மொபைல்ஸ்

ரியல்மி நிறுவனத்தின் துணை பிராண்டாக டிசோ கடந்த வாரம் அறிமுகம் செய்யப்பட்டது. புதிய டிசோ பிராண்டின் கீழ் ஐ.ஒ.டி. எனப்படும் இண்டர்நெட் ஆப் திங்ஸ் சாதனங்களை அறிமுகம் செய்ய இருப்பதாக ரியல்மி அறிவித்து இருந்தது. இதைத் தொடர்ந்து டிசோ கோபாட்ஸ் மற்றும் டிசோ வாட்ச் விவரங்கள் அந்நிறுவன வலைதளத்தில் இடம்பெற்று இருந்தன.

இரண்டும் ரியல்மி பட்ஸ் ஏர் 2 மற்றும் ரியல்மி வாட்ச் சாதனங்களின் ரி-பிராண்டு செய்யப்பட்ட மாடல்கள் என தகவல் வெளியாகி இருந்தது. இந்த நிலையில், டிசோ ஸ்டார் 500 மற்றும் ஸ்டார் 300 பெயரில் புது பீச்சர் போன் மாடல்கள் சீனாவின் 3சி மற்றும் எப்சிசி சான்றுகளை பெற்று இருக்கின்றன. 

டிசோ ஸ்டார் 500 மாடலில் பெரிய திரை, கீபேட் காணப்படுகிறது. இதில் டூயல் சிம் வசதி, டூயல் பேண்ட் 2ஜி கனெக்டிவிட்டி, ஒற்றை பிரைமரி கேமரா, மொபைலின் பின்புறம் டிசோ பிராண்டிங் மற்றும் 1830 எம்ஏஹெச் பேட்டரி வழங்கப்படும் என கூறப்படுகிறது. 

டிசோ ஸ்டார் 300 மாடலில் சிறிய ஸ்கிரீன், கீபேட் காணப்படுகிறது. பின்புறம் ஒற்றை கேமரா, எல்இடி பிளாஷ், பெரிய ஸ்பீக்கர் கிரில், டூயல் சிம் ஸ்லாட், மைக்ரோ எஸ்டி ஸ்லாட், 2500 எம்ஏஹெச் பேட்டரி வழங்கப்படுகிறது.

குவால்காம் ஸ்னாப்டிராகன் 768ஜி பிராசஸருடன் இந்தியாவில் அறிமுகமாக இருக்கும் முதல் ஸ்மார்ட்போன் ஐகூ இசட்3 என அறிவிக்கப்பட்டு இருக்கிறது. இந்த ஸ்மார்ட்போன் அமேசான் தளத்தில் விற்பனை செய்யப்பட இருக்கிறது. இதனை உறுதிப்படுத்தும் வகையில் இசட்3 மாடலுக்கென மைக்ரோசைட் அமேசான் உருவாக்கப்பட்டு உள்ளது.

புது ஸ்மார்ட்போன் அறிமுகம் செய்வது மட்டுமின்றி சிறப்பு போட்டி ஒன்றை நடத்துகிறது. இதில் வெற்றி பெறுவோருக்கு ஐகூ இசட்3 ஸ்மார்ட்போன் பரிசாக வழங்கப்படுகிறது. முன்னதாக இந்த ஸ்மார்ட்போன் மார்ச் மாத வாக்கில் சீன சந்தையில் அறிமுகம் செய்யப்பட்டது.

அமேசான் தளத்தில் ஐகூ இசட்3 மைக்ரோசைட் மூலம் இந்த ஸ்மார்ட்போனின் விவரங்கள் வெளியிடப்படுகிறது. புதிய ஐகூ இசட்3 ஸ்மார்ட்போன் ஜூன் 8 ஆம் தேதி இந்தியாவில் வெளியாகிறது. 

