ரூ. 6 ஆயிரம் பட்ஜெட்டில் புதிய சாம்சங் ஸ்மார்ட்போன் அறிமுகம்

சாம்சங் நிறுவனம் 2018 ஆம் ஆண்டு தனது முதல் ஆண்ட்ராய்டு கோ ஸ்மார்ட்போனினை அறிமுகம் செய்தது. இதனை சாம்சங் கேலக்ஸி ஜெ2 கோர் எனும் பெயரில் வெளியிட்டது. தற்சமயம் இரண்டு ஆண்டுகள் இடைவெளிக்கு பின் சாம்சங் கேலக்ஸி ஜெ2 கோர் 2020 எடிஷனை இந்தியாவில் அறிமுகம் செய்துள்ளது. 

புதிய சாம்சங் கேலக்ஸி ஜெ2 கோர் 2020 ஸ்மார்ட்போனில் 5.0 இன்ச் QHD TFT டிஸ்ப்ளே வழங்கப்பட்டுள்ளது. இத்துடன் சாம்சங்கின் எக்சைனோஸ் 7570 குவாட்கோர் பிராசஸர் வழங்கப்பட்டுள்ளது. இதுதவிர 1 ஜிபி ரேம், 16 ஜிபி மெமரி வழங்கப்பட்டுள்ளது. முந்தைய கேலக்ஸி ஜெ2 கோர் மாடலில் வெறும் 8 ஜிபி மெமரி வழங்கப்பட்டு இருந்தது குறிப்பிடத்தக்கது.

புகைப்படங்களை எடுக்க கேலக்ஸி ஜெ2 கோர் 2020 மாடலில் 8 எம்பி பிரைமரி கேமரா, f/2.2, முன்புறம் 5 எம்பி செல்ஃபி கேமரா, f/2.2 வழங்கப்பட்டுள்ளது. இதில் ஆண்ட்ராய்டு 8.1 ஓரியோ கோ இயங்குதளம் மற்றும் சாம்சங் ஸ்மார்ட் மேனேஜர் வழங்கப்பட்டுள்ளது. மேலும் இதில் 2600 எம்ஏஹெச் பேட்டரி வழங்கப்பட்டுள்ளது.

- 5.0 இன்ச் 540x960 பிக்சல் qHD PLS TFT டிஸ்ப்ளே

- குவாட்கோர் எக்சைனோஸ் 7570 14nm பிராசஸர்

- மாலி-T720 MP1 GPU

- 1 ஜிபி ரேம்

- 16 ஜிபி மெமரி

- மெமரியை கூடுதலாக நீட்டிக்கும் வசதி

- ஆண்ட்ராய்டு 8.1 ஓரியோ (கோ எடிஷன்)

- டூயல் சிம்

- 8 எம்பி பிரைமரி கேமரா, எல்இடி ஃபிளாஷ், f/2.2

- 5 எம்பி செல்ஃபி கேமரா, f/2.2

- 3.5 எம்எம் ஆடியோ ஜாக், எஃப்எம் ரேடியோ

- 4ஜி வோல்ட்இ, வைபை, ப்ளூடூத், ஜிபிஎஸ்

- 2600 எம்ஏஹெச் பேட்டரி

- மைக்ரோ யுஎஸ்பி

சாம்சங் கேலக்ஸி ஜெ2 கோர் 2020 மாடல் புளூ, பிளாக் மற்றும் கோல்டு நிறங்களில் கிடைக்கிறது. இதன் விலை ரூ. 6299 என நிர்ணயம் செய்யப்பட்டுள்ளது. இதன் விற்பனை ஊரடங்கு முடிந்ததும் துவங்கும் என தெரிகிறது.