சியோமியின் சிசி சீரிஸ் புதிய டீசர் வெளியீடு

சியோமி நிறுவனம் தனது சிசி9 ஸ்மார்ட்போனில் 32 எம்.பி. செல்ஃபி கேமரா, பின்புறம் 48 எம்.பி. பிரைமரி கேமரா வழங்கப்படும் என அதிகாரப்பூர்வமாக தெரிவித்துள்ளது. இத்துடன் இரு கேமராக்களிலும் எடுக்கப்பட்ட புகைப்படங்களையும் பகிர்ந்திருக்கிறது. 

சியோமியின் புதிய சிசி சீரிஸ் ஸ்மார்ட்போன்கள் ஜூலை 2 ஆம் தேதி அறிமுகமாக இருக்கிறது. இந்த ஸ்மார்ட்போன் லிட்டில் ஃபேரி என்ற குறியீட்டு பெயரில் உருவாக்கப்படுகிறது. இத்துடன் லிட்டில் பிரின்ஸ் என்ற பெயரில் மற்றொரு ஸ்மார்ட்போன் உருவாகி வருகிறது.

சியோமி சிசி9இ ஸ்மார்ட்போனின் விவரங்கள் கடந்த வாரம் TENAA வலைதளத்தில் லீக் ஆனது. இத்துடன் சிசி9 மெய்டு கஸ்டம் எடிஷன் ஸ்மார்ட்போனில் ஃப்ளிப் கேமரா வழங்கப்பட இருக்கிறது. புதிய சிசி சீரிஸ் ஸ்மார்ட்போனின் சிறிய வீடியோ ஒன்றையும் சியோமி தலைமை செயல் அதிகாரி பதிவிட்டிருந்தார்.

சியோமி மற்றும் மெய்டு நிறுவனங்கள் ஃப்ளிப் கேமரா போனினை உருவாக்கும் பணிகளில் ஈடுபட்டுள்ளன. அசுஸ் சென்ஃபோன் 6 போன்று கேமரா அமைப்பில் புதிய ஸ்மார்ட்போன் மூன்று கேமரா லென்ஸ் கொண்டிருக்கும் என கூறப்படுகிறது.

முன்னதாக M1904F3BC என்ற மாடல் நம்பர் கொண்ட சியோமி ஸ்மார்ட்போன் சீன வலைதளத்தில் லீக் ஆனது. இது புதிய Mi சிசி9இ ஸ்மார்ட்போனாக இருக்கும் என கூறப்படுகிறது. இந்த ஸ்மார்ட்போனில் 6.39 இன்ச் AMOLED எஃப்.ஹெச்.டி. பிளஸ் டாட் நாட்ச் ஸ்கிரீன், 4000 எம்.ஏ.ஹெச். பேட்டரி மற்றும் 18 வாட் ஃபாஸ்ட் சார்ஜிங் வசதி கொண்டிருக்கும் என தெரிகிறது.

புகைப்படங்களை எடுக்க 32 எம்.பி. செல்ஃபி கேமரா, 49 எம்.பி. ஏ.ஐ. கேமரா, அல்ட்ரா-வைடு சென்சார், டெலிபோட்டோ லென்ஸ் உள்ளிட்டவை வழங்கப்படுகிறது. இத்துடன் இன்-டிஸ்ப்ளே கைரேகை சென்சார் வழங்கப்படலாம் என தெரிகிறது.