தொழில்நுட்பம்
ஜெப்ரானிக்ஸ் ஜூக் பார் 9000 ப்ரோ

டால்பி டிஜிட்டல் பிளஸ் வசதி கொண்ட ஜெப்ரானிக்ஸ் சவுண்ட் பார் அறிமுகம்

Published On 2020-01-30 10:57 GMT   |   Update On 2020-01-30 10:57 GMT
ஜெப்ரானிக்ஸ் நிறுவனத்தின் புதிய சவுண்ட் பார் இந்திய சந்தையில் அறிமுகம் செய்யப்பட்டது. இதன் விலை மற்றும் விவரங்களை பார்ப்போம்.



உங்களுடைய பொழுதுப்போக்கு அனுபவத்தை திரையரங்கு ஒலி அனுபவமாக மேம்படுத்தும் நோக்கில் ஜெப்ரானிக்ஸ் ஜூக் பார் 9000 ப்ரோ சவுண்ட் பார் சாதனத்தை ஜெப்ரானிக்ஸ் நிறுவனம் இந்தியாவில் அறிமுகம் செய்துள்ளது.

குறுகிய இடத்தில் அடங்கும் வகையிலும் நேர்த்தியாகவும் வடிவமைக்கப்பட்டுள்ள ஜூக் பார் 9000 ப்ரோ திரைப்படங்கள், இசை அல்லது எவ்விதமான பொழுதுபோக்கு அம்சங்களாக இருந்தாலும் நம்பகத்தன்மை வாய்ந்த 120 RMS அவுட்புட் திறனுடன் திரையரங்கம் போன்ற ஒலிசூழ் அனுபவத்தை வீட்டிலேயே வழங்கும்.
     
புதிய சவுண்ட் பார் டால்பி டிஜிட்டல் பிளஸ் சான்றிதழ் கொண்டிருப்பதால் ஒலியின் துல்லியம் ஒவ்வொரு காட்சியையும் உயிர்ப்புடன் மாற்றும். இதன் சுவரில் மாட்ட இயலும் வடிவமைப்பு அதிநவீன ஒலி நுட்பத்துடன் பொழுதுபோக்கை இனிமையாக்கும் திறன் கொண்டிருக்கிறது.



இந்த சவுண்ட்பாரில் HDMI(ARC) மற்றும் ஆப்டிகல் உள்ளீட்டு வசதி மற்றும் வயர்லெஸ் BT, USB/AUX/ HDMI போன்றவை உள்ளன. சத்தம் மற்றும் மீடியா கட்டுப்பாட்டு இயக்கிகளைக் கொண்ட LED திரையும் ரிமோட் வசதியும் இதன் ஸ்பீக்கர்களில் உள்ளது.

இதைத் தவிர, வயர்லெஸ் சப்-வூஃபர்கள் கொண்ட 80W RMS அவுட்புட் திறன் வழங்கும் ஜெப் ஜூக் பார் 4000, 120W RMS அவுட்புட் திறன் கொண்ட ஜெப் ஜூக் பார் 5000 ப்ரோ மற்றும் 160W RMS அவுட்புட் திறன் கொண்ட ஜெப் ஜூக் பார் 6000 DWS PRO போன்ற சவுண்ட்பார் மாடல்களையும் அறிமுகப்படுத்தி இருக்கிறது.

புதிய ஜெப் ஜூக் பார் 9000 ப்ரோ விலை ரூ. 26,999 என நிர்ணயம் செய்யப்பட்டுள்ளது. இந்த சவுண்ட் பார் இந்தியாவின் அனைத்து முன்னணி சில்லறை விற்பனை மையங்களில் விற்பனை செய்யப்படுகிறது.
Tags:    

Similar News