அம்சங்களை பொருத்தவரை ஐகூ இசட்3 மாடலில் 6.58 இன்ச் FHD+ 1080x2408 பிக்சல் LCD டிஸ்ப்ளே, 120Hz ஸ்கிரீன், ஆக்டாகோர் குவால்காம் ஸ்னாப்டிராகன் 768ஜி பிராசஸர், அட்ரினோ 620 GPU, அதிகபட்சம் 8 ஜிபி ரேம், 256 ஜிபி மெமரி வழங்கப்பட்டுள்ளது.

புகைப்படங்களை எடுக்க 64 எம்பி பிரைமரி கேமரா, 8 எம்பி அல்ட்ரா வைடு ஆங்கில் லென்ஸ், 2 எம்பி சென்சார், 16 எம்பி செல்பி கேமரா வழங்கப்பட்டு இருக்கிறது. இத்துடன் 5ஜி, டூயல் பேண்ட் வைபை, ப்ளூடூத், 3.5 எம்எம் ஆடியோ ஜாக், யுஎஸ்பி டைப் சி, பக்கவாட்டில் கைரேகை சென்சார், 4400 எம்ஏஹெச் பேட்டரி, 55 வாட் பாஸ்ட் சார்ஜிங் உள்ளது.

சியோமியின் ரெட்மி பிராண்டு சீனாவில் ரெட்மி நோட் 10 ப்ரோ 5ஜி ஸ்மார்ட்போனினை சில தினங்களுக்கு முன் அறிமுகம் செய்தது. அறிமுக நிகழ்வில் இந்த ஸ்மார்ட்போனின் சர்வதேச வெளியீடு பற்றி எந்த தகவலும் வழங்கப்படவில்லை. ரெட்மி நோட் 10 ப்ரோ 5ஜி மாடல் போக்கோ எக்ஸ்3 ஜிடி பெயரில் அறிமுகம் செய்யப்பட இருப்பதாக தகவல் வெளியாகி உள்ளது.

இந்தியாவில் ரெட்மி நோட் 10 ப்ரோ 4ஜி வெர்ஷன் ஏற்கனவே அறிமுகம் செய்யப்பட்டு விட்டது என்பதால், இதன் 5ஜி வேரியண்ட் போக்கோ பிராண்டிங்கில் அறிமுகம் செய்யப்படலாம். அம்சங்களை பொருத்தவரை இதன் 4ஜி வேரியண்டில் 120Hz AMOLED ஸ்கிரீன் வழங்ககப்பட்டு உள்ளது.

போக்கோ நிறுவனம் போக்கோ எப்3 ஜிடி மாடலை 2021 மூன்றாவது காலாண்டில் அறிமுகம் செய்ய திட்டமிட்டு வருகிறது. இது ரெட்மி கே40 கேமிங் எடிஷன் மாடலின் ரி-பிராண்டு செய்யப்பட்ட மாடலாக இருக்கும் என கூறப்படுகிறது. போக்கோ எக்ஸ்3 ஜிடி மாடலின் விலை குறைவாக நிர்ணயம்  செய்யப்படலாம் என தெரிகிறது.

ஒன்பிளஸ் நார்டு CE 5ஜி ஸ்மார்ட்போன் ஜூன் 10 ஆம் தேதி அறிமுகம் செய்யப்பட இருக்கிறது. வெளியீட்டுக்கு முன் புது ஸ்மார்ட்போன் அம்சங்கள் இணையத்தில் லீக் ஆகி இருக்கிறது.

அதன்படி ஒன்பிளஸ் நார்டு CE 5ஜி மாடலில் குவால்காம் ஸ்னாப்டிராகன் 750ஜி பிராசஸர், 64 எம்பி பிரைமரி கேமரா, கூடுதலாக இரண்டு கேமரா சென்சார்கள், முன்புறம் 16 எம்பி செல்பி கேமரா வழங்கப்படும் என தெரிகிறது. இத்துடன் 6.43 இன்ச் AMOLED டிஸ்ப்ளே, 90Hz ரிப்ரெஷ் ரேட் கொண்டிருக்கும் என கூறப்படுகிறது.

