கணினி

ரூ. 10 ஆயிரம் பட்ஜெட்டில் புது ஸ்மார்ட் டிவி அறிமுகம் - மோட்டோரோலா அதிரடி

Published On 2022-09-26 04:29 GMT | Update On 2022-09-26 04:29 GMT

மோட்டோரோலா நிறுவனத்தின் புதிய ஸ்மார்ட் டிவி மாடல்கள் இந்திய சந்தையில் அறிமுகம் செய்யப்பட்டு உள்ளன.
இவற்றில் போட் நிறுவனத்தின் சவுண்ட் சிஸ்டம் வழங்கப்பட்டு இருக்கிறது.

மோட்டோரோலா நிறுவனம் இந்திய சந்தையில் ரெவோ2 சீரிசில் ஸ்மார்ட் டிவி மாடல்களை அறிமுகம் செய்து இருக்கிறது. இவை சவுண்ட் பை போட் அம்சம் கொண்டுள்ளன. ப்ளிப்கார்ட் பிக் பில்லியன் டேஸ் மற்றும் பண்டிகை கால சிறப்பு விற்பனையின் அங்கமாக அறிமுகமாகி இருக்கிறது.

ஆண்ட்ராய்டு 11 ஒஎஸ் கொண்டிருக்கும் மோட்டோரோலா ரெவோ2 ஸ்மார்ட் டிவிக்கள் 32 இன்ச் HD, 40 இன்ச் மற்றும் 43 இன்ச் FHD, 43 இன்ச் UHD வேரியண்ட்களில் கிடைக்கின்றன. இந்த ஸ்மார்ட் டிவிக்களில் மீடியாடெக் குவாட் கோர் பிராசஸர் மற்றும் 2 ஜிபி ரேம் வழங்கப்பட்டு உள்ளன. இத்துடன் டால்பி விஷன், HDR10 சப்போர்ட் வழங்கப்பட்டு இருக்கிறது.

இவை தவிர ஆட்டோ லோ லேடன்சி மோட், மோஷன் எஸ்டிமேஷன் மற்றும் மோஷன் கம்பன்சேஷன், 4K மாடல்களில் லோ புளூ லைட் அம்சம் உள்ளிட்டவை வழங்கப்பட்டு இருக்கிறது. HD மற்றும் FHD டிவிக்களில் 24 வாட் ஸ்பீக்கர்கள், டால்பி ஆடியோ, UHD மாடலில் டால்பி அட்மோஸ் வசதி உள்ளது. இவை தலைசிறந்த ஆடியோ அனுபவத்தை வழங்குகின்றன. இத்துடன் போட் ஆப்டிமைஸ் செய்த சவுண்ட் கொண்டுள்ளன.

விலை மற்றும் விற்பனை விவரங்கள்:

மோட்டோரோலா ரெவோ2 32 இன்ச் HD டிவி விலை ரூ. 10 ஆயிரத்து 999 என்றும், 40 இன்ச் மற்றும் 43 இன்ச் FHD டிவி மாடல்கள் விலை முறையே ரூ. 16 ஆயிரத்து 999, ரூ. 19 ஆயிரத்து 999 என நிர்ணயம் செய்யப்பட்டு உள்ளன. 43 இன்ச் 4K UHD டிவி விலை ரூ. 22 ஆயிரத்து 999 என நிர்ணயம் செய்யப்பட்டு உள்ளது. புதிய மோட்டோரோலா ரெவோ2 ஸ்மார்ட் டிவி விற்பனை ப்ளிப்கார்ட் தளத்தில் நடைபெற்று வருகிறது.