ஹூவாயின் புதிய மடிக்கக்கூடிய ஸ்மார்ட்போன் அறிமுகம்

ஹூவாய் நிறுவனம் சர்வதேச சந்தையில் மேட் எக்ஸ்.எஸ். மடிக்கக்கூடிய ஸ்மார்ட்போனினை அறிமுகம் செய்துள்ளது. ஆன்லைன் நிகழ்வில் அறிமுகம் செய்யப்பட்டுள்ள மேட் எக்ஸ்.எஸ். ஸ்மார்ட்போனின் பின்புறத்தில் 6.6 இன்ச் OLED ஸ்கிரீன், முன்புறம் 6.38 இன்ச் ஸ்கிரீன் வழங்கப்பட்டுள்ளது. இவற்றை திறக்கும் போது 8.0 இன்ச் ஸ்கிரீன் கிடைக்கிறது. 

இதன் வடிவமைப்பு பார்க்க முந்தைய மேட் எக்ஸ் போன்றே காட்சியளிக்கிறது. முந்தைய ஸ்மார்ட்போன் போன்றே புதிய மாடலும் 5.4 எம்.எம். அளவு மெல்லியதாக இருக்கிறது. மற்ற அம்சங்களை பொருத்தவரை கிரின் 990 5ஜி பிராசஸர், ஆண்ட்ராய்டு மற்றும் EMUI 10 வழங்கப்பட்டுள்ளது. இதில் கூகுள் பிளே சேவைக்கு மாற்றாக ஹூவாய் மொபைல் சர்வீசஸ் வழங்கப்பட்டு இருக்கிறது.

ஸ்மார்ட்போனின் பக்கவாட்டில் கைரேகை சென்சார் பவர் பட்டனிலேயே பொருத்தப்பட்டுள்ளது. புகைப்படங்களை எடுக்க மேட் எக்ஸ்.எஸ். ஸ்மார்ட்போனில் 40 எம்.பி. பிரைமரி கேமரா, 16 எம்.பி. அல்ட்ரா வைடு ஆங்கில் கேமரா, 8 எம்.பி. டெலிபோட்டோ லென்ஸ் மற்றும் ToF சென்சார் வழங்கப்பட்டுள்ளது.

இதன் பின்புற டிஸ்ப்ளே பயன்படுத்தி, பிரைமரி கேமரா கொண்டும் செல்ஃபி எடுக்க முடியும். 4500 எம்.ஏ.ஹெச். பேட்டரி கொண்டுள்ள மேட் எக்ஸ்.எஸ். ஸ்மார்ட்போனில் 55 வாட் ஹூவாய் சூப்பர்சார்ஜ் ஃபாஸ்ட் சார்ஜிங் வசதி வழங்கப்பட்டுள்ளது. இதனை 0 முதல் 85 சதவீதம் வரை சார்ஜ் செய்ய 30 நிமிடங்களே போதுமானது.

- 6.6 இன்ச் 2480x1148 பிக்சல் 19.5:9 OLED டிஸ்ப்ளே (மடிக்கப்பட்ட நிலையில்)

- 6.38 இன்ச் 2480x892 பிக்சல் OLED 25:9 பின்புறம் பேக் பேனல் டிஸ்ப்ளே

- 8.0 இன்ச் 2480x2200 பிக்சல் OLED 8:7.1 டிஸ்ப்ளே (திறக்கப்பட்ட நிலையில்)

- ஹூவாய் கிரின் 990 5ஜி பிராசஸர்

- ARM மாலி-G76MP16 GPU, டூயல் பி்க் கோர் + டைனி கோர் NPU

- 8 ஜி.பி. LPDDR4x ரேம்

- 512 ஜி.பி. மெமரி

- மெமரியை கூடுதலாக நீட்டிக்கும் வசதி

- ஆண்ட்ராய்டு 10 மற்றும் EMUI 10.0.1, HMS

- ஹைப்ரிட் டூயல் சிம்

- 40 எம்.பி. பிரைமரி கேமரா, f/1.8

- 16 எம்.பி. அல்ட்ரா வைடு ஆங்கில் லென்ஸ், f/2.2, 2.5 செ.மீ. மேக்ரோ

- 8 எம்.பி. டெலிபோட்டோ லென்ஸ், f/2.4, OIS

- ஹூவாய் TOF கேமரா

- கைரேகை சென்சார்

- டூயல் ஸ்பீக்கர்கள்

- 5ஜி மல்டி-மோட், டூயல் 4ஜி வோல்ட்இ, வைபை 802.11 ac, ப்ளூடூத் 5 LE

- யு.எஸ்.பி. டைப்-சி

- 4500 எம்.ஏ.ஹெச். பேட்டரி

- 55 வாட் சூப்பர்சார்ஜ் 

ஹூவாய் மேட் எக்ஸ்.எஸ். ஸ்மார்ட்போன் இன்டர்ஸ்டெல்லார் புளூ நிறத்தில் கிடைக்கிறது. சர்வதேச சந்தையில் இதன் விலை 2706 டாலர்கள் (இந்திய மதிப்பில் ரூ. 1,95,425) என நிர்ணயம் செய்யப்பட்டுள்ளது.