தொழில்நுட்பம்
நான்கு கேமரா சென்சார் கொண்ட ரெட்மி நோட் 6 ப்ரோ இந்தியாவில் அறிமுகம்
சியோமி நிறுவனத்தின் நான்கு கேமரா சென்சார் கொண்ட முதல் ஸ்மார்ட்போன் மாடலாக ரெட்மி நோட் 6 ப்ரோ இந்தியாவில் அறிமுகம் செய்யப்பட்டது. #RedmiNote6Pro #Xiaomi
இந்தியாவில் அதிகம் விற்பனையாகும் டூயல் கேமரா ஸ்மார்ட்போன் மாடலாக இருக்கும் ரெட்மி நோட் 5 ப்ரோ மாடலின் மேம்படுத்தப்பட்ட ஸ்மார்ட்போனாக ரெட்மி நோட் 6 ப்ரோ ஸ்மார்ட்போன் இந்தியாவில் அறிமுகம் செய்யப்பட்டது.
புதிய ரெட்மி நோட் 6 ப்ரோ மாடலில் 6.28 இன்ச் ஃபுல் ஹெச்.டி. பிளஸ் ஸ்கிரீன், நாட்ச், 19:9 ரக டிஸ்ப்ளே, டூயல் பிரைமரி மற்றும் டூயல் செல்ஃபி கேமரா யூனிட் வழங்கப்பட்டுள்ளது. இத்துடன் இரண்டு கேமரா யூனிட்களிலும் ஏ.ஐ. அம்சங்கள் வழங்கப்பட்டுள்ளது. இத்துடன் ஏ.ஐ. ஃபேஸ் அன்லாக் வசதி வழங்கப்பட்டுள்ளது.
ரெட்மி நோட் 6 ப்ரோ ஸ்மார்ட்போன் சியோமி இந்தியாவின் நான்கு கேமரா சென்சார் கொண்ட முதல் ஸ்மார்ட்போன் மாடலாக அமைந்துள்ளது. அதன்படி 12 எம்.பி. + 5 எம்.பி. டூயல் பிரைமரி கேமரா செட்டப், புகைப்படங்களை அழகாக்கும் விசேஷ ஏ.ஐ. அம்சங்கள் வழங்கப்பட்டுள்ளது. செல்ஃபிக்களை எடுக்க 20 எம்.பி. + 2 எம்.பி. டூயல் செல்ஃபி கேமரா சென்சார், 1.8μm பிக்சல் சென்சார்
கொண்டிருக்கிறது.
சியோமி ரெட்மி நோட் 6 ப்ரோ சிறப்பம்சங்கள்:
- 6.26 இன்ச் 2280x1080 பிக்சல் ஃபுல் ஹெச்.டி. பிளஸ் 19:9 2.5D வளைந்த கிளாஸ் டிஸ்ப்ளே
- 1.8 ஜிகாஹெர்ட்ஸ் ஆக்டா-கோர் ஸ்னாப்டிராகன் 636 14nm பிராசஸர்
- அட்ரினோ 509 GPU
- 4 ஜிபி ரேம்
- 64 ஜிபி மெமரி
- மெமரியை கூடுதலாக நீட்டிக்கும் வசதி
- ஆன்ட்ராய்டு 8.1 ஓரியோ மற்றும் MIUI
- ஹைப்ரிட் டூயல் சிம்
- 12 எம்.பி. பிரைமரி கேமரா, டூயல்-டோன் எல்.இ.டி. ஃபிளாஷ், f/1.9, 1.4μm பிக்சல், டூயல் பிடி ஃபோக்கஸ், EIS
- 5 எம்.பி. இரண்டாவது பிரைமரி கேமரா
- 20 எம்.பி. செல்ஃபி கேமரா, சோனி IMX376 சென்சார், f/2.0, 1.8μm
- 2 எம்.பி. இரண்டாவது பிரைமரி கேமரா
- கைரேகை சென்சார், இன்ஃப்ராரெட் சென்சார்
- டூயல் 4ஜி வோல்ட்இ, வைபை, ப்ளூடூத்
- 4000 எம்.ஏ.ஹெச். பேட்டரி
சியோமி ரெட்மி நோட் 6 ப்ரோ பிளாக், புளு மற்றும் ரோஸ் கோல்டு நிறங்களில் கிடைக்கிறது. இதன் 4ஜி.பி. ரேம், 64 ஜி.பி. மெமரி விலை ரூ.13,999 என்றும் 6 ஜி.பி. ரேம், 64 ஜி.பி. மெமரி வேரியன்ட் விலை ரூ.15,999 என நிர்ணயம் செய்யப்பட்டுள்ளது.
புதிய ரெட்மி நோட் 6 ப்ரோ ஸ்மார்ட்போன் சியோமியின் அதிகாரப்பூர்வ வலைதளம், பிளிப்கார்ட் தளங்களில் நாளை (நவம்பர் 23) மதியம் 12.00 மணிக்கு நடைபெற இருக்கிறது.
அறிமுக சலுகைகள்:
புதிய ரெட்மி நோட் 6 ப்ரோ ஸ்மார்ட்போன் பிளாக் ஃபிரைடே சிறப்பு விற்பனையில் 4ஜி.பி. ரேம், 64 ஜி.பி. மெமரி வேரியன்ட் விலை ரூ.12,999 என்றும், 6 ஜி.பி. ரேம், 64 ஜி.பி. மெமரி வேரியன்ட் ரூ.14,999 விலையில் விற்பனை செய்யப்படுகிறது.
இத்துடன் தேர்வு செய்யப்பட்ட வங்கி கார்டுகளை கொண்டு பணம் செலுத்தும் போது கூடுதலாக ரூ.5,00 வரை தள்ளுபடி வழங்கப்படுகிறது. ரிலையன்ஸ் ஜியோ சேவையை பயன்படுத்துவோருக்கு ரூ.2,400 வரை உடனடி தள்ளுபடி மற்றும் அதிகபட்சம் 6000 ஜி.பி. அதிவேக 4ஜி டேட்டா வழங்கப்படுகிறது.