தொழில்நுட்பம்
5000 எம்.ஏ.ஹெச். பேட்டரி, நான்கு பிரைமரி கேமராவுடன் பட்ஜெட் விலையில் களமிறங்கும் ரியல்மி 5
ரியல்மி பிராண்டின் அதிகம் எதிர்பார்க்கப்படும் ரியல்மி 5 ஸ்மார்ட்போன் பட்ஜெட் விலையில் 5000 எம்.ஏ.ஹெச். பேட்டரி, நான்கு பிரைமரி கேமரா கொண்டிருக்கும் என தகவல் வெளியாகியுள்ளது.
ரியல்மி பிராண்டு இந்தியாவில் ரியல்மி 5 மற்றும் ரியல்மி 5 ப்ரோ ஸ்மார்ட்போன் மாடல்களை அறிமுகம் செய்ய இருக்கிறது. ஆகஸ்ட் 20 ஆம் தேதி அறிமுகமாக இருக்கும் நிலையில், ரியல்மி 5 ஸ்மார்ட்போனின் புதிய டீசர் ப்ளிப்கார்ட் தளத்தில் வெளியானது.
அதில் ரியல்மி 5 ஸ்மார்ட்போன் நான்கு கேமராவும், பிரைமரி கேமராவுடன் f/1.8 அப்ரேச்சர் மற்றும் 1.25μm பிக்சல், 119-டிகிரி அல்ட்ரா-வைடு லென்ஸ், சூப்பர் மேக்ரோ மற்றும் டெப்த் சென்சிங் போர்டிரெயிட் லென்ஸ் வழங்கப்படுகிறது. இத்துடன் ஸ்மார்ட்போனின் பின்புறம் கைரேகை சென்சார் வழங்கப்படுகிறது.
இதுவரை வெளியான ரியல்மி ஸ்மார்ட்போன்களிலேயே ரியல்மி 5 ஸ்மார்ட்போனிற்கு அதிக திறன் கொண்ட பேட்டரி வழங்கப்படும் என தெரிவிக்கப்பட்டுள்ளது. ரியல்மி 3 ஸ்மார்ட்போனில் 4230 எம்.ஏ.ஹெச். பேட்டரி வழங்கப்பட்டுள்ள நிலையில், ரியல்மி 5 ஸ்மார்ட்போனில் 5000 எம்.ஏ.ஹெச். பேட்டரி வழங்கப்படும் என தெரிகிறது.
மேலும் ரூ. 10,000 விலைக்குள் கிடைக்கும் நான்கு கேமரா கொண்ட முதல் ஸ்மார்ட்போன் மாடலாக ரியல்மி 5 இருக்கும் என ரியல்மி தலைமை செயல் அதிகாரி மாதவ் சேத் தெரிவித்தார்.
Some achievements on our technology journey
— Madhav '5'Quad (@MadhavSheth1) August 15, 2019
A. 1st to bring 48MP Quad camera smartphone in India
B. World’s 1st Quad camera smartphone under 10k 1st in India
C. Powerful Qualcomm chipset 1st time ever launching in India
All on 20th Aug #ProudIndian#HappyIndependenceDaypic.twitter.com/r9xDQt7PwM
இதுதவிர இந்தியாவில் வெளியாகும் ஸ்மார்ட்போன்களிலேயே புதிய ரியல்மி 5 சக்திவாய்ந்த குவால்காம் சிப்செட் கொண்டிருக்கும் என தெரிகிறது. அந்த வகையில் புதிய ரியல்மி ஸ்மார்ட்போனில் ஸ்னாப்டிராகன் 655 பிராசஸர், 4 ஜி.பி. ரேம், ஆண்ட்ராய்டு 9.0 பை இயங்குதளம் கொண்டிருக்கும் என எதிர்பார்க்கலாம்.
ரியல்மி 5 ஸ்மார்ட்போனுடன் அறிமுகமாகும் ரியல்மி 5 ப்ரோ மாடலில் ஸ்னாப்டிராகன் 712 பிராசஸர், VOOC ஃபிளாஷ் சார்ஜ் 3.0 ஃபாஸ்ட் சார்ஜிங் வசதி வழங்கப்படலாம் என கூறப்படுகிறது.