சினிமா செய்திகள்

பல வெற்றி படங்களை இயக்கியவர் மணிரத்னம். இவர் தற்போது பொன்னியின் செல்வன் படத்தை இயக்கி வருகிறார். படப்பிடிப்பு இல்லாததால் மணிரத்னம் சமூக வலைத்தளத்தில் ரசிகர்களுடன் உரையாற்றினார்.

 இவருடன் பேசுவதற்கு ரசிகர்கள் மட்டுமல்லாமல் திரையுலக பிரபலங்கள் சிலரும் ஆன்லைனில் வரிசை கட்டி நின்றார்கள்.
அப்போது பிரபல இளம் மலையாள இயக்குனர் லிஜோ ஜோஸ் இவர்கள் உரையாடலை கவனித்துள்ளார். அவர் இருப்பதை கவனித்த சுஹாசினி, லிஜோவை வரவேற்று தானும் தனது கணவரும் அவரது படங்களுக்கு தீவிர ரசிகர்கள் என கூறினார்.

 லிஜோவுடன் தொடர்ந்து உரையாடிய மணிரத்னம், அவர் இயக்கிய அனைத்து படங்களையும் தான் பார்த்துவிட்டதாக கூறி, மலையாள திரையுலகில் உள்ள மிகச்சிறந்த இயக்குனர்களில் ஒருவரான லிஜோ தொடர்ந்து இதேபோன்ற நல்ல படைப்புகளை தரவேண்டும் என்றும் கேட்டுக்கொண்டார்.

மலையாளத்தில் வெளியான அங்கமாலி டைரீஸ், ஈ மா யூ, ஜல்லிக்கட்டு என சிறந்த  படங்களை தந்து ரசிகர்கள் மட்டுமல்லாது விமர்சகர்களையும் கவர்ந்தவர் தான் இயக்குனர் லிஜோ ஜோஸ் என்பது குறிப்பிடத்தக்கது.

தமிழ், தெலுங்கு மொழிகளில் முன்னணி நடிகையாக இருந்து வருபவர் ஸ்ருதிஹாசன். இவர் தற்போது விஜய்சேதுபதி நடிப்பில் உருவாகி வரும் லாபம் படத்தில் ஹீரோயினாக நடித்துள்ளார்.

கொரோனா காரணமாக போடப்பட்டுள்ள ஊரடங்கு காரணமாக பல பிரபலங்களும் தங்களது நேரத்தை ரசிகர்களுடன் சமூகவலைத்தளங்களில் செலவிட்டு வருகின்றனர்.
சமீபத்தில் ஸ்ருதிஹாசன் தனது சமூக வலைத்தளத்தில் Hula Hoop exercise குறித்த வீடியோ ஒன்றை பதிவு செய்தார். தற்போது கமல் நடிப்பில் வெளியான நாயகன் படத்தில் இடம் பெற்ற தென்பாண்டி சீமையிலே என்ற பாடலை ரீமிக்ஸ் செய்துள்ளார்.

அவரே இசையமைத்து பாடிய இந்த பாடல் சமூக வலைத்தளத்தில் வைரலாகி வருகிறது. 

கன்னடத்தில் நந்தா கிஷோர் இயக்கியுள்ள படம் பொகரு. துருவா சார்ஜா, ராஷ்மிகா மந்தனா நடித்துள்ள இப்படத்தின் பாடல் யூடியூப்பில் வெளியிடப்பட்டது. இதற்கு வரவேற்பு கிடைத்தாலும் கூட, பல்வேறு தரப்பில் கண்டனம் எழுந்துள்ளது.

மிகப் பெரிய ரவுடிகள் கூட்டத்தை சேர்ந்த தலைவன் மாதிரி இருக்கும் துருவா சார்ஜா, அப்பாவி இளம்பெண் ராஷ்மிகாவை துரத்தி, மிரட்டி, அச்சுறுத்தி தன்னை காதலிக்க சொல்வது போல் இப்பாடல் காட்சி படமாக்கப்பட்டு உள்ளது.

 கத்தி காட்டி மிரட்டுவது, பலவந்தமாக கட்டிப்பிடிப்பது, தூக்குவது, தலைமுடியை பிடித்திழுப்பது, மின்சார ஷாக் வைத்துவிடுவேன் என பயமுறுத்துவது என்று எல்லை மீறிய காட்சிகள் இடம்பெற்று இருப்பது சமூக ஆர்வலர்களை கோபப்பட வைத்துள்ளது.

 பெண்ணுரிமை அமைப்புகள் இயக்குனரின் மீது வழக்கு தொடுக்க திட்டமிட்டுள்ளதாக திரை வட்டாரத்தில் கூறப்படுகிறது.

கொரோனா ஊரடங்கில் நடிகர்-நடிகைகள் பலரும் வீட்டிலேயே உடற்பயிற்சிகள், யோகா செய்து தேகத்தை கட்டுக்கோப்பாக வைத்துக்கொள்ளும் முயற்சியில் ஈடுபட்டுள்ளனர். இது சம்பந்தமான வீடியோக்களையும் வெளியிட்டு வருகிறார்கள்.
நடிகை ரகுல்பிரீத் சிங்கும் உடற்பயிற்சியில் தீவிரமாக ஈடுபட்டு வருகிறார். விதம் விதமாக உடற்பயிற்சிகள் செய்யும் புகைப்படங்களையும் தொடர்ந்து சமூக வலைத்தளங்களில் பகிர்ந்து வந்தார். இப்போது ஜிம்முக்கு செல்லும் நிலைமை இல்லாததால் வீட்டையே உடற்பயிற்சி கூடமாக மாற்றி இருக்கிறார்.

