ரூ.2000 விலை குறைக்கப்பட்ட போகோ எஃப்1

சியோமியின் போகோ பிராண்டு தனது எஃப்1 ஸ்மார்ட்போனினை கடந்த ஆண்டு ஆகஸ்டு மாதம் அறிமுகம் செய்தது. இந்தியாவில் ரூ.20,999 விலையில் அறிமுகம் செய்யப்பட்ட போகோ எஃப்1 ஸ்மார்ட்போனின் விலை பின்னர் குறைக்கப்பட்டு ரூ.19,999 விலையில் விற்பனை செய்யப்பட்டது.

தற்சமயம் போகோ எஃப்1 ஸ்மார்ட்போனின் 6 ஜி.பி. ரேம், 64 ஜி.பி. மெமரி மாடல் விலை ரூ.2000 குறைக்கப்பட்டு தற்சமயம் ரூ.17,999 விலையில் விற்பனை செய்யப்படுகிறது. இந்த விலை குறைப்பு தற்காலிகமானது தான் என்றும் ஜூன் 9 ஆம் தேதி வரை குறைந்த விலையில் போகோ எஃப்1 ஸ்மார்ட்போனை பயனர்கள் வாங்கிட முடியும்.

போகோ எஃப்1 ஸ்மார்ட்போனின் மற்ற மாடல்களின் விலை குறைக்கப்படவில்லை. சியோமி நிறுவனம் தனது ரெட்மி 20 மற்றும் ரெட்மி 20 ப்ரோ ஸ்மார்ட்போன்களை இந்தியாவில் அடுத்த மாதம் அறிமுகம் செய்ய இருக்கிறது. அந்த வகையில் சியோமியின் போகோ எஃப்2 ஸ்மார்ட்போன் இந்த ஆண்டின் மூன்றாவது காலாண்டில் அறிமுகம் செய்யப்படலாம் என கூறப்படுகிறது.