அமேசான் முதலீடு பற்றி அதிகாரப்பூர்வ விளக்கம் அளித்தது ஏர்டெல்

ஏர்டெல் நிறுவனத்தில் ரூ. 15 ஆயிரம் கோடி மதிப்பிலான பங்குகளை வாங்க அமேசான் நிறுவனம் முதற்கட்ட பேச்சுவார்த்தை துவங்கி இருப்பதாக செய்திகள் வெளியாகின. இந்நிலையில், நேற்று வெளியான செய்தியில் துளியும் உண்மையில்லை என்றும், இதுவரை அதுபோன்ற திட்டம் எதுவும் இல்லை என்றும் பாரதி ஏர்டெல் நிறுவனம் தெரிவித்துள்ளது.
இரு நிறுவனங்களிடையே ஒப்பந்தம் இறுதியாகும் பட்சத்தில் ஏர்டெல் நிறுவனத்தின் ஐந்து சதவீத பங்குகளை அமேசான் வாங்கும் என தெரிவிக்கப்பட்டது. இதன் காரணமாக ஏர்டெல் நிறுவன பங்குகள் ஆறு சதவீதம் வரை உயர்ந்தது.

எனினும், இதுபோன்ற செய்திகள் தேவையற்ற விளைவுகளை ஏற்படுத்தும் என்றும் இது நிறுவனத்தின் நன்மதிப்பை பாதிக்கும் என ஏர்டெல் தெரிவித்துள்ளது.