இந்தியாவில் புதிய ஒன்பிளஸ் நார்டு CE 5ஜி மாடல் அமேசான் தளத்தில் விற்பனைக்கு வர இருக்கிறது. இந்த ஸ்மார்ட்போனிற்கான முன்பதிவு ஜூன் 11 ஆம் தேதி துவங்கி விற்பனை ஜூன் 16 ஆம் தேதி நடைபெற இருக்கிறது. புது ஸ்மார்ட்போன் மட்டுமின்றி ஒன்பிளஸ் டிவி U1S மாடலும் அறிமுகம் செய்யப்பட இருக்கிறது.

ரியல்மி எக்ஸ்7 மேக்ஸ் 5ஜி ஸ்மார்ட்போன் மே 31 ஆம் தேதி இந்திய சந்தையில் அறிமுகம் செய்யப்பட இருக்கிறது. இதனை தொடர்ந்து ரியல்மியின் மற்றொரு ஸ்மார்ட்போன் ஜூன் மாத வாக்கில் அறிமுகம் செய்யப்படலாம் என தகவல் வெளியாகி உள்ளது. இந்த ஸ்மார்ட்போன் சமீபத்தில் மலேசியாவில் அறிமுகமான ரியல்மி சி25எஸ் என கூறப்படுகிறது.

அம்சங்களை பொருத்தவரை இதில் பெரும்பாலும் சி25 மாடலில் வழங்கப்பட்ட அம்சங்களே உள்ளன. எனினும், இதில் வேறு பிராசஸர் வழங்கப்பட்டு இருக்கிறது. மலேசியாவில் அறிமுகம் செய்யப்பட்ட ரியல்மி சி25எஸ் மாடலில் 4 ஜிபி ரேம், 128 ஜிபி மெமரி வழங்கப்பட்டுள்ளது.

ரியல்மி சி25எஸ் மாடலில் 6.5 இன்ச் HD+LCD டிஸ்ப்ளே, மீடியாடெக் ஹீலியோ ஜி85 பிராசஸர், 4 ஜிபி ரேம், 128 ஜிபி மெமரி வழங்கப்பட்டு இருக்கிறது. இத்துடன் ரியல்மி யுஐ 2.0 சார்ந்த ஆண்ட்ராய்டு 11 ஒஎஸ் வழங்கப்படுகிறது. இந்த ஸ்மார்ட்போன் 6000 எம்ஏஹெச் பேட்டரி, 18 வாட் பாஸ்ட் சார்ஜிங் வசதி உள்ளது.  

இந்தியாவில் அறிமுகமாகும் பட்சத்தில் இதன் 64 ஜிபி மெமரி வேரியண்ட் விற்பனைக்கு கிடைக்கும் என கூறப்படுகிறது. மலேசியாவில் இதன் விலை 699 ரிங்கட் இந்திய மதிப்பில் ரூ. 12,300 என நிர்ணயம் செய்யப்பட்டு உள்ளது. 

ஒன்பிளஸ் நிறுவனம் இந்தியாவில் ஒன்பிளஸ் நார்டு CE 5ஜி ஸ்மார்ட்போன் மற்றும் ஒன்பிளஸ் டிவி US1 ஸ்மார்ட் டிவி மாடலை ஜூன் 10 ஆம் தேதி அறிமுகம் செய்கிறது. இதே நாளில் புது ஸ்மார்ட்போன் ஐரோப்பிய சந்தையிலும் அறிமுகம் செய்யப்பட இருக்கிறது. இத்துடன் நார்டு N200 5ஜி வேரியண்ட் வட அமெரிக்காவில் அறிமுகம் செய்வதாக ஒன்பிளஸ் தெரிவித்துள்ளது.

புது ஸ்மார்ட்போன் வெளியீட்டை தொடர்ந்து ஒன்பிளஸ் வலைதளத்தில் சிறப்பு குலுக்கல் நடைபெறுகிறது. இதில் ஸ்மார்ட்போன் வெளியாகும் நாள் வரை பரிசுகள் வழங்கப்படுகின்றன. குலுக்கலில் அதிகபட்சம் 8500-க்கும் அதிக வெற்றியாளர்கள் தேர்வு செய்யப்பட இருக்கின்றனர்.

