மகாராஷ்டிரா அரசு சார்பில் ரத்தன் டாடா உடலுக்கு அரசு மரியாதை..

ரத்தன் டாடாவின் மறைவு குறித்து ம.தி.மு.க., பொதுச்செயலாளர் வைகோ கூறுகையில், "இந்தியாவின் தொழில் வளர்ச்சியின் மகத்தான முன்னோடி ரத்தன் டாடா. நாட்டின் மிகப்பெரிய சொத்தாக, வளர்ச்சி மற்றும் வளர்ச்சிக்கு பல வழிகளில் பங்களித்தவர் என்று கூறினார்.

ரத்தன் டாடாவின் மறைவு நாட்டிற்கு மிகப்பெரிய இழப்பு என்று மகாராஷ்டிரா சட்டமன்ற எதிர்க்கட்சி தலைவர் விஜய் வதேட்டிவார் கூறியுள்ளார்.

மகாராஷ்டிரா அமைச்சரவையில் மறைந்த தொழில் அதிபர் ரத்தன் டாடாவுக்கு இரங்கல் தெரிவிக்கப்பட்டது. மேலும் ரத்தன் டாடாவுக்கு பாரத ரத்னா விருது வழங்க பரிந்துரை செய்ய முடிவு செய்யப்பட்டுள்ளது.

ரத்தன் டாடா உடலுக்கு மகாராஷ்டிர அமைச்சர் உதய் சமந்த் அஞ்சலி செலுத்தினார்.

மறைந்த தொழிலதிபர் ரத்தன் டாடா உடலுக்கு அஞ்சலி செலுத்தினார் ராஜ் தாக்கரே.

ரத்தன் டாடா மறைவுக்கு பா.ஜ.க. மூத்த தலைவர் எல்.கே. அத்வானி இரங்கல் தெரிவித்துள்ளார்.

தொழிலதிபர் ரத்தன் டாடாவின் மறைவு குறித்து, குஜராத் முதல்வர் பூபேந்திர படேல், "இந்த இழப்பை ஈடு செய்ய முடியாது. நாடு அவரை எப்போதும் மிஸ் செய்யும். அவருக்கு எனது அஞ்சலியை செலுத்துகிறேன்" என்று கூறியுள்ளார்.

ரத்தன் டாடாவின் மறைவு குறித்து ஷைனா என்சி கூறுகையில், "ரத்தன் டாடா ஜி இந்தியாவின் ரத்தினம். மக்களுக்குத் தெரியாத மூன்று அம்சங்கள் உள்ளன. முதலில் அவரது எளிமை, இரண்டாவது அவரது பெருந்தன்மை, மூன்றாவது அவரது கருணை என்று கூறினார்.

டெல்லியில் நடைபெற்ற நிகழ்ச்சி ஒன்றில் பேசிய மத்திய உள்துறை அமைச்சர் அமித்ஷா, தொழிலதிபர் ரத்தன் டாடாவை நினைவு கூர்ந்தார்.

தொழிலதிபர் ரத்தன் டாடாவுக்கு ரிசர்வ் வங்கி ஆளுநர் சக்திகாந்த தாஸ் இறுதி அஞ்சலி செலுத்தினார்