வீட்டில் இருக்கும் மரச்சாமான்கள் உதவியோடு உடற்பயிற்சிகள், யோகாசனங்கள் செய்கிறார். வீட்டுக்குள்ளேயே அந்தரத்தில் தொங்குவது, ஓடுவது, குதிப்பது என்றெல்லாம் உடற்பயிற்சிகள் செய்கிறார். ஊரடங்கு நமது ஆரோக்கியத்துக்கு தடையாக இருக்க கூடாது. கலோரிகளை கரைக்க ஜிம்முக்குதான் போக வேண்டும் என்ற அவசியம் இல்லை. வீட்டிலேயே எளிமையான உடற்பயிற்சிகளை செய்யலாம் என்றார்.

தமிழில் பல படங்களில் நடித்து பிரபலமானவர் நடிகை மகிமா நம்பியார். தேசிய ஊரடங்கு காரணமாக வீட்டிலேயே அடைந்து கிடக்கும் ரசிகர்களை உற்சாகப்படுத்தும் எண்ணத்தில், தன் சமூக வலைத்தளத்தில் நேரலையில் தோன்றி, ரசிகர்கள் கேட்ட எல்லா கேள்விக்கும் முகம் சுளிக்காமல் பதிலளித்தார்.

வரிசையாக பதிலளித்து வந்த அவரிடம் ஒரு ரசிகர், 'உங்கள் வயசு என்னன்னு வெளிப்படையா சொல்ல முடியுமா மகிமா ? என்று கேட்டார். அதுவரை ஜாலியாக பதிலளித்துக் கொண்டிருந்த மகிமா,  ஹலோ . . .  ஆண்கள் கிட்ட அவங்க வருமானத்தை பற்றியும், பெண்கள் கிட்ட அவங்க வயசு பற்றியும் கேட்க கூடாதுன்னு உங்களுக்கு தெரியாதா ? இதுக்கு நான் பதில் சொல்லமாட்டேன் என்றார். பிறகு வழக்கம் போல் சில கேள்விகளுக்கு பதிலளித்தார்.

தமிழில் தனுஷ் ஜோடியாக ‘மயக்கம் என்ன’ படத்தில் அறிமுகமானவர் ரிச்சா கங்கோபாத்யாய். தொடர்ந்து சிம்புவுடன் ‘ஒஸ்தி’ படத்தில் நடித்தார். தெலுங்கு படங்களிலும் நடித்துள்ளார். பின்னர் அமெரிக்கா சென்று எம்.பி.ஏ. படித்தார். கல்லூரியில் தன்னுடன் படித்த ஜோ லாங்கெல்லா என்பவரை காதலித்து திருமணம் செய்து கொண்டார்.
இந்தநிலையில் இன்ஸ்டாகிராமில் ரிச்சா பெயரில் சில பக்கங்கள் இருந்தன. அவற்றில் ரிச்சாவின் புகைப்படங்கள் மற்றும் அவரை பற்றிய தகவல்கள் பகிரப்பட்டு வந்தன. அவை ரிச்சாவின் உண்மையான பக்கங்கள் என்று கருதி ரசிகர்களும் பின் தொடர்ந்து கருத்துகள் பதிவிட்டு வந்தார்கள். தன் பெயரில் உள்ள இன்ஸ்டாகிராம் கணக்குகள் போலியானவை என்று நடிகை ரிச்சா கூறியுள்ளார்.

இதுகுறித்து டுவிட்டரில் அவர் கூறியிருப்பதாவது:-

“எனக்கு ஒரே ஒரு இன்ஸ்டாகிராம் கணக்கு உள்ளது. இப்போதுதான் இந்த இன்ஸ்டாகிராம் கணக்கை தொடங்கி இருக்கிறேன். இதில் 6 பதிவுகள் மட்டுமே வெளியிட்டு உள்ளேன். எனது பெயரில் உள்ள இதர இன்ஸ்டாகிராம் பக்கங்கள் அனைத்தும் போலியானவை. அவற்றில் என்னை பற்றிய தகவல்களை உண்மைபோல் சித்தரித்து வெளியிடுகின்றனர். அந்த கணக்குகள் உண்மையானவை அல்ல”. இவ்வாறு ரிச்சா கூறியுள்ளார்.

கொரோனா வைரஸ் உலகம் முழுவதும் தீவிரமாக பரவி வருகிறது. கொரோனாவை கட்டுப்படுத்த உலக நாடுகள் அனைத்தும் போராடி வருகிறது. இந்தியாவிலும் கொரோனா பாதிப்பு நாளுக்கு நாள் அதிகரித்துவரும் நிலையில், முழு ஊரடங்கு அமல்படுத்தப்பட்டுள்ளது.

நடிகர் விஜய்யின் மகன் சஞ்சய் கன்னடாவில் படித்துவருகிறார். கொரோனா வைரஸ் உலகம் முழுவதும் பெரும் சோகத்தை ஏற்படுத்திவரும் நிலையில் மகன் தனியே வெளிநாட்டில் இருப்பதால் விஜய் குடும்பமே மிகுந்த வருத்தத்தில் உள்ளதாக கூறப்படுகிறது.

கனடாவில் கொரோனா வைரஸ் தாக்கம் குறைவாக இருப்பதால் சஞ்சய் அங்கு பாதுகாப்பாக இருப்பதாக வந்த தகவல் விஜய்க்கு ஓரளவுக்கு மன நிம்மதியை அளித்துள்ளதாக தெரிகிறது.