தொழில்நுட்பம்
மோட்டோரோலா ரேசர்

மோட்டோரோலா ரேசர் புதிய விற்பனை தேதி அறிவிப்பு

Published On 2020-04-15 11:52 GMT   |   Update On 2020-04-15 11:52 GMT
மோட்டோரோலா நிறுவனத்தின் மோட்டோரோலா ரேசர் மடிக்கக்கூடிய ஸ்மார்ட்போன் விற்பனை மீண்டும் மாற்றப்பட்டு புதிய விற்பனை தேதி அறிவிக்கப்பட்டுள்ளது.



லெனோவோவின் மோட்டோரோலா ஸ்மார்ட்போன் பிராண்டு மோட்டோரோலா ரேசர் மடிக்கக்கூடிய ஸ்மார்ட்போனின் முதல் விற்பனை ஒத்திவைக்கப்பட்ட நிலையில், தற்சமயம் விற்பனை தேதி மீண்டும் மாற்றப்பட்டுள்ளது. கொரோனா வைரஸ் தொற்று பரவுவதை தடுக்கும் வகையில், மத்திய அரசு நாடு தழுவிய ஊரடங்கு உத்தரவை அமல்படுத்தி இருப்பதால் விற்பனை தேதி மாற்றப்பட்டு இருப்பது குறிப்பிடத்தக்கது.

இந்தியாவில் மோட்டோரோலா ரேசர் மடிக்கக்கூடிய ஸ்மார்ட்போனின் விற்பனை ஏப்ரல் 2 ஆம் தேதி நடைபெற இருந்த நிலையில், ஏப்ரல் 15 ஆம் தேதி துவங்கும் என மோட்டோரோலா அறிவித்து இருந்தது. எனினும், நாட்டில் ஊரடங்கு உத்தரவு மே 3 ஆம் தேதி வரை நீட்டிக்கப்பட்டு இருப்பதால், மோட்டோரோலா ரேசர் விற்பனை தேதி மீண்டும் மாற்றப்பட்டுள்ளது.

அந்த வகையில் மோட்டோராலா ரேசர் மடிக்கக்கூடிய ஸ்மார்ட்போனின் விற்பனை 6 ஆம் தேதி துவங்கும் என அறிவிக்கப்பட்டுள்ளது. 

மோட்டோரோலா ரேசர் என மடிக்கக்கூடிய ஸ்மார்ட்போனில் மடங்கக்கூடிய OLED ஸ்கிரீன் வழங்கப்பட்டுள்ளது. இது ஸ்மார்ட்போனை பாதியாக மடிக்க வழி செய்கிறது. இத்துடன் ஸ்மார்ட்போனின் முன்புறத்தில் இரண்டாவது ஸ்கிரீன் ஒன்றும் வழங்கப்பட்டுள்ளது. இரண்டாவது ஸ்கிரீனினை குவிக் வியூ எக்ஸ்டெர்னல் டிஸ்ப்ளே என அழைக்கிறது. 

இதை கொண்டு நோட்டிஃபிகேஷன், மியூசிக், கூகுள் அசிஸ்டண்ட் போன்ற அம்சங்களை வேகமாக இயக்க முடியும். புகைப்படங்களை எடுக்க புதிய ஸ்மார்ட்போனில் ஒற்றை கேமரா வழங்கப்பட்டுள்ளது. இதை ஸ்மார்ட்போன் திறக்கப்பட்ட நிலையில் பிரைமரி கேமரா போன்றும், மடிக்கப்பட்ட நிலையில் செல்ஃபி கேமரா போன்றும் பயன்படுத்திக் கொள்ளலாம்.



மோட்டோரோலா ரேசர் 2019 சிறப்பம்சங்கள்:

– 6.2 இன்ச் QLED HD+ 876×2142 பிக்சல் மடிக்கக்கூடிய ஸ்கிரீன்
– 2.7 இன்ச் 600×800 பிக்சல் குவிக் வியூ டிஸ்ப்ளே
– ஆக்டா கோர் குவால்காம் ஸ்னாப்டிராகன் 710 பிராசஸர்
– 6 ஜி.பி. பேம்
– 128 ஜி.பி. மெமரி
– 16 எம்.பி. f/1.7 கேமரா
– 5 எம்.பி. கேமரா
– ஆண்ட்ராய்டு 9 பை இயங்குதளம்
– 2510 எம்.ஏ.ஹெச். பேட்டரி
– 15 வாட் ஃபாஸ்ட் சார்ஜிக் வசதி
– இசிம் வசதி
– ப்ளூடூத், 4ஜி எல்.டி.இ., வைபை

இந்தியாவில் மோட்டோரோலா ரேசர் 2019 விலை ரூ. 1,24,999 என நிர்ணயம் செய்யப்பட்டுள்ளது.
Tags:    

Similar News