இளம்பெண் தற்கொலை- சீர்காழி உதவி கலெக்டர் விசாரணை

மயிலாடுதுறை மாவட்டம் பொறையாறு அருகே கிடங்கல் கிராமத்தை சேர்ந்த சரவணன் மகள் ரேணுகாதேவி (வயது 21). கீழையூர் கிராமம் உடையார் இருப்பு தெருவை சேர்ந்த சீனிவாசன் மகன் முருகன் (30). கொத்தனாரான இவருக்கும் ரேணுகாதேவிக்கும் கடந்த ஒரு ஆண்டுக்கு முன்பு திருமணம் நடந்தது. இந்தநிலையில் கணவன், மனைவிக்கு இடையே அடிக்கடி குடும்ப தகராறு ஏற்பட்டு வந்ததாக கூறப்படுகிறது.

கணவன் வீட்டில் வசித்து வந்த ரேணுகாதேவி நேற்று முன்தினம் மதியம் தூங்குவதற்காக அறைக்கு சென்றுள்ளார். பின்னர் நீண்ட நேரமாகியும் வெளியே வராததால் வீட்டில் இருந்தவர்கள் அறையின் கதவை தட்டினர். ஆனால் கதவு திறக்கப்படாததால் சந்தேகம் அடைந்த குடும்பத்தினர் மற்றும் அக்கம் பக்கத்தினர் உதவியுடன் கதவை உடைத்து கொண்டு உள்ளே சென்று பார்த்தபோது ரேணுகாதேவி தூக்கில் பிணமாக தொங்கினார். இதனை கண்ட குடும்பத்தினரும், அக்கம் பக்கத்தினரும் அதிர்ச்சி அடைந்தனர்.