தொழில்நுட்பம்
ரியோன் பாக்கெட் ஏ.சி.

சோனி நிறுவனத்தின் ரியோன் பாக்கெட் ஏ.சி.

Published On 2019-08-28 04:19 GMT   |   Update On 2019-08-28 04:19 GMT
ரியோன் பாக்கெட் ஏ.சி. என்ற பெயரில் பாக்கெட்டில் எடுத்துச் செல்லும் வகையிலான ஏ.சி.யை சோனி நிறுவனம் உருவாக்கி உள்ளது.
செல்லுமிடமெல்லாம் உங்கள் உடலுக்கு சில்லென்ற குளிர்ச்சியான சூழல் நிலவும். அதற்காக பாக்கெட்டில் எடுத்துச் செல்லும் வகையிலான ஏ.சி.யை உருவாக்கி உள்ளது சோனி நிறுவனம். ரியோன் பாக்கெட் ஏ.சி. என்ற பெயரில் இது வெளிவந்துள்ளது. இதை புளூடூத் 5.0 மூலம் இணைத்து செயல்படுத்தலாம்.

தெர்மோ எலெக்ட்ரிக் அடிப்படையில் இது குளிர்ச்சியை அளிக்கும். ரியோன் பாக்கெட் ஏ.சி. கருவியானது ரீசார்ஜ் செய்யக் கூடிய பேட்டரியில் செயல்படுகிறது. இதை ஒரு முறை சார்ஜ் செய்தால் 24 மணி நேரம் செயல்படும். இந்த ஏ.சி. சாதனம் எடை குறைவானது (85 கிராம்), அதாவது வழக்கமாக பயன்படுத்தும் ஸ்மார்ட்போனின் எடையை விட இது குறைவானதாகும்.

இந்த கருவியானது ஐ.ஓ.எஸ். மற்றும் ஆண்ட்ராய்டு இயங்குதளங்களில் செயல்படக் கூடியது. இதற்குரிய செயலி (ஆப்) மூலம் இந்த கருவியை செயல்படுத்தலாம். இது ரியோன் பாக்கெட் ஸ்டாண்டர்டு மற்றும் ரியோன் பாக்கெட் லைட் என்ற இரண்டு மாடல்களில் வந்துள்ளது. இதில் பாக்கெட் லைட் விலை குறைவானது.



ஆனால் இதை மானுவலாகத்தான் செயல்படுத்த முடியும். மற்றொரு மாடலான பாக்கெட் ஸ்டாண்டர்டு ஸ்மார்ட்போன் மூலமும், மானுவலாகவும் செயல்படுத்தும் வகையில் வடிவமைக்கப்பட்டுள்ளது. எதிர்வரும் புதிய மாடல்களில் ஆட்டோமேடிக் வசதியும் இடம்பெறும் என்று நிறுவனம் தெரிவித்து உள்ளது.

வறுத்தெடுக்கும் வெயிலில் இந்த கருவி பலரிடம் சோதித்துப் பார்க்கப்பட்டது. அதில் இதை அணிந்திருந்தவர்கள் 13 டிகிரி வரையிலான குளிர்ச்சியை பெற்றனர். அதேபோல கடுங்குளிர் காலத்தில் உடலின் வெப்ப நிலையை 8 டிகிரி செல்சியஸ் வரை அதிகரிக்கவும் செய்யும். ரியோன் பாக்கெட் விலை ரூ.8,091 முதல் ரூ.12,067 வரை விற்பனையாகிறது.
Tags:    

Similar News