வரும் நாட்களில் புது ஸ்மார்ட்போன் மற்றும் ஸ்மார்ட் டிவி விவரங்களை ஒன்பிளஸ் வெளியிடும் என தெரிகிறது. முன்னதாக இந்த ஸ்மார்ட்போனிற்கான டீசர் அமேசான் தளத்தில் பதிவிடப்பட்டு இருந்தது. மேலும் தனியார் செய்தி நிறுவனத்திற்கு அளித்த பேட்டியில் நார்டு CE 5ஜி ஸ்மார்ட்போனின் வெளியீட்டு தேதியை அந்நிறுவன தலைமை செயல் அதிகாரி பீட் லௌ தெரிவித்தார்.

சியோமி நிறுவனம் ரெட்மி நோட் 10 ப்ரோ 5ஜி ஸ்மார்ட்போனினை சீன சந்தையில் அறிமுகம் செய்து இருக்கிறது. புது 5ஜி வேரியண்ட் 6.6 இன்ச் FHD + LCD டிஸ்ப்ளே, கார்னிங் கொரில்லா கிளாஸ் விக்டஸ் பாதுகாப்பு கொண்டிருக்கிறது. இத்துடன் டிமென்சிட்டி 1100 பிராசஸர், அதிகபட்சம் 8 ஜிபி ரேம் வழங்கப்பட்டு இருக்கிறது.

புகைப்படங்களை எடுக்க 64 எம்பி பிரைமரி கேமரா, 8 எம்பி அல்ட்ரா வைடு ஆங்கில் லென்ஸ், 2 எம்பி மேக்ரோ கேமரா, 16 எம்பி செல்பி கேமரா வழங்கப்பட்டுள்ளது. IP53 சான்று பெற்ற ஸ்பிலாஷ் ரெசிஸ்டண்ட் வசதி, 5000 எம்ஏஹெச் பேட்டரி மற்றும் 67 வாட் பாஸ்ட் சார்ஜிங் வழங்கப்பட்டு இருக்கிறது.

- 6.6 இன்ச் 2400×1080 பிக்சல் FHD+ LCD 20:9 டிஸ்ப்ளே

- கார்னிங் கொரில்லா கிளாஸ் விக்டஸ் 

- 2.6GHz ஆக்டாகோர் மீடியாடெக் டிமென்சிட்டி 1100 பிராசஸர்

- ARM G77 MC9 GPU

- 6 ஜிபி / 8 ஜிபி LPDDR4x ரேம், 128 ஜிபி (UFS 3.1) மெமரி

- 8 ஜிபி LPDDR4x ரேம், 256 ஜிபி (UFS 3.1) மெமரி

- ஆண்ட்ராய்டு 11 மற்றும் MIUI 12.5

- டூயல் சிம்

- 64 எம்பி பிரைமரி கேமரா, f/1.79, LED பிளாஷ்

- 8 எம்பி 119° அல்ட்ரா வைடு ஆங்கில் லென்ஸ், f/2.3

- 2 எம்பி 4cm மேக்ரோ கேமரா, f/2.4

- 16 எம்பி செல்பி கேமரா

- பக்கவாட்டில் கைரேகை சென்சார்

- யுஎஸ்பி டைப் சி ஆடியோ

- ஸ்பிலாஷ் ரெசிஸ்டண்ட் (IP53)

- 5ஜி SA/NSA, டூயல் 4ஜி வோல்ட்இ, வைபை, ப்ளூடூத் 5.2

- யுஎஸ்பி டைப் சி

- 5000 எம்ஏஹெச் பேட்டரி

- 67W பாஸ்ட் சார்ஜிங், PD/QC சார்ஜிங்

ரெட்மி நோட் 10 ப்ரோ 5ஜி ஸ்மார்ட்போன் கிரீன், வைட் மற்றும் புளூ நிறங்களில் கிடைக்கிறது. இதன் பேஸ் வேரியண்ட் விலை 1499 யுவான், இந்திய மதிப்பில் ரூ. 17,040 என துவங்கி டாப் எண்ட் மாடல் விலை 1999 யுவான், இந்திய மதிப்பில் ரூ. 22,720 என நிர்ணயம் செய்யப்பட்டுள்ளது.

