செய்திகள்
கருணாநிதி அறக்கட்டளை சார்பில் ரூ.2 லட்சம் உதவித்தொகை- மு.க.ஸ்டாலின் வழங்கினார்
கலைஞர் கருணாநிதி அறக்கட்டளை சார்பில் 8 பேருக்கு தலா ரூ. 25 ஆயிரம் வீதம் ரூ.2 லட்சம் ரூபாயை திமுக தலைவர் மு.க.ஸ்டாலின் வழங்கினார். #dmk #mkstalin
சென்னை:
கலைஞர் கருணாநிதி அறக்கட்டளை சார்பில் 4 கோடி ரூபாய் வங்கியில் வைப்புத் தொகையாக வைக்கப்பட்டுள்ளது. இதிலிருந்து வரும் வட்டித் தொகையில் 2007 பிப்ரவரி முதல் தொடர்ந்து உதவித் தொகை வழங்கப்படுகிறது.
இதுவரை வழங்கிய நிதி ரூ.4 கோடியே 75 லட்சத்து 90 ஆயிரம். கடந்த பிப்ரவரி மாதத்திற்கு வட்டியாக கிடைத்த தொகையில் மருத்துவம் மற்றும் கல்வி உதவி நிதியாக 8 பேருக்கு தலா ரூ.25 ஆயிரம் வீதம் மொத்தம் 2 லட்சம் ரூபாயை இன்று தி.மு.க. தலைவர் மு.க.ஸ்டாலின் வழங்கினார்.
நிதி பெறுவோர் வெளி மாவட்டங்களில் இருந்து வந்து போகிற செலவினத்தை தவிர்ப்பதற்காக தபால் மூலம் வரைவுக் காசோலையாக இந்த தொகை அனுப்பப்பட்டுள்ளது. #dmk #mkstalin