தொழில்நுட்பம்
டூயல் கேமரா, 5000 எம்.ஏ.ஹெச். பேட்டரி கொண்ட ரெட்மி 8 ஸ்மார்ட்போன் அறிமுகம்
சியோமியின் ரெட்மி பிராண்டு இந்தியாவில் ரெட்மி 8 ஸ்மார்ட்போனினை பட்ஜெட் விலையில் அறிமுகம் செய்தது. இதில் டூயல் கேமரா, 5000 எம்.ஏ.ஹெச். பேட்டரி வழங்கப்பட்டுள்ளது.
சியோமியின் ரெட்மி பிராண்டு இந்தியாவில் அதிகம் எதி்ர்பார்க்கப்பட்ட பட்ஜெட் ரக ஸ்மார்ட்போனான ரெட்மி 8 மாடலை அறிமுகம் செய்தது. புதிய ரெட்மி 8 ஸ்மார்ட்போனி்ல் 6.2 இன்ச் ஹெச்.டி. பிளஸ் டாட் நாட்ச் டிஸ்ப்ளே, கார்னிங் கொரில்லா கிளாஸ் 5, ஸ்னாப்டிராகன் 439 பிராசஸர், அதிகபட்சம் 4 ஜி.பி. ரேம் வழங்கப்பட்டுள்ளது.
புகைப்படங்களை எடுக்க 12 எம்.பி. பிரைமரி கேமரா, சோனி IMX363 சென்சார், 2 எம்.பி. டெப்த் கேமரா, 8 எம்.பி. செல்ஃபி கேமரா வழங்கப்பட்டுள்ளது. ஔரா மிரர் வடிவமைப்பு, பின்புறம் கைரேகை சென்சார், ஸ்பிலாஷ் ரெசிஸ்டண்ட் வசதி, டூயல் சிம் ஸ்லாட் மற்றும் மைக்ரோ எஸ்.டி. ஸ்லாட் கொண்டிருக்கிறது. இத்துடன் 5000 எம்.ஏ.ஹெச். பேட்டரி, 18 வாட் ஃபாஸ்ட் சார்ஜிங், யு.எஸ்.பி. டைப்-சி வழங்கப்பட்டுள்ளது.
ரெட்மி 8 சிறப்பம்சங்கள்:
- 6.26 இன்ச் 1520x720 பிக்சல் ஹெச்.டி. பிளஸ் HD+ 19:9 2.5D வளைந்த கிளாஸ் டிஸ்ப்ளே
- கார்னிங் கொரில்லா கிளாஸ் 5
- ஆக்டா-கோர் ஸ்னாப்டிராகன் 439 பிராசஸர்
- அட்ரினோ 505 GPU
- 3 ஜி.பி. ரேம், 32 ஜி.பி. மெமரி
- 4 ஜி.பி. ரேம், 64 ஜி.பி. மெமரி
- மெமரியை கூடுதலாக நீட்டிக்கும் வசதி
- ஆண்ட்ராய்டு 9.0 பை மற்றும் MIUI 10
- டூயல் சிம் ஸ்லாட்
- 12 எம்.பி. சோனி IMX363 சென்சார், எல்.இ.டி. ஃபிளாஷ், 1.4μm பிக்சல், f/1.8, 6P லென்ஸ், டூயல் PD ஆட்டோஃபோகஸ்
- 2 எம்.பி. டெப்த் கேமரா
- 8 எம்.பி. செல்ஃபி கேமரா, f/2.0, 1.12μm பிக்சல்
- ஸ்பிலாஷ் ரெசிஸ்டண்ட்
- கைரேகை சென்சார்
- 3.5 எம்.எம். ஆடியோ ஜாக், எஃப்.எம். ரேடியோ
- டூயல் 4ஜி வோல்ட்இ, வைபை, ப்ளூடூத்
- யு.எஸ்.பி. டைப்-சி
- 5000 எம்.ஏ.ஹெச். பேட்டரி
- 18 வாட் ஃபாஸ்ட் சார்ஜிங்
ரெட்மி 8 ஸ்மார்ட்போன் சஃபையர் புளு, ரூபி ரெட், எமரால்டு கிரீன், ஆன்சி பிளாக் நிறங்களில் கிடைக்கிறது. இதன் 3 ஜி.பி. ரேம் மாடல் விலை ரூ. 7,999 என்றும் 4 ஜி.பி. ரேம் மாடல் விலை ரூ. 8,999 என நிர்ணயம் செய்யப்பட்டுள்ளது. இதன் விற்பனை அக்டோபர் 12 ஆம் தேதி முதல் துவங்குகிறது.