டெக்னோ நிறுவனம் இந்திய சந்தையில் ஸ்பார்க் 7 ப்ரோ ஸ்மார்ட்போனினை மிட்-ரேன்ஜ் பிரிவில் அறிமுகம் செய்தது. இதில் 6.6 இன்ச் ஹெச்டி பிளஸ் டிஸ்ப்ளே, 90 ஹெர்ட்ஸ் ரிப்ரெஷ் ரேட், மீடியாடெக் ஹீலியோ ஜி80 பிராசஸர், அதிகபட்சம் 6 ஜிபி ரேம் வழங்கப்பட்டுள்ளது.

இத்துடன் ஆண்ட்ராய்டு 11 சார்ந்த ஹைஒஎஸ் 7.0, 48 எம்பி பிரைமரி கேமரா, 2 எம்பி போர்டிரெயிட் கேமரா, ஏஐ லென்ஸ் மற்றும் 8 எம்பி செல்பி கேமரா வழங்கப்பட்டு இருக்கிறது. டூ-டோன் பினிஷ் கொண்டிருக்கும் டெக்னோ ஸ்பார்க் 7 ப்ரோ 5000 எம்ஏஹெச் பேட்டரி கொண்டுள்ளது.

டெக்னோ ஸ்பார்க் 7 ப்ரோ ஸ்மார்ட்போன் ஆல்ப்ஸ் புளூ, ஸ்ப்ரூஸ் கிரீன் மற்றும் மேக்னெட் பிளாக் நிறங்களில் கிடைக்கிறது. இதன் 4 ஜிபி ரேம், 64 ஜிபி மாடல் விலை ரூ. 9,999, 6 ஜிபி ரேம், 64 ஜிபி மெமரி மாடல் விலை ரூ. 10,999 என நிர்ணயம் செய்யப்பட்டுள்ளது. மே 28 ஆம் தேதி முதல் இதன் விற்பனை அமேசானில் துவங்குகிறது.

சியோமி நிறுவனம் ரெட்மி நோட் 8 2021 ஸ்மார்ட்போனினை அறிமுகம் செய்தது. புதிய மிட் ரேன்ஜ் ஸ்மார்ட்போன் 6.3 இன்ச் FHD+LCD ஸ்கிரீன், கார்னிங் கொரில்லா கிளாஸ் 5 பாதுகாப்பு கொண்டுள்ளது. இத்துடன் மீடியாடெக் ஹீலியோ ஜி85 பிராசஸர், 4 ஜிபி ரேம் வழங்கப்பட்டு இருக்கிறது.

புகைப்படங்களை எடுக்க 48 எம்பி பிரைமரி கேமரா, 8 எம்பி அல்ட்ரா வைடு ஆங்கில் லென்ஸ், 2 எம்பி மேக்ரோ சென்சார், 2 எம்பி டெப்த் சென்சார் மற்றும் 13 எம்பி செல்பி கேமரா வழங்கப்பட்டுள்ளது. பின்புறம் கைரேகை சென்சார் கொண்டிருக்கும் புது ரெட்மி ஸ்மார்ட்போன் 4000 எம்ஏஹெச் பேட்டரி மூலம் சக்தியூட்டப்படுகிறது.

