காங்கிரஸ் வேட்பாளர் பட்டியல் நாளை வெளியாகிறது

சென்னை:

தி.மு.க. கூட்டணியில் காங்கிரசுக்கு தமிழ்நாட்டில் 9 பாராளுமன்ற தொகுதியும், புதுச்சேரியும் ஒதுக்கப்பட்டுள்ளது.

காங்கிரஸ் போட்டியிட இருக்கும் திருவள்ளூர், ஆரணி, தேனி, கிருஷ்ணகிரி, சிவகங்கை, கரூர், விருதுநகர், திருச்சி, கன்னியாகுமரி தொகுதியில் போட்டியிட ஏராளமானோர் விருப்ப மனு கொடுத்துள்ளனர்.

இந்த தொகுதிகளுக்கான வேட்பாளர் பட்டியலில் இடம் பிடிக்க கடும் போட்டி நிலவுகிறது. போட்டியிட விரும்புவோர் டெல்லியில் முகாமிட்டுள்ளனர். வேட்பாளர்கள் பட்டியலை காங்கிரஸ் தலைவர் ராகுல் காந்தி பரிசீலனை செய்து வருகிறார்.

தமிழ்நாட்டில் போட்டியிடும் காங்கிரஸ் வேட்பாளர்களின் இறுதி பட்டியலை அகில இந்திய காங்கிரஸ் மத்திய தேர்வு குழு தயாரித்துள்ளது. இந்த பட்டியல் ராகுல்காந்தி ஒப்புதலுடன் நாளை வெளியாகும் என்று கட்சி வட்டாரங்கள் தெரிவித்தன.

இந்த பட்டியலில் காங்கிரஸ் முன்னாள் தலைவர் இளங்கோவன் உள்ளிட்ட முக்கிய பிரமுகர்கள் பெயரும் இடம் பெறும் என்று கட்சியின் முக்கிய நிர்வாகி தெரிவித்தார். #LSPolls #congress #RahulGandhi