தொழில்நுட்பம்
சாம்சங் கேலக்ஸி நோட் 10 லைட் இந்தியாவில் அறிமுகம்
சாம்சங் நிறுவனத்தின் கேலக்ஸி நோட் 10 லைட் ஸ்மார்ட்போன் இந்தியாவில் அறிமுகம் செய்யப்பட்டது. இதன் முழு விவரங்களை தொடர்ந்து பார்ப்போம்.
சாம்சங் நிறுவனத்தின் கேலக்ஸி நோட் 10 லைட் ஸ்மார்ட்போன் இந்தியாவில் வெளியிடப்பட்டது. புதிய கேலக்ஸி நோட் 10 லைட் ஸ்மார்ட்போனில் 6.7 இன்ச் 1080x2400 பிக்சல் இன்ஃபினிட்டி ஒ டிஸ்ப்ளே, ஆண்ட்ராய்டு 10 மற்றும் 4500 எம்.ஏ.ஹெச். பேட்டரி வழங்கப்பட்டுள்ளது.
புகைப்படங்களை எடுக்க 12 எம்.பி. பிரைமரி கேமராவுடன், 12 எம்.பி. அல்ட்ரா வைடு மற்றும் 12 எம்.பி. டெலிபோட்டோ கேமரா என மொத்தம் மூன்று கேமரா சென்சார்களும், முன்புறம் 32 எம்.பி. செல்ஃபி கேமராவும் வழங்கப்பட்டுள்ளது. இத்துடன் ஏர் கமாண்ட் வசதி கொண்ட ப்ளூடூத் எஸ் பென் சாதனமும் வழங்கப்படுகிறது.
சாம்சங் கேலக்ஸி நோட் 10 லைட் சிறப்பம்சங்கள்:
- 6.7 இன்ச் FHD+ 2400x1080 பிக்சல் சூப்பர் AMOLED இன்ஃபினிட்டி ஒ டிஸ்ப்ளே
- ஆக்டாகோர் சாம்சங் எக்சைனோஸ் 9 சீரிஸ் 9810 பிராசஸர்
- மாலி G72MP18 GPU
- 6 ஜி.பி. / 8 ஜி.பி. LPDDR4x ரேம்
- 128 ஜி.பி. மெமரி
- மெமரியை கூடுதலாக நீட்டிக்கும் வசதி
- ஆண்ட்ராய்டு 10 மற்றும் ஒன் யு.ஐ. 2.0
- டூயல் சிம் ஸ்லாட்
- 12 எம்.பி. டூயல் பிக்சல் பிரைமரி கேமரா, எல்.இ.டி. ஃபிளாஷ், f/1.7, OIS
- 12 எம்.பி. டெலிபோட்டோ லென்ஸ், f/2.4, OIS
- 12 எம்.பி. அல்ட்ரா வைடு சென்சார், f/2.2
- 32 எம்.பி. செல்ஃபி கேமரா, f/2.2
- இன் டிஸ்ப்ளே கைரேகை சென்சார்
- 3.5 எம்.எம். ஆடியோ ஜாக், டால்பி அட்மோஸ்
- டூயல் 4ஜி வோல்ட்இ, வைபை, ப்ளூடூத்
- 4,500 எம்.ஏ.ஹெச். பேட்டரி
சாம்சங் கேலக்ஸி நோட் 10 லைட் ஸ்மார்ட்போன் ஆரா குளோ, ஆரா பிளாக் மற்றும் ஆரா ரெட் நிறங்களில் கிடைக்கிறது. இந்தியாவில் இதன் 6 ஜி.பி. ரேம், 128 ஜி.பி. மெமரி மாடல் விலை ரூ. விலை ரூ. 38,999 என்றும் 8 ஜி.பி. ரேம், 128 ஜி.பி. மெமரி மாடல் விலை ரூ. 40,999 என நிர்ணயம் செய்யப்பட்டுள்ளது.