- 6.3 இன்ச் 2340×1080 பிக்சல் FHD+ டிஸ்ப்ளே

- கார்னிங் கொரில்லா கிளாஸ் 5

- ஆக்டாகோர் மீடியாடெக் ஹீலியோ ஜி85 பிராசஸர் 

- 1000MHz ARM மாலி-G52 2EEMC2 GPU

- 4 ஜிபி LPPDDR4x ரேம்

- 64 ஜிபி / 128 ஜிபி (eMMC 5.1) மெமரி

- மெமரியை கூடுதலாக நீட்டிக்கும் வசதி

- டூயல் சிம் ஸ்லாட்

- ஆண்ட்ராய்டு 11 மற்றும் MIUI 12.5

- 48 எம்பி பிரைமரி கேமரா, f/1.79, PDAF, EIS, 0.8μm, LED பிளாஷ், EIS

- 8 எம்பி 118° அல்ட்ரா வைடு ஆங்கில் லென்ஸ், f/2.2

- 2 எம்பி மேக்ரோ லென்ஸ்

- 2 எம்பி டெப்த் சென்சார், f/2.4

- 13 எம்பி செல்பி கேமரா, f/2.0

- கைரேகை சென்சார்

- 3.5 எம்எம் ஆடியோ ஜாக், எப்எம் ரேடியோ

- ஸ்பிலாஷ் ரெசிஸ்டண்ட் (P2i)

- டூயல் 4ஜி வோல்ட்இ, வைபை, ப்ளூடூத்

- யுஎஸ்பி டைப் சி

- 4000 எம்ஏஹெச் பேட்டரி

- 18 வாட் பாஸ்ட் சார்ஜிங்

ரெட்மி நோட் 8 2021 ஸ்மார்ட்போன் நெப்டியூன் புளூ, மூன்லைட் வைட் மற்றும் ஸ்பேஸ் பிளாக் நிறங்களில் கிடைக்கிறது. இந்த ஸ்மார்ட்போன் சியோமி குளோபல் வலைதளத்தில் பதிவேற்றம் செய்யப்பட்டு இருக்கிறது. இதன் விலை இதுவரை அறிவிக்கப்படவில்லை.

சியோமி நிறுவனத்தின் எம்ஐ 11 சீரிஸ் ஸ்மார்ட்போன்கள் சர்வதேச விற்பனையில் 30 லட்சத்திற்கும் அதிக யூனிட்கள் விற்பனையாகி இருக்கின்றன. எம்ஐ 11 சீரிசில் எம்ஐ 11, எம்ஐ 11 ப்ரோ மற்றும் எம்ஐ 11 அல்ட்ரா என மூன்று மாடல்கள் அறிமுகம் செய்யப்பட்டன. 

ஒட்டுமொத்த விற்பனையில் சீனாவில் மட்டும் அதிக யூனிட்கள் விற்பனையாகி இருக்கிறது. ஜனவரி 2021 முதல் ஏப்ரல் 2021 வரையிலான காலக்கட்டத்தில் நடைபெற்ற விற்பனை விவரங்கள் மூன்றாம் தரப்பு விற்பனையாளர்கள் வழங்கிய தகவல்களின் அடிப்படையில் கணக்கிடப்பட்டு இருக்கின்றன. 

மூன்று மாடல்களும் தனித்தனியே எத்தனை யூனிட்கள் விற்பனையாகின என்ற தகவலை சியோமி வெளியிடவில்லை. சீன சந்தையில் பல்வேறு உயர் ரக மாடல்களை தொடர்ந்து அறிமுகம் செய்யும் சியோமி, விற்பனையிலும் நல்ல வரவேற்பை பெற்று வருகிறது. இதுதவிர சீனா மட்டுமின்றி ஐரோப்பா உள்பட பல பகுதிகளில் வியாபாரத்தை நீட்டிக்கும் பணிகளில் ஈடுபட்டு வருகிறது.

இந்தியாவில் சியோமி எம்ஐ 11 சீரிஸ் எம்ஐ 11 எக்ஸ் 5ஜி, எம்ஐ 11 எக்ஸ் ப்ரோ 5ஜி மற்றும் எம்ஐ 11 அல்ட்ரா 5ஜி பெயர்களில் விற்பனை செய்யப்படுகின்றன. இவற்றின் விலை முறையே ரூ. 29,999, ரூ. 39,999 மற்றும் ரூ. 69,999 என துவங்குகிறது.

ரியல்மி நிறுவனம் விரைவில் தனது எக்ஸ்7 மேக்ஸ் 5ஜி ஸ்மார்ட்போனினை இந்திய சந்தையில் அறிமுகம் செய்ய இருக்கிறது. இந்த ஸ்மார்ட்போன் மீடியாடெக் டிமென்சிட்டி 1200 பிராசஸர் கொண்டிருக்கும் என ஏற்கனவே அறிவிக்கப்பட்டு விட்டது. இந்த நிலையில், தற்போது இந்த ஸ்மார்ட்போனின் விலை விவரங்கள் வெளியாகி உள்ளது.

