தொழில்நுட்பம்
5000 எம்.ஏ.ஹெச். பேட்டரியுடன் விரைவில் இந்தியா வரும் விவோ ஸ்மார்ட்போன்
விவோ நிறுவனத்தின் புதிய யு20 ஸ்மார்ட்போனின் இந்திய வெளியீட்டு தேதி மற்றும் அம்சங்கள் சார்ந்த விவரங்களை தொடர்ந்து பார்ப்போம்.
விவோ நிறுவனத்தின் புதிய ஸ்மார்ட்போன் இந்தியாவில் நவம்பர் 22 ஆம் தேதி அறிமுகம் செய்யப்பட இருக்கிறது. இந்நிலையில், புதிய விவோ ஸ்மார்ட்போனின் டீசர் வெளியிடப்பட்டுள்ளது.
புதிய டீசரின் படி விவோ யு20 ஸ்மார்ட்போனில் 6.53 இன்ச் FHD பிளஸ் டிஸ்ப்ளே, 5000 எம்.ஏ.ஹெச். பேட்டரி, 18 வாட் ஃபாஸ்ட் சார்ஜிங் வசதி வழங்கப்படுகிறது. யு.எஸ்.பி. டைப்-சி கொண்டிருக்கும் புதிய ஸ்மார்ட்போனில் 3.5 எம்.எம். ஆடியோ ஜாக், ஸ்பீக்கர் கிரில் வழங்கப்படுகிறது.
இந்திய சந்தையில் ரூ. 10,000 முதல் ரூ. 12,000 பட்ஜெட்டில் பெரிய டிஸ்ப்ளேவுடன் கிடைக்கும் ஸ்மார்ட்போன்களில் இதுவும் ஒன்று என விவோ தெரிவித்துள்ளது. அந்த வகையில் புதிய விவோ யு20 ஸ்மார்ட்போனின் விலை ரூ. 12,000 பட்ஜெட்டில் கிடைக்கும் என உறுதியாகிவிட்டது.
புதிய விவோ யு20 ஸ்மார்ட்போனில் ஸ்னாப்டிராகன் 675 பிராசஸர், 6 ஜி.பி. ரேம் வழங்கப்படுகிறது. எனினும், 4 ஜி.பி. + 64 ஜி.பி. மெமரி, 6 ஜி.பி. + 128 ஜி.பி. மெமரி வேரியண்ட்கள் அறிமுகம் செய்யப்படலாம்.