தொழில்நுட்பம்
கேலக்ஸி ஃபோல்டு 2 ரென்டர்

சாம்சங் கேலக்ஸி நோட் 20 சீரிஸ் வெளியீட்டு விவரம்

Published On 2020-06-07 05:45 GMT   |   Update On 2020-06-06 12:37 GMT
சாம்சங் நிறுவனத்தின் கேலக்ஸி நோட் 20 சீரிஸ் ஸ்மார்ட்போன்களின் வெளியீட்டு விவரம் இணையத்தில் லீக் ஆகியுள்ளது.



சாம்சங் நிறுவனத்தின் கேலக்ஸி நோட் 20 மற்றும் கேலக்ஸி ஃபோல்டு 2 ஸ்மார்ட்போன்கள் ஆகஸ்ட் 5 ஆம் தேதி விர்ச்சுவல் அன்பேக்டு விழாவில் அறிமுகம் செய்யப்பட இருப்பதாக தகவல் வெளியாகியுள்ளது.
 
முன்னதாக சாம்சங் நிறுவனம் கேலக்ஸி நோட் 20 பிளஸ் மாடலுக்கு மாற்றாக கேலக்ஸி நோட் 20 அல்ட்ரா மாடலை அறிமுகம் செய்ய இருப்பதாகவும், புதிய ஸ்மார்ட்போனின் ரென்டர்களும் இணையத்தில் வெளியாகின.

தற்போதைய கொரோனா வைரஸ் பாதிப்பு காரணமாக கேலக்ஸி அன்பேக்டு விழா ஆன்லைனில் நடைபெறுகிறது. ஏற்கனவே பல்வேறு நிறுவனங்களும் தங்களின் அறிமுக நிகழ்வுகளை ஆன்லைனில் நடத்த துவங்கி விட்டன. கடந்த ஆண்டு சாம்சங் தனது கேலக்ஸி நோட் 10 சீரிஸ் மாடல்களை ஆகஸ்ட் 5 ஆம் தேதி அறிமுகம் செய்தது.



அந்த வகையில் இந்த ஆண்டும் சாம்சங் அதே தேதியில் புதிய நோட் சீரிஸ் ஸ்மார்ட்போன்களை அறிமுகம் செய்யும் என எதிர்பார்க்கப்படுகிறது. இதே நிகழ்வில் நோட் மாடல் தவிர கேலக்ஸி ஃபோல்டு 2 மாடலையும் அறிமுகம் செய்யலாம் என கூறப்படுகிறது.

முந்தைய ரென்டர்களின் படி கேலக்ஸி நோட் 20 ஸ்மார்ட்போனில் 6.7 இன்ச் டிஸ்ப்ளே, சிறிய பன்ச் ஹோல் ஸ்மார்ட்போனின் மத்தியில் பொருத்தப்படும் என கூறப்பட்டது. இத்துடன் மிக மெல்லிய பெசல்கள் வழங்கப்படுகின்றன. வால்யூம் மற்றும் பவர் பட்டன்கள் ஸ்மார்ட்போனின் வலது புறத்தில் வழங்கப்படுகிறது.

ஸ்மார்ட்போனின் கீழ்புறத்தில் யுஎஸ்பி டைப் சி போர்ட், ஸ்பீக்கர் கிரில் மற்றும் எஸ் பென் வைப்பதற்கான ஸ்லாட் வழங்கப்படுகிறது. கேலக்ஸி நோட் 20 ஸ்மார்ட்போன் பின்புறத்தில் வளைந்த எட்ஜ்களை கொண்டிருக்கிறது. இது பார்க்க கேலக்ஸி எஸ்20 அல்ட்ரா போன்றே காட்சியளிக்கிறது.

இதுதவிர கேலக்ஸி இசட் ப்ளிப் 5ஜி, கேலக்ஸி டேப் எஸ்7 / எஸ்7 பிளஸ் மற்றும் கேலக்ஸி வாட்ச் 2 போன்ற மாடல்களும் அறிமுகம் செய்யப்பட இருக்கின்றன.
Tags:    

Similar News