புதிய ஸ்மார்ட்போனின் வெளியீட்டு தேதி இதுவரை அறிவிக்கப்படவில்லை. எனினும், இந்த மாடல் ஜூன் மாத முதல் வாரத்தில் வெளியாகும் என கூறப்படுகிறது. இந்தியாவில் ரியல்மி எக்ஸ்7 மேக்ஸ் 5ஜி ஸ்மார்ட்போன் பேஸ் வேரியண்ட் விலை ரூ. 27,999 என துவங்கும் என கூறப்படுகிறது.

இதன் 12 ஜிபி ரேம், 256 ஜிபி வேரியண்ட் ரூ. 30,999 என நிர்ணயம் செய்யப்படலாம் என கூறப்படுகிறது. இதன் பேஸ் வேரியண்ட் 8 ஜிபி ரேம், 128 ஜிபி மெமரி கொண்டிருக்கும் என தெரிகிறது.

அம்சங்களை பொருத்தவரை ரியல்மி எக்ஸ்7 மேக்ஸ் 5ஜி மாடலில் மீடியாடெக் டிமென்சிட்டி 1200 பிராசஸர், டூயல் 5ஜி சிம் வசதி கொண்டிருக்கும் என இதுவரை உறுதியாக அறிவிக்கப்பட்டு இருக்கிறது. இதுதவிர ஆஸ்பால்ட் 9 லெஜண்ட்ஸ் உடன் இணைந்து ந்த ஸ்மார்ட்போனினை ரியல்மி அறிமுகம் செய்கிறது.

ஆப்பிள் நிறுவனத்தின் ஐபோன் 12 Q1 2021 காலக்கட்டத்தில் உலகின் அதிகம் விற்பனையான ஸ்மார்ட்போன் என்ற பெருமையை பெற்று இருக்கிறது. இந்த தகவல் தனியார் நிறுவனம் மேற்கொண்ட ஆய்வில் தெரியவந்துள்ளது. யூனிட்கள் மற்றும் வருவாய் என இரு அடிப்படைகளிலும் ஐபோன் 12 முதலிடம் பிடித்து இருக்கிறது.

சர்வதேச ஸ்மார்ட்போன் விற்பனையில் ஐபோன் 12 மட்டும் 5 சதவீத பங்குகளை பெற்று இருக்கிறது. இதைத் தொடர்ந்து ஐபோன் 12 ப்ரோ மேக்ஸ் 4 சதவீதமும், ஐபோன் 12 ப்ரோ 3 சதவீதமும், ஐபோன் 11 மாடல் 2 சதவீதமும் பிடித்து இருக்கின்றன. 

மற்ற மாடல்களான சியோமி ரெட்மி 9ஏ ஐந்தாவது இடத்திலும், ரெட்மி 9 ஆறாவது இடத்தையும் பிடித்து இருக்கின்றன. சாம்சங் கேலக்ஸி ஏ12 ஏழாவது இடமும், ரெட்மி நோட் 9 எட்டாவது இடமும், கேலக்ஸி ஏ21எஸ் மற்றும் கேலக்ஸி ஏ31 முறையே ஒன்பது மற்றும் பத்தாவது இடங்களை பிடித்து இருக்கின்றன.

வருவாய் அடிப்படையில் ஐபோன் 12 ப்ரோ மேக்ஸ் 12 சதவீத வருவாய் பெற்று முதலிடத்தில் இருக்கிறது. ஐபோன் 12, ஐபோன் 12 ப்ரோ, ஐபோன் 11 உள்ளிட்ட மாடல்கள் அடுத்தடுத்த இடங்களை பிடித்துள்ளன. இந்த பட்டியலில் ஐந்தாவது இடத்தில் சாம்சங் கேலக்ஸி எஸ்21 அல்ட்ரா இருக்கிறது.