தொழில்நுட்பம்
ரியல்மி டீசர்

ரியல்மி 64 எம்.பி. குவாட் கேமரா ஸ்மார்ட்போன் வெளியீட்டு விவரம்

Published On 2019-08-09 05:41 GMT   |   Update On 2019-08-09 05:41 GMT
ரியல்மி பிராண்டின் 64 எம்.பி. குவாட் கேமரா ஸ்மார்ட்போனின் இந்திய வெளியீட்டு விவரங்களை தொடர்ந்து பார்ப்போம்.



ரியல்மியின் கேமரா இன்னோவேஷன் நிகழ்வில் 64 எம்.பி. கேமரா கொண்ட ரியல்மி ஸ்மார்ட்போன் இந்தியாவில் தீபாவளி பண்டிகைக்கு முன் அறிமுகம் செய்யப்படும் என தெரிவிக்கப்பட்டுள்ளது. இத்துடன் ரியல்மி சீரிசில் நான்கு கேமரா ஸ்மார்ட்போன் அறிமுகம் செய்யப்பட இருப்பதாகவும் அந்நிறுவனம் அறிவித்துள்ளது.

அந்த வகையில் ரியல்மி 5, ரியல்மி 5 ப்ரோ மற்றும் ரியல்மி எக்ஸ் ப்ரோ போன்ற மாடல்கள் புதிய வகை கேமராக்களுடன் அறிமுகம் செய்யப்படலாம் என எதிர்பார்க்கப்படுகிறது. குவாட் கேமரா அமைப்பில் சூப்பர் வைடு ஆங்கில், அல்ட்ரா மேக்ரோ, டெலிபோட்டோ லென்ஸ், எக்ஸ்பர்ட் மோட் மற்றும் பல்வேறு அம்சங்கள் வழங்கப்படலாம்.



ஏற்கனவே விற்பனையாகும் ரியல்மி ஸ்மார்ட்போன்களில் நைட் ஸ்கேப் மற்றும் குரோம் பூஸ்ட் போன்ற அம்சங்கள் வழங்கப்பட்டிருக்கின்றன. 64 எம்.பி. போனில் 1/72″ 0.8-மைக்ரோமீட்டர் (μm) பிக்சல் 64எம்.பி. ISOCELL பிரைட் GW1 சென்சார் வழங்கப்படுகிறது.

இதற்கென ரியல்மி பிராண்டு சாம்சங் நிறுவனத்துடன் இணைந்து பணியாற்றியதாக தெரிவித்தது. இதுதவிர ரெட்மி கே20 ப்ரோ ஸ்மார்ட்போனில் எடுக்கப்பட்ட புகைப்படங்களை 64 எம்.பி. கேமராவில் எடுக்கப்பட்ட புகைப்படங்களுடன் ஒப்பிட்டு எது சிறப்பாக இருக்கிறது என்பதையும் பதிவிட்டிருக்கிறது.



இதன் 64 எம்.பி. பிக்சல் மெர்ஜிங் டெட்ராசெல் தொழில்நுட்பத்தை பயன்படுத்தி குறைந்த வெளிச்சமுள்ள பகுதிகளிலும் 16 எம்.பி. தரத்தில் புகைப்படங்களை வழங்கும். சீரான வெளிச்சமுள்ள பகுதிகளில் இந்த தொழில்நுட்பம் நான்கு பிக்சல்கள் ஒன்றிணைக்கப்பட்டு புகைப்படங்கள் 64 எம்.பி. தரத்தில் வழங்கும்.

இத்துடன் புதிய கேமரா சென்சாரில் ரியல்-டைம் ஹெச்.டி.ஆர். மற்றும் அதிகபட்சம் 100 டெசிபல் சப்போர்ட் கொண்டிருக்கிறது. ரியல்மி இந்தியா தலைமை செயல் அதிகாரி முன்னதாக 64 எம்.பி. கேமரா போனில் எடுக்கப்பட்ட புகைப்படங்களை தனது ட்விட்டர் பக்கத்தில் பகிர்ந்து கொண்டிருந்தார்.

புதிய ஸ்மார்ட்போனின் விவரங்கள் வரும் நாட்களில் வெளியாகலாம் என எதிர்பார்க்கப்படுகிறது.
Tags:    

Similar News