தொழில்நுட்பம்
டூயல் செல்ஃபி கேமரா கொண்ட விலை குறைந்த ஸ்மார்ட்போன் இந்தியாவில் அறிமுகம்
இன்டெக்ஸ் நிறுவனத்தின் புதிய ஸ்மார்ட்போன் இந்தியாவில் அறிமுகம் செய்யப்பட்டுள்ளது. குறைந்த விலையில் கிடைக்கும் இந்த ஸ்மார்ட்போனில் டூயல் செல்ஃபி கேமரா வழங்கப்பட்டுள்ளது. #smartphone
இந்திய ஸ்மார்ட்போன் நிறுவனமான இன்டெக்ஸ் இந்தியாவில் ஸ்டார்ஐ 11 என்ற பெயரில் புதிய ஸ்மார்ட்போனினை இந்தியாவில் அறிமுகம் செய்துள்ளது.
குறைந்த விலையில் அறிமுகம் செய்யப்பட்டு இருக்கும் புதிய ஸ்மார்ட்போனில் இன்டெக்ஸ் இரண்டு செல்ஃபி கேமராக்களை வழங்கி இருக்கிறது. அதன்படி இன்டெக்ஸ் ஸ்டார்ஐ 11 மாடலில் 8 எம்.பி. மற்றும் 2 எம்.பி. செல்ஃபி கேமரா யூனிட் வழங்கப்பட்டுள்ளது. பின்புறம் 8 எம்.பி. பிரைமரி கேமரா வழங்கப்பட்டுள்ளது. இரண்டு கேமரா யூனிட்களிலும் எல்.இ.டி. ஃபிளாஷ் யூனிட் வழங்கப்பட்டுள்ளது.
இன்டெக்ஸ் ஸ்டார்ஐ 11 ஸ்மார்ட்போனில் 5.0 இன்ச் ஹெச்.டி. 2.5D வளைந்த கிளாஸ் டிஸ்ப்ளே, 1.3 ஜிகாஹெர்ட்ஸ் குவாட்-கோர் பிராசஸர், 2 ஜிபி ரேம் மற்றும் 2400 எம்.ஏ.ஹெச். பேட்டரி மூலம் சக்தியூட்டப்படுகிறது.
இன்டெக்ஸ் ஸ்டார்ஐ 11 சிறப்பம்சங்கள்
- 5.0 இன்ச் 1280x720 பிக்சல் ஹெச்.டி. டிஸ்ப்ளே
- 1.3 ஜிகாஹெர்ட்ஸ் குவாட்-கோர் பிராசஸர்
- 2 ஜிபி ரேம்
- 16 ஜிபி மெமரி
- மெமரியை கூடுதலாக நீட்டிக்கும் வசதி
- ஆன்ட்ராய்டு 7.1 நௌக்கட் இயங்குதளம்
- டூயல் சிம் ஸ்லாட்
- 8 எம்.பி. பிரைமரி கேமரா, எல்.இ.டி. ஃபிளாஷ்
- 8 எம்.பி. + 2 எம்.பி. செல்ஃபி கேமரா, எல்.இ.டி. ஃபிளாஷ்
- 3.5 எம்.எம். ஆடியோ ஜாக், எஃப்.எம். ரேடியோ
- 4ஜி வோல்ட்இ, வைபை, ப்ளூடூத்
- 2400 எம்.ஏ.ஹெச். பேட்டரி
இன்டெக்ஸ் ஸ்டார்ஐ 11 ஸ்மார்ட்போன் ஷேம்பெயின் மற்றும் பிளாக் நிறங்களில் கிடைக்கிறது. இந்தியாவில் ஸ்னாப்டீல் தளத்தில் மட்டும் பிரத்யேகமாக விற்பனை செய்யப்படும் ஸ்டார்ஐ 11 மாடலின் விலை ரூ.4,499 என நிர்ணயம் செய்யப்பட்டுள்ளது.