அசத்தல் சலுகைகளுடன் நத்திங் போன் 2 முன்பதிவு விரைவில் துவக்கம்!

நத்திங் நிறுவனம் ஜூலை 11-ம் தேதி தனது நத்திங் போன் 2 மாடலை அறிமுகம் செய்ய இருக்கிறது. இந்த நிலையில், புதிய நத்திங் போன் 2 மாடலுக்கான முன்பதிவு ஜூன் 29-ம் தேதி மதியம் 12 மணிக்கு துவங்கும் என்று நத்திங் நிறுவனம் அறிவித்து இருக்கிறது. மேலும் புதிய ஸ்மார்ட்போனை முன்பதிவு செய்வோருக்கு அசத்தல் சலுகைகள் அறிவிக்கப்பட்டு உள்ளன.

முன்பதிவு சலுகை விவரங்கள்:

நத்திங் இயர் ஸ்டிக் மாடலின் ஸ்டாக் இருக்கும் வரை 50 சதவீதம் தள்ளுபடி

நத்திங் அக்சஸரீ பேக்கேஜுக்கு 50 சதவீதம் தள்ளுபடி

முன்னணி வங்கிகள் வழங்கும் உடனடி கேஷ்பேக் பலன்கள்

புதிய நத்திங் போன் 2 மாடலுக்கான முன்பதிவு ப்ளிப்கார்ட் வலைதளத்தில் ஜூன் 29-ம் தேதி மதியம் 12 மணிக்கு துவங்க இருக்கிறது. இந்த ஸ்மார்ட்போனை வாங்குவதற்கு ரூ. 2 ஆயிரம் முன்பதிவு கட்டணமாக செலுத்த வேண்டும்.

ஜூலை 11-ம் தேதி இரவு 9 மணியில் இருந்து ஜூலை 20 நள்ளிரவு 11.59 மணிக்குள் மீண்டும் ப்ளிப்கார்ட் வலைதளத்தில் வேரியண்டை தேர்வு செய்ய வேண்டும். ஸ்மார்ட்போனிற்கான மீதித் தொகையை செலுத்தி முன்பதிவு சலுகைகளை பெற்றுக் கொள்ள முடியும்.

விற்பனை துவங்கிய பிறகு நத்திங் போன் 2 மாடலை வாங்கிக் கொள்ளலாம். இந்தியாவில் நத்திங் போன் 2 மாடலின் விற்பனை ஜூலை 21-ம் தேதி துவங்க இருக்கிறது. கடந்த ஆண்டு இதே நாளில் நத்திங் போன் 1 விற்பனை துவங்கியது குறிப்பிடத்தக்கது.