தொழில்நுட்பம்
ரியல்மி டீசர்

புதிய ஸ்மார்ட்போன் சீரிஸ் அறிமுகம் செய்யும் ரியல்மி

Published On 2019-08-22 11:42 GMT   |   Update On 2019-08-22 11:42 GMT
ரியல்மி பிராண்டு புதிய ஸ்மார்ட்போன் சீரிசை அறிமுகம் செய்ய இருக்கிறது. இதில் சக்திவாய்ந்த அம்சங்கள் வழங்கப்படுகிறது.



ரியல்மி பிராண்டின் ரியல்மி 5 மற்றும் ரியல்மி 5 ப்ரோ ஸ்மார்ட்போன்களை சமீபத்தில் அறிமுகம் செய்தது. இத்துடன் ரியல்மி எக்ஸ்.டி. ஸ்மார்ட்போனினை 64 எம்.பி. பிரைமரி கேமராவுடன் விரைவில் அறிமுகம் செய்ய இருப்பதாக தெரிவித்தது. 

அந்த வரிசையில் தற்சமயம் வெளியாகி இருக்கும் தகவல்களில் ரியல்மி பிராண்டு புதிய சீரிஸ் ஸ்மார்ட்போன்களை அடுத்த வாரம் அறிமுகம் செய்ய இருப்பதாக தெரிகிறது. இதனை உணர்த்தும் வகையில் ரியல்மி பிராண்டு மூத்த விளம்பர அதிகாரி சு கி டீசர் ஒன்றை வெளியிட்டிருக்கிறார்.

புதிய டீசரின் படி புதிய சீரிஸ் ஸ்மார்ட்போன்கள் சக்திவாய்ந்த அம்சங்களை கொண்டிருக்கும் என எதிர்பார்க்கப்படுகிறது. புதிய சீரிஸ் எந்த பெயரில் அறிமுகமாகும் என்பது பற்றி இதுவரை எவ்வித தகவலும் இல்லை. 

முன்னதாக குவால்காமின் அதிநவீன சிப்செட் கொண்ட ஸ்மார்ட்போன்களை ரியல்மி பிராண்டு அறிமுகம் செய்தது. இதுதவிர பிளாக் ஷார்க் மற்றும் நுபியா பிராண்டு ஏற்கனவே ஸ்னாப்டிராகன் 855 பிளஸ் பிராசஸர் கொண்ட ஸ்மார்ட்போன்களை அறிமுகம் செய்துவிட்டது.
Tags:    

Similar News