மணப்பாடு பள்ளி மாணவர்கள் சாதனை

உடன்குடி:

திருச்செந்தூர் வட்டார அளவில் நடைபெற்ற விளையாட்டு போட்டிகளில் மணப்பாடு புனித வளனார் மேல்நிலைப்பள்ளி மாணவர்கள் கலந்து கொண்டு ஆண்களுக்கான கைப்பந்து போட்டியில் முதல் இடத்தையும், எரிபந்து போட்டியில் 2-ம் இடத்தையும் பெற்றனர். தனிநபர்களுக்கான நீளம் தாண்டுதல் போட்டியில் மாணவன் அண்டன் பிரபாகரன் முதல் இடத்தையும், கோலுன்றித் தாண்டுதல் போட்டியில் ஆலன் ஷெல்லி முதல் இடத்தையும், அண்டன் பிரபாகரன் 2ம் இடத்தையும் பெற்றனர்.

குண்டு எரிதல் போட்டியில் கரோஸ் 3-ம் இடத்தையும். மாணவர் ஜெபிசன் உயரம் தாண்டுதல், கோலூன்றி தாண்டுதல் போட்டிகளில் 3-ம் இடத்தையும் கஜுல் மும்முறை தாண்டுதல் போட்டியில் 3 ம் இடத்தையும் பெற்றனர். வெற்றி பெற்ற மாணவர்களுக்கு பள்ளிப் பேரவையில் சான்றிதழ்களையும், பரிசுகளையும், பதக்கங்களையும் வழங்கியதோடு பயிற்சியளித்த அருட்சகோதரர் ரஷ்யன் உடற்பயிற்சிஆசிரியை உஷா வெற்றி பெற்ற மாணவர்களைபள்ளி பொறுப்பு தலைமை ஆசிரியர் அருள் பர்னாந்து மற்றும் ஆசிரியர்கள், அலுவலர்கள், மாணவ-மாணவிகள். பள்ளித் தாளாளர் லெரின் டிரோஸ் ஆகியோர் வாழ்த்தினர்.