற்றும் பனைஓலைகளை கொண்டு பாதுகாப்பாக மூடிவைத்துள்ளனர். உப்பு பாத்திகளில் மழைநீர் தேங்கி உள்ளதால் வழக்கமாக அக்டோபர் மாதம் நிறைவடையும் உப்பு உற்பத்தி முன்கூட்டியே இந்த ஆண்டுக்கான உப்பு உற்பத்தி பணிகள் அனைத்தும் நிறைவு பெற்றது.

இதனால் 10 ஆயிரம் உப்பளத் தொழிலாளர்கள் வேலை இழந்துள்ளனர். மேலும் உப்பளங்களில் உள்ள மோட்டார்கள் மற்றும் உற்பத்திக்கான தளவாட பொருட்களை வீடுகளுக்கு கொண்டு சென்றனர். இந்த ஆண்டு உப்பு உற்பத்தி முன்கூட்டியே முடிவுக்கு வந்ததால் மழைகாலத்தில் நல்ல விலை கிடைக்கும் என உப்பு உற்பத்தியாளர்கள் தெரிவித்தனர்.

வேதாரண்யம்:

வேதாரண்யத்தை அடுத்த ஆறுகாட்டுத்துறை மீனவ கிராமத்தை சேர்ந்தவர் சேகர் மகன் சக்தி குருபாலன் (வயது 22). மீனவக் குடும்பத்தைச் சேர்ந்தவர். திருமணமாகவில்லை.

தீராத வயிற்று வலியால் கஷ்டப்பட்டு வந்தாராம். சம்பவத்தன்று வி‌ஷ மருந்தை சாப்பிட்டு மயங்கிய நிலையில் இருந்தவரை மீட்டு வேதாரண்யம் அரசு மருத்துவமனையிலும், தீவிர சிகிச்சைக்காக திருவாரூர் மருத்துவகல்லூரி மருத்துவமனையிலும் சேர்த்தனர். அங்கு சிகிச்சை பலனின்றி இறந்துவிட்டார்.

புகாரின் பேரில் வேதாரண்யம் போலீசார் வழக்குபதிவு செய்து விசாரித்து வருகிறார்கள்.