மாட்ரிட் ஓபன் டென்னிஸ்: முதல் சுற்றில் ஸ்வியாடெக், ஆண்ட்ரீவா வெற்றி

மாட்ரிட்:

மாட்ரிட் ஓபன் டென்னிஸ் தொடர் ஸ்பெயினில் நடைபெற்று வருகிறது. இதில் முன்னணி வீரர், வீராங்கனைகள் பங்கேற்று விளையாடி வருகின்றனர்.

பெண்கள் ஒற்றையர் பிரிவில் போலந்தின் இகா ஸ்வியாடெக், பிலிப்பைன்சின் அலெக்சாண்ட்ரா ஈலா உடன் மோதினார்.

இதில் முதல் செட்டை 4-6 என இழந்த இகா ஸ்வியாடெக் சுதாரித்துக் கொண்டு அடுத்த இரு செட்களை 6-4, 6-2 என்ற செட் கணக்கில் வென்று அடுத்த சுற்றுக்கு முன்னேறினார்.

மற்றொரு போட்டியில் ரஷிய வீராங்கனை மிர்ரா ஆண்ட்ரீவா 6-3, 6-4 என்ற செட்கணக்கில் செக் வீராங்கனை மேரி பவுஸ்கோவாவை வீழ்த்தி அடுத்த சுற்றுக்கு முன்னேறினார்.