கிசுகிசு

முதல் படத்திலேயே கண்ணை காட்டி பல ரசிகர்களை வசியம் செய்த நடிகை, அடுத்தடுத்த படங்களில் நடிப்பதற்காக பல போட்டோக்களை எடுத்து சமூக வலைத்தளங்களில் பரவ விட்டாராம்.

இதற்கு பலனாக இரண்டு மூன்று படங்கள் வாய்ப்பு கிடைக்க, அந்தப் படங்கள் சரியாக ஓடாததால் மறுபடியும் போட்டோக்களை சமூக வலைதளங்களில் பரவ விட்டிருக்கிறாராம்.

தற்போது ஊரடங்கிலும் பட வாய்ப்புக்காக இயக்குனர்கள், தயாரிப்பாளர்கள் ஆகியோரை சந்தித்து வருகிறாராம். இதைக் கேள்விப்பட்ட பலர் ஊரடங்கிலும்  நடிகை இப்படி ஊர் சுற்றுகிறார் என்று பேசி வருகிறார்களாம்.

சின்னத்திரையிலிருந்து பெரிய திரைக்கு வந்த நடிகையும், இருக்கு ஆனா இல்லை என்று சொல்லும் இயக்குனருக்கும் காதல் இருப்பதாக ஏற்கனவே அரசல்புரசலாக பலரும் பேசி வந்தார்களாம். இதை இருவரும் கண்டு கொல்லாமல் இருந்தார்களாம்.

ஆனால் நடிகையை திடீரென்று கல்லூரி நண்பர் ஒருவரை காதலிப்பதாக சொன்னாராம். தற்போது அந்த காதல் முடிந்துவிட்டதாம். இதற்கு காரணம் அந்த இயக்குனர் தான் என்று கோடம்பாக்கத்தினர் பரவலாக பேசி வருகிறார்களாம். 

தமிழில் முன்னணி நடிகராக இருப்பவர் வலிமையான படத்தில் நடித்திருக்கிறாராம். இப்படத்தின் படப்பிடிப்பு தொடங்கும் போதே எப்போது ரிலீசாகும் என்ற தேதியும் அறிவித்து இருந்தார்களாம். ஆனால் படப்பிடிப்பை சில காரணங்களால் அவ்வப்போது சரியாக நடைபெறவில்லை. தற்போது ஊரடங்கு உத்தரவால் படப்பிடிப்பு முழுவதும் பாதிக்கப்பட்டு இருக்கிறதாம்.

பின்னணி வேலைகளைத் தொடங்க அரசு அனுமதித்த போதும், அதன் வேலைகள் எதுவும் நடைபெறவில்லையாம். தயாரிப்பாளர் தொடங்க திட்டமிட்டிருந்த நிலையில் நடிகர் எந்த வேலையும் தொடங்க வேண்டாம் என்று கூறிவிட்டாராம். நடிகர் இப்படி கூறியதால் அதிர்ச்சியில் இருக்கிறாராம் தயாரிப்பாளர்.