அறிந்து கொள்ளுங்கள்

ஆப்பிளின் முதல் ஐபோனில் 'கட், காபி, பேஸ்ட்' அம்சம் இடம்பெறாதது ஏன்? - 15 ஆண்டுகளுக்கு பின் வெளிவந்த ரகசியம்

Update: 2022-06-22 07:44 GMT
  • ஒரிஜினல் ஐபோன் ஒரு புரட்சிகரமான சாதனமாக இருந்தாலும், அதில் கட், காபி, பேஸ்ட் செய்யும் அம்சம் இடம்பெறவில்லை.
  • முதல் ஐபோன் வெளியானதிலிருந்து, ஒவ்வொரு ஆண்டும் மிகவும் புதுமையான கைபேசிகள் வெளிவந்த வண்ணம் உள்ளன.

ஸ்டீவ் ஜாப்ஸ் ஆப்பிள் நிறுவனத்தின் ஒரிஜினல் ஐபோனை கடந்த 2007-ம் ஆண்டு வெளியிட்டார். அது வெளியாகி கிட்டத்தட்ட 15 ஆண்டுகள் ஆகிறது. அந்த சாதனம் தான் நவீன ஸ்மார்ட்போன் கான்செப்டின் துவக்கமாக இருந்தது என்றே கூறலாம். முதல் ஐபோன் வெளியானதிலிருந்து, ஒவ்வொரு ஆண்டும் மிகவும் புதுமையான கைபேசியை உருவாக்க தொழில்நுட்ப நிறுவனங்கள் ஒன்றுக்கொன்று போட்டி போட்டு வருகின்றன.


ஒரிஜினல் ஐபோன் ஒரு புரட்சிகரமான சாதனமாக இருந்தாலும், அதில் கட், காபி, பேஸ்ட் செய்யும் அம்சம் இடம்பெறவில்லை. ஆப்பிளின் முதல் ஐபோன் உருவாக்கத்தில் பணியாற்றிய கென் கொசிண்டா என்கிற பொறியாளர், அதற்கான உண்மை காரணத்தை தற்போது 15 ஆண்டுகள் கழித்து வெளியிட்டுள்ளார்.

இதுகுறித்து அவர் டுவிட்டரில் தெரிவித்துள்ளதாவது: "முதல் ஐபோனை உருவாக்கும் போது கட், காபி, பேஸ்ட் செய்யும் அம்சங்களை அதில் புகுத்த எங்களுக்கு போதுமான நேரம் இல்லை. ஐபோனின் கீபோர்டு, ஆட்டோகரெக்‌ஷன் மற்றும் டெக்ஸ்ட் சிஸ்டத்தில் வேலை செய்வதில் மிகவும் பிஸியாக இருந்தோம். வடிவமைப்பு குழுவிற்கு கூட அதை செயல்படுத்த நேரம் இல்லை, அதனால்தான் இந்த அம்சம் ஆப்பிளின் முதல் ஐபோனில் இடம்பெறவில்லை. பின்னரே அது அறிமுகப்படுத்தப்பட்டது" என அவர் கூறியுள்ளார்.

Tags:    

Similar News