தொழில்நுட்பம்
மூன்று கேமரா கொண்ட சாம்சங் ஸ்மார்ட்போன் இந்தியாவில் அறிமுகம்
சாம்சங் நிறுவனம் மூன்று கேமரா கொண்ட கேலக்ஸி ஸ்மார்ட்போனினை இந்தியாவில் அறிமுகம் செய்துள்ளது. #GalaxyA7
சாம்சங் நிறுவனம் கேலக்ஸி ஏ7 ஸ்மார்ட்போனினை இந்தியாவில் அறிமுகம் செய்துள்ளது. முன்னதாக ஐரோப்பிய சந்தையில் அறிமுகமான கேலக்ஸி ஏ7 ஸ்மார்ட்போன் தற்சமயம் இந்திய சந்தையில் அதிகாரப்பூர்வமாக அறிமுகம் செய்யப்பட்டுள்ளது.
புதிய கேலக்ஸி ஸ்மார்ட்போனில் சாம்சங் நிறுவனம் மூன்று பிரைமரி கேமரா சென்சார்களை வழங்கி இருக்கிறது. 24 எம்.பி. பிரைமரி சென்சார், f/1.7 அப்ரேச்சர், 8 எம்.பி. இரண்டாவது பிரைமரி கேமரா, 120 டிகிரி வைடு லென்ஸ், 5 எம்.பி. மூன்றாவது கேமரா லென்ஸ் வழங்கப்பட்டுள்ளது. செல்ஃபிக்களை எடுக்க 24 எம்.பி. கேமரா, எல்.இ.டி. ஃபிளாஷ் வழங்கப்பட்டுள்ளது.
இத்துடன் செல்ஃபி ஃபோக்கஸ், ப்ரோ லைட்டிங் மோட் மற்றும் ஏ.ஆர். எமோஜி உள்ளிட்டவை வழங்கப்பட்டுள்ளது. மெட்டல் ஃபிரேம் மற்றும் கிளாஸ் பேக் கொண்டிருக்கும் கேலக்ஸி ஏ7 ஸ்மார்ட்போனில் 6.0 இன்ச் ஃபுல் ஹெச்.டி. பிளஸ் சூப்பர் AMOLED ஸ்கிரீன், 2.2 ஜிகாஹெர்ட்ஸ் ஆக்டா-கோர் பிராசஸர், பக்கவாட்டில் கைரேகை சென்சார் வழங்கப்பட்டுள்ளது.
சாம்சங் கேலக்ஸி ஏ7 (2018) சிறப்பம்சங்கள்:
- 6.0 இன்ச் 1080x2220 பிக்சல் ஃபுல் ஹெச்.டி. பிளஸ் சூப்பர் AMOLED இன்ஃபினிட்டி டிஸ்ப்ளே
- 2.2 ஜிகாஹெர்ட்ஸ் ஆக்டா-கோர் எக்சைனோஸ் 7885 14nm பிராசஸர்
- 4 ஜிபி ரேம், 64 ஜிபி / 128 ஜிபி மெமரி
- 6 ஜிபி ரேம், 128 ஜிபி மெமரி
- மெமரியை நீட்டிக்கும் வசதி
- ஆன்ட்ராய்டு 8.0 ஓரியோ
- டூயல் சிம் ஸ்லாட்
- 24 எம்.பி. பிரைமரி கேமரா, எல்.இ.டி. ஃபிளாஷ், f/1.7
- 8 எம்.பி. 120° அல்ட்ரா வைடு கேமரா
- 5 எம்.பி. மூன்றாவது கேமரா, f/2.2, டெப்த் கேமரா
- 24 எம்.பி. செல்ஃபி கேமரா, f/2.0
- பக்கவாட்டில் கைரேகை சென்சார்
- டால்பி அட்மோஸ்
- 4ஜி வோல்ட்இ, வைபை, ப்ளூடூத்
- 3300 எம்.ஏ.ஹெச். பேட்டரி
- அடாப்டிவ் ஃபாஸ்ட் சார்ஜிங்
சாம்சங் கேலக்ஸி ஏ7 (2018) ஸ்மார்ட்போன் புளு, பிளாக், கோல்டு மற்றும் பின்க் நிறங்களில் கிடைக்கிறது. சாம்சங் கேலக்ஸி ஏ7 (2018) 4 ஜிபி ரேம், 64 ஜிபி மெமரி மாடலின் விலை ரூ.23,990 என்றும், 6 ஜிபி ரேம், 128 ஜிபி மெமரி மாடல் விலை ரூ.28,990 என நிர்ணயம் செய்யப்பட்டுள்ளது.
இந்தியாவில் சாம்சங் கேலக்ஸி ஏ7 (2018) ஸ்மார்ட்போன் பிளிப்கார்ட் தளத்தில் மட்டும் பிரத்யேகமாக விற்பனை செய்யப்பட இருக்கிறது. ஆன்லைன் விற்பனை செப்டம்பர் 26 மற்றும் 27 தினங்களில் துவங்க இருக்கும் நிலையில், ஆஃப்லைன் விற்பனை மையங்களில் செப்டம்பர் 29-ம் தேதி விற்பனை செய்யப்பட இருக்கிறது. #GalaxyA7 #Smartphones